Ingvar Andri náði frábærum árangri á Opna skoska meistaramótinu


18.04.2017
Ingvar Andri

GR-ingurinn Ingvar Andri Magnússon náði frábærum árangri á Opna skoska meistaramótinu fyrir 18 ára og yngri. Mótið fór fram á Monifieth Golf Links vellinum í Skotlandi. Ingvar Andri endaði í fimmta sæti en alls tóku þrír íslenskir keppendur þátt. Dagbjartur Sigurbrandsson og Daníel Ísak Steinarsson úr Golfklúbbnum Keili léku einnig á mótinu.

Alls tóku yfir 100 kylfingar þátt en leiknar voru 72 holur á þremur keppnisdögum, en á lokadeginum voru leiknar 36 holur. Ingvar Andri lék á 5 höggum yfir pari en hann var í efsta sæti eftir fyrstu tvo hringina (69,73,73,74).

Daníel Ísak var í góðum málum eftir fyrsta hringinn sem hann lék á 70 höggum. Hann gaf síðan aðeins eftir og endaði á +25 yfir pari. Dagbjartur var einu höggi frá því að komast í gegnum niðurskurðinn.

Lokastöðu mótsins má sjá hér

« Til baka

Styrktaraðilar GR