Mercedes-Benz bikarinn – forkeppni framlengt til sunnudags, hægt að leika á báðum völlum


18.05.2017
Benz

Nú hefur forkeppni fyrir Mercedes-Benz bikarinn staðið yfir á Korpu frá laugardeginum 13. maí. Óhætt er að segja að góð þátttaka hafi verið þá daga sem mótið hefur farið fram, þrátt fyrir leiðindaveður á keppendur.

Þar sem veðurspá helgarinnar lofar góðu höfum við ákveðið að framlengja forkeppninni fram til sunnudagsins 21. maí. Frá og með morgundeginum, 19. maí, verður hægt að spila í forkeppninni á báðum völlum félagsins – Grafarholti og Korpu.

Það er til mikils að vinna með því að sigra í Mercedes-Benz bikarnum. Sigurvegarinn, sem fær nafnbótina Holukeppnismeistari GR 2017, fær frítt árgjald í GR fyrir árið 2018 og afnot af Mercedes-Benz bifreið í viku.

Veglegt lokahóf verður síðan haldið eftir úrslitaleik keppninnar sem öllum þátttakendum mótsins er boðið að taka þátt í. Dregin verða út vegleg verðlaun, þannig að það verða fleiri en sigurvegari keppninnar verðlaunaðir.

Hvernig tekur fólk þátt í forkeppninni?
Forkeppnin fer þannig fram að keppandi bókar sig í rástíma á Korpu eða í Grafarholti, til dæmis föstudaginn 19. maí. Áður en leikur hefst þarf keppandi að skrá sig í mótið í afgreiðslunni, borga 1.500 króna þátttökugjald og gefa upp farsímanúmer og netfang. Keppandi leikur síðan 18 holu hring á öðrum hvorum vellinum og skilar inn skorkorti í afgreiðslu eða í þar til gerðan kassa að leik loknum. Einhver meðspilari þarf að staðfesta skorkortið með undirskrift sinni. 

Ef illa gengur má keppendi kaupa sér annan hring og hefur til þess tíma til sunnudagsins 21. maí. Það má þess vegna keppa daglega í forkeppninni þá daga sem hún stendur og það er punktahæsti hringurinn sem gildir.

Að lokinni forkeppni tekur svo holukeppnin við með útsláttarfyrirkomulagi.

Golfklúbbur Reykjavíkur í samvinnu við Öskju

« Til baka

Styrktaraðilar GR