Fréttir

17. feb 2012

Biðin langa

Það er mál manna að umsjónarmaður hafi misst sig aðeins er hann setti upp völlinn fyrir 5. púttkvöldið og völlurinn verið of erfiður en skemmtilegur að mörgu leyti. Þó gekk gagnrýnin aðallega út á það hversu löng bið myndaðist við 8. holuna sem var í lengra lagi. Já, ég undirritaður játa að ég sá ekki fyrir þessa bið, sem varð er verst lét um tuttugu mínútur og það gengur ekki. Skorið var því verra en oftast áður en það er huggun harmi gegn að henda verður út fjórum hringjum þegar upp er staðið. Það er áberandi hversu menn eru mislengi/fljótir að spila. Til að flýta leik er góð regla að vera með sömu leikröð innan liðs allan hringinn burtséð frá skori. Það má svo breyta röðinni fyrir seinni hringinn, sem dæmi. Góð mæting að venju en leikmenn miskátir með umsjónarmanninn eins og gengur. Hér að neðan er staða liða og einstaklinga eftir 5. umferð. Bestu kveðjur, Halldór B. Kristjánsson leturval@litrof.is 898 3795

16. feb 2012

Fimmta púttkvöld kvenna

Á níunda tug kvenna mættu í púttið í gærkvöldi sem var það fimmta í röðinni. Sumar holanna stríddu þátttakendum og þá sérstaklega sú 8. sem var einskonar flöskuháls á miðjum vellinum. Þegar mest var stóðu uþb 30 konur í röð og biðu þess að fá að pútta. Holan var með þeim lengri og var mörgum okkar fjötur um fót. Þrátt fyrir þetta var besta skorið 30 högg og er það vel. Enn eykst spennan á toppnum og nú þegar fjórir bestu hringirnir eru farnir að telja situr hún Nanna Björg sem fastast á toppnum en strax á hæla hennar með aðeins einu höggi meira er Marólína. Nokkrar raða sér á eftir þeim stöllum svo það má ekki miklu muna til að staðan breytist. Það er morgunljóst að á meðal GR kvenna eru hörkupúttarar! Næsta púttkvöld verður miðvikudaginn 22.febrúar og þá vill svo skemmtilega til að það er öskudagur. Sú hefð hefur myndast á því kvöldi að koma í búningum. Hér með er skorað á ykkur GR konur að láta ljós ykkar skína í búningahönnun. Verðlaun verða veitt fyrir besta búninginn :) Meðfylgjandi er staðan í dag eftir 5 kvöld. kv nefndin.

14. feb 2012

Mikil barátta hjá konunum í púttinu

Nú er fjórum púttkvöldum lokið og staðan er gríðarlega jöfn þegar mótið okkar er hálfnað. Nanna Björg situr enn sem fastast á toppnum en þær eru nokkrar sem koma í humátt á eftir henni og því getur allt gerst. Í kvöld mættu um 90 konur en samtals hafa 110 konur skráð sig til leiks. Meðfylgjandi er staðan eins og hún er að loknum fjórum púttkvöldum. Næsta púttkvöld er nk miðvikudag 15.feb. Húsið opnar sem fyrr kl.18.30. Við minnum á að nauðsynlegt er að skila skorkorti undirrituðu af bæði leikmanni og ritara. Við þökkum Eyrúnu yfirbakara og nefndarkonu hjartanlega fyrir kökurnar sem runnu ljúflega niður með kaffisopanum :) Kveðja, Kvennanefndin

13. feb 2012 | VERTU VEL UNDIRBÚINN FYRIR NÆSTA GOLFTÍMABIL

10. feb 2012 | Stjarna fædd?

09. feb 2012 | Næsta púttkvöld GR kvenna mánudaginn 13.febrúar

06. feb 2012 | Breytingar á golfreglunum 2012

06. feb 2012 | Vallarmet kjúklinganna

03. feb 2012 | Nanna Björg á 29 höggum.

27. jan 2012 | Topp mæting þrátt fyrir erfiða færð