grgolf

Aðkoma að Básum og bílastæði við Bása lokuð á morgun 2,. júlí

Wed, 01 Jul 2026 15:17:31 GMT

Kæru kylfingar

Eins og áður hefur verið auglýst verða 1. og 2. brautin í Grafarholti lokaðar á morgun, fimmtudaginn 2. júlí til kl. 18:00 þar sem verið er að setja sand í nýja glompur 1. brautar.

Til þess að hægt sé að ferja sandinn á svæðið þurfa vinnuvélar og tæki að komast um svæðið. Til að gæta sem fyllsta öryggis verður aðkoma og bílastæði við Bása lokuð á meðan á vinnunni stendur.

Við bendum þeim sem ætla að fara og æfa sveifluna í Básum að þar er opið samkvæmt opnunartíma og hægt að leggja á bílastæðinu við skálann í Grafarholti og neðra bílastæðinu, sem er vinstra megin þegar keyrt er upp að skálanum.

Landslið 65+ karla keppir í Finnlandi

Wed, 01 Jul 2026 11:32:18 GMT

Landslið karla 65+ á vegum LEK taka þátt í ESGA móti eldri kylfinga sem fram fer 1.-3. júlí 2026 á tveimum af bestu völlum Finnlands, Kytäjä Golf Club. Karlar án forgjafar taka þátt í Super Senior Championship og karlar með forgjöf taka þátt í Super Senior Cup ESGA XXV Super Seniors Team. Spilaður er betri bolti í 2 daga og höggleikur lokadaginn.

Rástímar, staða og úrslit

Lið 65+ án forgjafar:
Brynjar Harðarson, GR
Eggert Eggertsson, NK
Gauti Grétarsson, NK
Jónas Kristjánsson, GR
Kristján V Kristjánsson, GK
Óskar Sæmundsson, GR

Lið 65+ með forgjöf:
Erlingur Arthursson, GHG
Gunnar Árnason, GKG
Hörður Sigurðsson, GR
Ingi Þór Hermannsson, GO
Kolbeinn Kristinsson, GÖ
Þór Geirsson, GO

Liðsstjóri fyrir bæði liðin er Gunnar Árnason.

Við hjá Golklúbbi Reykjavíkur eigum fjóra fulltrúa í liðinum tveimur og erum ákaflega stolt af því. Við óskum þeim góðs gengis - áfram Ísland!

1. flöt í Grafarholti - lokuð fram að Meistaramóti

Tue, 30 Jun 2026 09:15:23 GMT

Kæru félagar,

við neyðumst til að taka útaf nýju 1.flötinni okkar til að hvíla hana fyrir meistaramótið. Álagið á nýtt grasið er farið að láta á sjá, svo við ætlum að hvíla svæðið fram að móti og vonum við að félagsmenn sýni því skilning.

Kv. Vallarsvið

Haraldur Franklín hefur leik á lokaúrtökumóti fyrir The Open

Tue, 30 Jun 2026 08:08:47 GMT

Haraldur Franklín Magnús, GR og Gunnlaugur Árni Sveinsson, GKG, verða báðir á meðal keppenda í lokaúrtökumóti fyrir Opna mótið í dag, þar sem leikið verður um sæti á hinu sögufræga risamóti.

Lokaúrtökumótið fer fram á fjórum völlum í Bretlandi: Burnham & Berrow, Dundonald Links, Royal Cinque Ports og West Lancashire. Á hverjum velli leika 72 kylfingar um fimm laus sæti í mótinu, sem fram fer á Royal Birkdale vellinum í júlí.

Íslensku kylfingarnir leika ekki á sama vellinum. Haraldur Franklín verður á Dundonald Links í Skotlandi en Gunnlaugur Árni leikur á West Lancashire á Englandi. Báðir vellirnir eru krefjandi og útlit er fyrir erfiðar aðstæður, þar sem væta og vindur gætu sett mark sitt á daginn.

Haraldur hefur leik klukkan 07:30 að staðartíma og fer út á seinni hringinn klukkan 13:15. Hann leikur með Skotanum Calum Fyfe og Bandaríkjamanninum John Vogelpohl.

Hér má fylgjast með stöðu mótanna

Haraldur þekkir vel til risamótanna. Hann varð árið 2018 fyrsti íslenski karlkylfingurinn til að leika á risamóti þegar hann tók þátt í Opna mótinu á Carnoustie. Hann komst þá inn í mótið í gegnum lokaúrtökumót og freistar þess nú að endurtaka leikinn, eftir að hafa tryggt sér sæti í lokaúrtökumótinu í gegnum undankeppni.

Haraldur sagði fyrir mótið að Dundonald væri „þrusuerfiður“ völlur og að þolinmæði yrði lykilatriði. Í aðstæðum sem þessum snýst verkefnið ekki endilega um að sækja á allar holur, heldur að halda boltanum í leik, taka skynsamlegar ákvarðanir og safna nógu mörgum pörum.

Á Dundonald vellinum verða þekkt nöfn í hópnum, þar á meðal Robert Rock, Angel Hidalgo og margir sterkir ungir kylfingar.

Framundan er langur og krefjandi dagur hjá þeim Haraldi Franklín og Gunnlaugi Árna. Til að komast alla leið þurfa þeir að vera í hópi fimm efstu kylfinga á sínum velli eftir 36 holur og mun því hvert högg skipta miklu máli.

Haraldur Franklín áfram í lokaúrtökumót The Open

Mon, 29 Jun 2026 12:59:25 GMT

The body content of your post goes here. To edit this text, click on it and delete this default text and start typing your own or paste your own from a different source.

Sýnum vallarstarfsmönnum fyllstu varkárni

Mon, 29 Jun 2026 12:08:53 GMT

Kæru félagsmenn og aðrir kylfingar,

að gefnu tilefni, því miður, viljum við minna alla félagsmenn og gesti á að sýna fyllstu aðgát ef og/eða þegar slegið er í nágrenni við vallarstarfsmenn.

Vallarstarfsmenn leggja sig fram á hverjum degi við að halda vellinum okkar í sem besta ástandi fyrir kylfinga. Því biðjum við alla kylfinga að:

að bíða með högg ef starfsmaður er innan höggfæris
að ganga úr skugga um að starfsmaður hafi tekið eftir kylfingnum og gefið merki þess að halda leik áfram
að kalla FORE ef að höggið sefnir í átt að örðum, hvort sem það er vallarstarfsmaður eða annar kylfingur

Hjálpumst að við að tryggja öryggi allra við leik í okkar frábæru íþrótt og útiveru. Það er á allra ábyrgð.

Opna Stjörnugrís 2026

Sun, 28 Jun 2026 13:22:43 GMT

Yfir 190 manns tóku þátt í Opna Stjörnugrís 2026, sem leikið var á Grafarholtsvelli í gær, laugardaginn 27. júní. Veðrið var kannski ekki upp á sitt besta, rigning var um morgunin og frekar kalt, þegar það hætti að rigna þá hitnaði aðeins í veðri en kylfingar létu það ekki stoppa sig - frábært skor hjá mörgum hverjum. Ræst var út frá kl.8:15 til 15:30. Allir keppendur fengu glæsilega teiggjöf, bolta, tí, handklæði ásamt öskju með flatargafli og tveimur boltamerkjum. Jón Eysteinsson kom inn á besta skori mótsins, 70 höggum eða einu höggi undir pari vallarsins.

Öll úrslit úr mótinu má sjá í mótskrá á Golfbox en helstu úrslit urðu þessi:

Punktakeppni:

Sindri Þór Kristjánsson, 45 punktar
Erna Steina Eysteinsdóttir, 41 punktar
Rakel Reynisdóttir, 39 punktar (betri seinni 9)
Kjartan Guðjónsson, 39 punktar
Hlynur Már Heimisson, 38 punktar

Besta skor mótsins:

Jón Eysteinsson, 70 högg

Nándarverðlaun:
2.braut – Líney Sveinsdóttir 189 cm.
6.braut – Erna Steina Eysteinsdóttir 70 cm.
11.braut – Kristjana S. Þorsteinsdóttir 1 cm.
17.braut – Kristín Markúsdóttir 78 cm.

Lengsta drive 3.braut kk. – Tómas Frostason

Lengsta drive 3.braut kvk. – Margrét Jóna Eysteinsdóttir

Við þökkum keppendum kærlega fyrir daginn og óskum vinningshöfum til hamingju með sinn árangur í mótinu. Hægt er að nálgast vinninga til Stjörnugrís hf., Saltvík, 162 Kjalarnes. Opnunartími er mánud. - fimmtud. frá kl. 08:00 - 16:00 og föstudaga frá kl. 08:00 - 15:15.

Golfklúbbur Reykjavíkur í samvinnu við Stjörnugrís hf.

1. og 2. braut í Grafarholti lokuð fimmtudaginn 2. júlí til kl.18:00

Thu, 25 Jun 2026 10:01:40 GMT

Kæru kylfingar

við viljum upplýsa ykkur um að 1. og 2. brautin í Grafarholti verða lokaðar fimmtudaginn 2. júlí næstkomandi þar sem vinnuvélar og vallarstarfsmenn verða í óðaönn að setja sand í glompur og gera þær fulltilbúnar til leiks .

Golfkveðja frá Vallarsviði

Íslandsmót golfklúbba U14 - Selvöllur Flúðir

Wed, 24 Jun 2026 09:08:48 GMT

Íslandsmót golfklúbba í aldursflokknum 14 ára og yngri fer fram á Selsvelli á Flúðum dagana 24.-26. júní. Keppt er í stúlkna- og drengjaflokki.

Golfklúbbur Reykjavíkur er með tvær sveitir á svæðinu, skipaðar ungum og efnilegum kylfingum.

Í flokki drengja 14 ára og yngri erum við með tvær fimm drengja sveitir.

Hér má fylgjast með rástímum, stöðu og úrslitum mótsins

Vegna mikillar þátttöku verður golf leikið frá morgni til kvölds alla mótsdagana. Fjöldi keppenda, liðsstjóra og foreldra mun skapa líf og fjör á vellinum þar sem framtíðarstjörnur fá tækifæri til að etja kappi.

Íslandsmót golfklúbba U18 - Leynir Akranes

Wed, 24 Jun 2026 09:03:06 GMT

Íslandsmót golfklúbba í aldursflokkum 16- og 18 ára og yngri fer fram á Garðavelli á Akranesi dagana 24.-26. júní. Keppt er í drengjaflokki 16 ára og yngri og í bæði stúlkna- og drengjaflokki 18 ára og yngri. Frábær skráning hefur verið í mótin, en tæplega þrjátíu sveitir munu leika um Íslandsmeistaratitlana þrjá á Akranesi næstu daga.

Golfklúbbur Reykjavíkur er með fjórar sveitir á svæðinu, allt skipað ungum og efnilegum kylfingum.

Í drengjaflokki erum við með sex drengja sveit í flokknum drengir yngri en 16 ára og fjögurra drengja sveit í flokknum drengir yngri en 18 ára.

Í stúlknaflokki erum við með tvær sveitir, annars vegar fimm stúlkna sveit og fjögurra stúlkna sveit, báðar sveitir keppa í flokknum stúlkur 18 ára og yngri.

Hér má fylgjast með rástímum, stöðu og úrslitum mótsins

Meistaramót GR 2026 - skráning hefst á miðvikudaginn kl.10:00 í Golfbox

Mon, 22 Jun 2026 16:12:28 GMT

Meistaramót Golfklúbbs Reykjavíkur 2026 fer fram dagana 5. – 11. júlí næstkomandi.

Keppni fer fram á Grafarholtsvelli og á Korpúlfsstaðarvelli, Sjórinn/Áin, líkt og undanfarin ár. Sunnudaginn 5. júlí til þriðjudagsins 7. júlí leika allir barna- og unglingaflokkar, 50 ára og eldri karlar í forgjafarflokkum 10,5 og hærra, 50 ára og eldri konur í forgjafarflokkum 16,5 og hærra. Þá leika einnig 3. og 4. flokkur karla og kvenna og 5. flokkur karla. Þessir flokkar leika þriggja daga mót eða 54 holur og leika allir höggleiksafbrigði (hámark 10 högg á holu). Börn 12 ára og yngri með forgjöf 30,1 og hærra spila 3 x 9 holur á Landinu frá sunnudegi til þriðjudags.

Miðvikudaginn 8. júlí til laugardagsins 11. júlí leika karlar 50 -64 ára í forgjafarflokk 0-10,4 og konur 50 -64 ára í forgjafarflokk 0-16,4, 2. flokkur karla og kvenna, 1. flokkur karla og kvenna og Meistaraflokkur karla og kvenna. Þessir flokkar leika fjögurra daga mót eða 72 holur.

Nánari skiptingu flokka og áætlaðir rástímar verða birtir undir mótinu á næstu dögum.

Keppendur 18 ára og yngri leika í sínum aldursflokki nema að þeir hafi meistaraflokksforgjöf þá er þeim heimilt að leika í Meistaraflokki.

Skráning í mótið hefst miðvikudaginn 24. júní kl. 10:00 og fer fram í mótaskrá á Golfbox . Skráningu lýkur fimmtudaginn 2. júlí kl.12:00 – greiða þarf mótsgjald við skráningu. Innifalið í mótsgjaldi eru veitingar og skemmtun í lokahófi á laugardagskvöldi og á þriðjudagskvöldið 7. júlí fyrir börn- og unglinga.

Athugið!
Hámarksfjöldi í hvern flokk er 90 manns, ef full skráning verður ekki í alla flokka er hægt að fjölga í öðrum flokkum. Raðað er inn í flokka eftir skráningartíma. Sú forgjöf sem kylfingar eru með á lokaskráningardegi, gildir í mótinu.

Mótsgjöld:
4ra daga mót, 72 holur = 14.000 kr.
3ja daga mót, 54 holur = 13.000 kr.

Börn og unglingar
B&U 3ja daga mót, 54 holur = 9.700
B&U 3ja daga mót, 27 holur = 5.100

Allar upplýsingar um Meistaramót, áætlaða rástíma og skiptingu flokka, má finna hér á vefnum .

Reglubók Golfklúbbs Reykjavíkur – Skráning og mætingar í mót.
9.1 Mótshaldara er heimilt að krefjast greiðslu þátttökugjalda við skráningu. Keppandi á ekki rétt á endurgreiðslu þátttökugjalds boði hann forföll til mótsstjórnar/nefndarinnar, síðar en kl. 18.00 daginn fyrir fyrsta keppnisdag.

Íslandsmótið í holukeppni - Guðmundur Ágúst í 2. sæti og Perla Sól í 3. sæti

Mon, 22 Jun 2026 12:43:47 GMT

Íslandsmótið í holukeppni karla og kvenna fóru fram um helgina. Karlarnir léku á Hólmsvelli hjá Golfklúbbi Suðurnesja og konurnar á Urriðavelli hjá Golfklúbbnum Oddi.

Á föstudaginn var leikinn 36 holu höggleikur þar sem 16 efstu komust áfram í holukeppnina, hjá körlum og konum.

Í karlaflokki voru það Guðmundur Ágúst Kristjánsson, Hákon Örn Magnússon og Sigurður Bjarki Blumenstein sem tryggðu sér allir sæti í 16 manna úrslitum holukeppninnar.

Hákon Örn tapaði sínum leik á móti Kristjáni Karli Guðjónssyni og Sigurður Bjarki tapaði sínum leik á móti Birgi Birni Magnússyni.

Guðmundur Ágúst mætti Arnari Daða Svavarssyni í sínum leik og vann hann eina holu upp og hélt því áfram í 8 manna úrstli. Guðmundur Ágúst og Björn Viktor Viktorsson mættust í 8 manna úrslitum þar sem Guðmundur Ágúst hafði betur á 19 holu og vann leikinn.

Í undanúrslitum mættust Guðmundur Ágúst og Aron Emil Gunnarsson þar sem Guðmundur Ágúst vann leikinn með tveggja holu sigri. Guðmundur Ágúst lék því til úrslita um Íslandsmeistaratitilinn í holukeppni. Í úrslitaleiknum mættust þeir Guðmundur Ágúst og Birgir Björn Magnússon, sá leikur var heldur betur spennandi þar sem Birgir Björn var með yfirhöndina fyrri níu holurnar og Guðmundur Ágúst var með yfirhöndina á seinni níu holunum. Þá var allt jafnt eftir 18 holu leik og því þurfti bráðabana til að knýja fram úrslit, Guðmundur Ágúst tapaði leiknum á 19 holu og varð því í 2. sæti í Íslandsmótinu í holukeppni 2026.

Í kvennaflokki voru það Þóra Sigríður Sveinsdóttir, Ásdís Rafnar Steingrímsdóttir og Perla Sól Sigurbrandsdóttir sem tryggðu sér allar sæti 16 manna úrslit holukeppninnar.

Þóra Sigríður tapaði sínum leik á móti Guðrúnu Brá Björgvinsdóttur og Ásdís Rafnar tapaði sínum leik á móti Elsu Maren Steinarsdóttur.

Perla Sól Sigurbrandsdóttir mætti Elvu Maríu Jónsdóttur þar sem Perla Sól vann leikinn á 19 holu. Perla Sól mætti svo Elsu Maren Steinarsdóttur í 8 manna úrslitum og fór sá leikur í bráðabana sem Perla Sól vann á 21 holu.

Í undanúrslitum mættust Perla Sól og Guðrún Brá Björgvinsdóttir þar hafði Guðrún Brá betur og vann leikinn með einnar holu sigri. Perla Sól lék því til úrslita um 3.-4. sæti. Í þeim leik mætti Perla Sól henni Fjólu Margréti Viðarsdóttur og spilaði Perla Sól þann leik vel, var með leikinn nokkuð í höndum sér og vann leikinn tvær holur upp, með sigrinum því tryggði hún sér 3. sætið í Íslandsmótinu í holukeppni 2026.

Við óskum Guðmundi Ágústi og Perlu Sól innilega til hamingju með sinn árangurinn! Áfram GR!

Mikilvæg áminning um notkun og skil á Spora

Fri, 19 Jun 2026 15:11:43 GMT

Kæru félagsmenn,

Við viljum minna á að Spori eru nú aðgengilegir á nýjum stöðum í klúbbhúsum okkar, eins og áður hefur verið auglýst. Við biðjum ykkur að kynna ykkur staðsetningarnar vel.

Grafarholt:

Spori er í hillu strax til hægri þegar þú kemur inn í golfverslunina , ásamt QR kóða til að skanna og staðfesta rástíma.

Korpa:

Spori í hillu á veggnum í anddyrinu og þar til vinstri er upplýsingaskjár með m.a. QR kóða til að skanna og staðfesta rástíma.

Á Korpunni eru tvær Spora hillur, efri hillan er fyrir 9 holur og sú neðri fyrir 18 holur.

Jafnframt viljum við biðja kylfinga um að skila Spora í þar til gert skilabox (ekkert nýtt þar), sem staðsett eru inni í klúbbhúsunum, að leik loknum.

ATH! Ekki á að skila Spora aftur í hillurnar

Með góðri samvinnu getum við tryggt að Spori séu ávallt tiltækir og aðgengilegir þeim sem eru á leið út á völl að spila golf.

Við þökkum fyrir góða samvinnu og skilning.

Bestu kveðjur,

Golfklúbbur Reykjavíkur

Íslandsbmótið í holukeppni - karla og kvenna - staðan

Fri, 19 Jun 2026 09:53:32 GMT

Íslandsmótið í holukeppni 2026 fer fram dagana 19.-21. júní. Keppt verður í karla- og kvennaflokki, en mótið fer fram á tveimur stöðum í ár. Karlamótið verður leikið á Hólmsvelli hjá Golfklúbbi Suðurnesja og konurnar leika á Urriðavelli hjá Golfklúbbnum Oddi.

Fyrsti keppnisdagur er 36 holu höggleikur

Karlaflokkur: Rástímar og staðan í höggleik

Kvennaflokkur: Rástímar og staðan í höggleik

Að loknum höggleiknum komast 16 efstu kylfingarnir í hvorum flokki áfram í holukeppnina.

Á laugardeginum eru leikin 16 manna úrslit og 8 manna úrslit. Á sunnudeginum fara síðan fram undanúrslit og úrslitaleikir, þar sem Íslandsmeistarar ársins í holukeppni verða krýndir.

Holukeppnin

Karlaflokkur: Rástímar og staðan

Kvennaflokkur: Rástímar og staðan

Á síðasta ári fögnuðu Böðvar Bragi Pálsson, GR, og Heiðrún Anna Hlynsdóttir, GOS, sigri.

Hjóna- og parakeppni GR 2026 - úrslit

Wed, 17 Jun 2026 18:14:24 GMT

Hjóna- og parakeppni GR fór fram í dag, þriðjudaginn 17.júní á Grafarholtsvelli. Mótið var fullsetið og fylltist mótið á stuttri stundu og var langur biðlisti. Það mættu 66 hjón/pör til leiks og léku í fínasta veðri, nánast logn. Leikið var með Greensome fyrirkomulagi, stoppað í pylsu á leiðinni og var þjóðhátíðarstemmning yfir vellinum. Veitt voru glæsileg verðlaun fyrir fyrstu fjögur sætin ásamt nándarverðlaunum á öllum par 3 hollum vallarins. Keppnin var jöfn en sigurvegarar dagsins voru hjónin Eggert Þór og Ágústa Dröfn, spiluðu á 61 höggum nettó.

Úrslit mótsins voru eftirfarandi:

1. Eggert Þór Kristófersson og Ágústa Dröfn Kristleifsdóttir 61 nettó

2. Guðný María Guðmundsdóttir og Kristján Ágústsson 63 nettó

3. Sandra Kristín Ólafsdóttir og Gísli Hjálmtýsson 65 nettó (betri seinni 9)

4. Lára Eymundsdóttir og Hörður Theódórsson 65 nettó

Nándarverðlaun:

2.braut: Guðmundur B Harðarson 2,9 m

6.braut: Sveinbjörn Jóhannesson 1,33 m

11.braut: Lórenz Þorgeirsson 1,53 m

17.braut: Sigríður Jóhanna Sigurðardóttir 0,84 m

Golfklúbbur Reykjavíkur óskar vinningshöfum til hamingju með flottan árangur og þakkar fyrir vel heppnað 17.júní þjóðhátíðarmót.

Tómas Hjaltested hefur leik á Opna breska áhugamannamótinu

Mon, 15 Jun 2026 16:22:22 GMT

Þrír íslenskir kylfingar hefja leik á Opna breska áhugamannamótinu (The Amateur Championship) í dag. Á meðal keppenda er Tómas Eiríksson Hjaltested úr Golfklúbbi Reykjavíkur. Mótið fer fram dagana 15.-20. júní á tveimur völlum í Englandi: Royal Liverpool og West Lancashire. Þar mætast 288 áhugakylfingar í einu sterkasta áhugamannamóti ársins.

Hægt er að fylgjast með skori mótsins hér

Tómas hóf leik klukkan 09:24 á West Lancashire.

Á fyrstu tveimur hringjum mótsins er leikinn höggleikur. Allir kylfingar leika 18 holur á hvorum vellinum, annan hringinn í dag og hinn á morgun. Eftir þessa fyrstu tvo hringi komast 64 efstu kylfingarnir áfram í útsláttarhluta mótsins. Þar er leikin holukeppni sem hefst strax að öðrum hring loknum. Í henni mætast kylfingar einn á móti einum þar til einungis tveir standa eftir.

Úrslitaviðureignin er sýnd um allan heim og verður þar leikin holukeppni yfir 36 holur. Fyrrum sigurvegarar mótsins eru meðal annars Bobby Jones, José María Olazábal, Sergio Garcia og Matteo Manassero.

Sigurvegari mótsins vinnur sér inn þátttökurétt á Opna breska meistaramótinu, Opna bandaríska meistaramótinu sem og á Masters mótinu. Það er því til mikils að vinna.

Andri Þór Björnsson verður á svæðinu næstu daga og mun sýna frá okkar mönnum á Instagram og Facebook reikningum GSÍ. Hann segist spenntur fyrir mótinu:

Þetta er spennandi mót á tveimur virkilega flottum golfvöllum. Vellirnir eru links vellir og eru þar að leiðandi með fullt af pottbönkerum, upphækkuðum grínum og endalaust af landslagi í kringum flatirnar þá sérstaklega á Royal Liverpool. Strákarnir eru búnir að undirbúa sig vel fyrir mótið og gat ég ekki betur séð en að þeir værum meira en tilbúnir í slaginn næstu daga.

Við óskum okkar kylfingum góðs gengis næstu dagana.

Golf14 - mót 2 - Ísak Hrafn og Bjartmar unnu sína flokka

Fri, 12 Jun 2026 14:02:59 GMT

Annað mót Golf14 mótaraðarinnar fór fram dagana 5. - 6. júní sl. og var haldið hjá Golfklúbbi Kópavogs- og Garðabæjar. Mótið var bæði leikið á Leirdalsvelli og Mýrinni. Metskráning var einnig í Golf14 mótið og voru 18 kylfingar frá Golfklúbbi Reykjavíkur skráðir til leiks.

Golf14 - Mýrin

Bjartmar Atlason lauk leik í 1. sæti í flokki 13-14 ára drengir eftir flotta spilamennsku.

Ísak Hrafn Jónasson lauk leik í 1. sæti í flokki 11-12 ára dengir eftir góða spilamennsku og Alexander Aron Ívarsson lauk leik í 3. sæti í saman flokki.

Anna Lind Valdimarsdóttir lauk leik í 3. sæti í flokki 10 ára og yngri stúlkur og stóð sig svo vel.

Golf14 - Leirdalur

Pétur Franklín Atlason lauk leik jafn í 3. sæti í flokki 14 ára og yngri drengir.

Við óskum öllum þeim sem unnu til verðlauna innilega til hamingju með sinn árangur og öðrum kylfingum sem þátt einnig.

Áfram GR!

Unglingamótaröðin - mót 3 - úrslit

Fri, 12 Jun 2026 13:41:40 GMT

Dagana 4. - 6. júní fór þriðja mót Unglingamótaraðarinnar fram og var það leikið á Leirdalsvelli hjá Golklúbbi Kópavogs- og Garðabæjar. Met skráning var í mótið og voru 101 kylfingur skráður til keppni, þar af voru 8 kylfingar frá GR.

Ásdís Rafnar Steingrímsdóttir lauk leik í 2. sæti í flokki 15-18 ára stúlkur, á +15 höggum yfir pari (77-77-74). Ásdís byrjar sumarið af krafti. Margrét Jóna Eysteinsdóttir endaði í 11. sæti.

Hjá stráknum í flokki 15-18 ára piltum luku þeir Birgir Steinn Ottósson og Sebastian Blær Ómarsson leik jafnir í 14. sæti á +19 höggum yfir pari.

Við óskum Ásdísi Rafnar til hamingju með árangurinn - áfram GR!

Mercedes-Banz bikarinn verður nú seinnipartinn á sunnudögum

Thu, 11 Jun 2026 16:53:52 GMT

Mercedes-Benz bikarinn er styrktur af bílaumboðinu Öskju og leggur til frítt árgjald á næsta ári fyrir sigurvegarann. Annað sætið gefur hálft árgjald.

Um er að ræða holukeppni með forgjöf þar sem leiknar eru 18 holur. Um bikarkeppni er að ræða þannig að keppendum fækkar um helming í hverri umferð.

Tveir leikir eru leiknir saman í holli.

Fyrsta umferðin verður leikinn sunnudaginn 21. júní. Það er gert ráð fyrir allt að 64 keppendum í þeirri umferð og það verða þá 32 sem mæta til leiks sunnudaginn 28. Júní.

Fyrsti ráshópurinn byrjar kl. 16:04 og ræst verður út til 18:12. Í annari umferð er ræst út frá 16:04 – 17:04 en þá eru 8 holl, tveir holukeppnisleikir í holli og 32 keppendur.

Sextán manna úrslit verða eftir meistaramót og mótinu lýkur í ágúst.

Skráning í Mercedes Benz bikarinn 2026

FootJoy bikarinn fer af stað enn eitt árið

Thu, 11 Jun 2026 16:25:08 GMT

Opið er fyrir skráningu í mótaskrá GR á golfbox.

Skráning í FootJoy bikarinn 2026

Þessi skemmtilega keppni er leikinn í 6 manna liðum þar sem tveir leikmenn úr hvoru liði leika betri bolta og fjórir leikmenn úr hvoru liði leika holukeppnisleiki. Allir leikirnir eru leiknar á Korpu 9 holur.

Í hverjum leik keppa 6 leikmenn fyrir hvort lið, en í mótinu má nota 12 leikmenn. Leikið er á virkum dögum og hefjast leikir ýmist kl. 18:20 eða 18:52. Við skráningu eru liðin beðin að tiltaka hvaða vikudagar henta í þessa keppni, en margir hópar í GR leika á sínum föstu leikdögum.

Fimmtudags riðillinn hefur keppni 18. júní. Síðan er leikið á virkum dögum næstu tvær vikur, einn leikur í viku hjá hverju liði. Riðla keppni líkur í vikunni eftir meistaramótið.

Átta lið komast áfram í úrslitakeppni sem leikin er í ágúst.

Mótsgjald fyrir hvert lið er 10.000 kr.

Mótinu líkur með úrslitaleik þar sem liðin sem leika til úrslita fá veislumáltið að leik loknum. Allir leikmenn beggja liða fá FJ pólóboli og sigurliðið tekur við liðameistara bikarnum.

ISAM og FootJoy eru styrktaraðilar FJ bikarsins.

Ragnhildur endaði jöfn í ellefta sæti

Tue, 09 Jun 2026 11:36:10 GMT

Arkea Montauban Ladies Open mótinu á LET Access mótaröðinni lauk í dag. Mótið var það þriðja á LET Access mótaröðinni í sumar, en þar keppti Ragnhildur Kristinsdóttir ásamt þeim Hulda Clöru Gestsdóttur og Andreu Bergsdóttur.

Hér má sjá úrslit mótsins

Ragnhildur Kristinsdóttir endaði jöfn í ellefta sæti mótsins á einu höggi undir pari ásamt Andreu Bergsdóttur.

Ragnhildur lék hringi mótsins á 73, 69 og 73 höggum. Hún hefur byrjað tímabilið af krafti og náð í gegnum niðurskurð í öllum þremur mótunum. Fyrir mótið var Ragnhildur fjórða á stigalista mótaraðarinnar og heldur hún því sæti sínu sem einn af efstu kylfingum listans. Hringi Ragnhildar má sjá í myndasafninu hér fyrir neðan.

Hjóna- og parakeppni Golfklúbbs Reykjavíkur - skráning hefst á morgun

Mon, 08 Jun 2026 14:04:31 GMT

Hjóna- og parakeppni Golfklúbbs Reykjavíkur verður haldin í Grafarholti miðvikudaginn 17. júní. Mótið er innanfélagsmót.

Keppnisfyrirkomulag

Leikið verður samkvæmt Greensome -fyrirkomulagi þar sem tveir kylfingar mynda lið.

Við útreikning liðsforgjafar fær liðið:

60% af leikforgjöf kylfings með lægri forgjöf
40% af leikforgjöf kylfings með hærri forgjöf

Hámarksforgjöf:

Karlar: 24
Konur: 28

Ræsing

Ræst verður út samtímis af öllum teigum kl. 09:00 . Kylfingar eru vinsamlegast beðnir um að mæta tímanlega svo allir komist á sinn rásteig fyrir ræsingu.

Verðlaun

Glæsileg verðlaun verða veitt fyrir þrjú efstu sætin auk nándarverðlauna á öllum par 3 holum vallarins.

Skráning

Skráning hefst í mótaskrá Golfbox þriðjudaginn 9. júní kl. 13:00 .

Mótsgjald

Mótsgjald er 9.500 kr. á mann og greiðist inn á reikning hjá veitingasala. Athugið að skráning telst ekki gild fyrr en greiðsla hefur borist.

Upplýsingar um reikning:

Reikningsnúmer: 0133-15-380680
Kennitala: 650913-0270
Reikningshafi: Vagninn 1935 ehf.

Innifalið í mótsgjaldi eru veitingar að móti loknu.

Matseðill

Forréttur

Þrjár tegundir af tapas-snittum:

Hráskinka
Reyktur lax
Skampi-rækjur

Aðalréttur

Heilsteikt nautalund með:

Béarnaisesósu
Bátakartöflum
Grænmetisvendi
Sellerírótarmauki

Eftirréttur

Konfekt og kaffi

Pylsupartý!

Byrjað verður að afgreiða pylsur um það bil 1½ klukkustund eftir að golfið hefst .

Hæ hó, jibbí jei – það styttist í Hjóna- og parakeppnina!

Golfklúbbur Reykjavíkur ⛳��️‍♀️��️‍♂️

Dagbjartur leikur um laust sæti í U.S. Open

Mon, 08 Jun 2026 10:44:48 GMT

Dagbjartur Sigurbrandsson, GR, og Gunnlaugur Árni Sveinsson, GKG, hefja í dag leik í lokaúrtökumóti fyrir U.S. Open á The Lakes Golf & Country Club vellinum í Westerville, Ohio.

Lokaúrtökumót U.S. Open er síðasta stigið í átt að þátttöku í einu af fjórum risamótum golfsins. Þar leika kylfingar 36 holur á einum degi, og aðeins þeir efstu tryggja sér sæti á sjálfu U.S. Open mótinu. Tíu úrtökumót fara fram í Bandaríkjunum og Kanada í dag og má þar finna marga kylfinga frá PGA mótaröðinni, aðra atvinnukylfinga sem og fremstu áhugakylfinga heims.

Dagbjartur tryggði sér sæti í lokaúrtökumótinu eftir frábæra spilamennsku í undankeppni í Pittsfield . Þar léku 85 kylfingar um fjögur laus sæti í lokaúrtökumótinu. Dagbjartur endaði jafn í öðru sæti undankeppninnar, en þetta er annað árið í röð sem Íslandsmeistarinn spilar sig inn í lokaúrtökumótið.

Gunnlaugur Árni þurfti ekki að spila í undankeppni, heldur komst hann beint inn í lokaúrtökumótið vegna stöðu sinnar á heimslista áhugakylfinga. Gunnlaugur er í dag sautjándi á heimslistanum, en hann var að ljúka sínu öðru tímabili í bandaríska háskólagolfinu.

Í Westerville, þar sem okkar menn spila, mæta 53 kylfingar til leiks. Þar á meðal eru J.B. Holmes, Aaron Baddeley og Lucas Glover, sem vann U.S. Open árið 2009.

Gunnlaugur hefur leik kl. 08:12 að staðartíma og Dagbjartur kl. 08:36 (12:12 og 12:36 að íslenskum tíma). Það verður spennandi að fylgjast með þeim félögum í dag, við óskum þeim góðs gengis.

Hér má fylgjast með skori mótsins

Böðvar Bragi og Hákon Örn í öðru sæti á GSÍ mótaröðinni

Mon, 08 Jun 2026 09:56:10 GMT

Böðvar Bragi Pálsson og Hákon Örn Magnússon luku leik jafnir í öðru sæti GSÍ mótaraðarinnar. Powerade-mót Golfklúbbs Þorlákshafnar lauk í gær en það var jafnframt þriðja mót mótaraðarinnar. Leiknar voru 36 holur á laugardaginn með niðurskurði eftir seinni hringinn, á sunnudaginn voru svo leiknar 18 holur.

Böðvar Bragi leiddi mótið í karlaflokki eftir 36 holur á tólf höggum undir pari (-12) eftir tvo frábæra hringi (67-65). Frábær spilamennska hjá Böðvari Braga.

Böðvar Bragi endaði mótið jafn í öðru sæti ásamt Hákoni Erni, eftir að Aron Snær (GKG) sótti fjögur högg á Böðvar Braga á síðustu tveimur holunum. Hákon Örn fékk nítján fulga í mótinu sem var mest allra kylfinga en bæði Böðvar Bragi og Aron Snær fengu þrjá erni, sem engin annar kylfingu lék eftir.

Perla Sól var efst GR-inga í kvennaflokki og lauk leik í 5. sæti á 7 höggum yfir pari (+7).

Við óskum Böðvari Braga og Hákoni Erni innilega til hamingju með sinn árangur!

Til hamingju með nýja 1. braut í Grafarholti

Sat, 06 Jun 2026 07:58:53 GMT

Kæru félagar

Við óskum ykkur innilega til hamingju með opnun á nýrri 1. braut í Grafarholti.

Við biðjum ykkur að kynna ykkur nýjar staðarreglur áður en leikur hefst, þær má nálgast hér og tímabundnar staðarreglur má finna hér .

Góða skemmtun og njótið golfsins!

Ragnhildur Kristinsdóttir mætt á þriðja mót LET Access

Fri, 05 Jun 2026 12:18:45 GMT

Arkea Montauban Ladies Open mótið á LET Access mótaröðinni hefst í dag. Mótið er það þriðja á LET Access tímabilinu, en leikið er á Golf de Montauban vellinum í Frakklandi.

Ragnhildur Kristinsdóttir er meðal keppenda ásamt þeim Hulda Clara Gestsdóttir og Andrea Bergsdóttir.

Hér má fylgjast með stöðu mótsins

Ragnhildur hefur hafið tímabilið af krafti og er í fjórða sæti stigalistans eftir tvö mót. Hún varð önnur í síðasta móti LET Access, og stóð uppi sem sigurvegari Korpubikarsins á GSÍ mótaröðinni um síðastliðna helgi.

Uppfærðar staðarreglur - hreyfingalaust golf

Fri, 05 Jun 2026 11:34:25 GMT

Kæru félagar,

Staðarreglur í Grafarholti og á Korpúlfsstöðum hafa verið uppfærðar og er helsta breytingin sú að nú leikum við hreyfingalaust golf, þ.e. nú eru hreyfingar ekki leyfðar, hvorki á flötum né á snöggslegna almenna svæðinu.

Við vekjum athygli kylfinga á því að það er ábyrgð hvers og eins leikmanns að kynna sér ávallt staðarreglur þess vallar sem spilaður er. Hér fyrir neðan má finna hlekk á staðarreglur fyrir Korpúlfsstaði, Grafarholt og Thorsvöll.

GSÍ hefur sett í gildi reglugerð sem heimilar ekki leikna hringi til forgjafara frá 1. júní til 15. október þegar um hreyfingar á flötum er að ræða. Hlekk á tilkynningu GSÍ og reglugerð GSÍ má finna hér að neðan ásamt hlekk á fréttina “Hvers vegna er ekki heimilt að leyfa bætta legu á flötum?” frá GSÍ.

Staðarreglur í Grafarholt

Tímabundnar staðarreglur í Grafarholt

Staðarreglur Korpúlfsstaðir

Staðarreglur Thorsvöllur

Reglugerð um forgjafartímabil á Íslandi

Reglurgerð um hvenær heimilt er að skrá skor til forgjafar

Grein frá GSÍ - Hvers vegna er ekki heimilt að leyfa bætta legu á flötum

Opnun 1. brautar Grafarholts laugardaginn 6. júní

Thu, 04 Jun 2026 15:39:18 GMT

Kæru félagar!

Eins og þið hafið séð, þá hafa staðið yfir framkvæmdir við endurbætta 1. braut í Grafarholti. Framkvæmdir hófust í októbermánuði 2024 við mótun nýrrar flatar. Síðastliðið vor var sáð í flötina og forflöt og hefur það svæði fengið að dafna síðan þá. Síðastliðið haust hófust framkvæmdir við brautina sjálfa, allt frá veg að nýju forflötinni, með mikilli jarðvegsmótun, ísetningu vökvunarkerfis o.s.frv. Frá því í vor hefur vinnan haldið áfram, með gerð glompa og nú síðast tyrfingu á brautinni. Tyrfingin tókst með eindæmum vel.

Brautin er að okkar mati glæsileg, þar sem mikil vinna og metnaður hafa verið lögð í öll smáatriði. Brautin var hönnuð af Tom McKenzie. Lykilmenn í framkvæmdinni hafa verið vallarteymið okkar í Grafarholti, þeir Darren Lee Farley og Bjarni Grétar Sigurðsson ásamt Ellerti Þórarinssyni, yfirmanni framkvæmda og Styrmi Guðmundssyni, forstöðumanni vallarsviðs. Ekki má gleyma verktökunum, en þar ber sérstaklega að nefna Steindór Eiðsson á jarðýtunni, Sveinn Steindórsson gröfumann og Chris Elrick frá Skotlandi, sem tók að sér lokafrágang á glompunum, sem eru glæsilegar á að líta. Við færum þessum hópi, sem og öðrum starfsmönnum sem að hafa komið, sérstakar þakkir.

Fyrstu vikurnar verða brautarglompurnar ekki í leik, þær eru enn sandlausar og merktar grund í aðgerð. Við biðjum kylfinga sérstaklega um að að gæta sérstaklega að því, þegar boltar eru sóttir, að ganga varlega um kanta glompanna, þar sem þeir eru einkar viðkvæmir og þurfa lengri tíma til að styrkjast og gróa. Eins og þið sjáið á myndum, var við gerð glompanna notað sérstakt einangrunarlag í jarðveginn sem á að koma í veg fyrir að steinar komi upp í glompurnar vegna frostlyftinga.

Lengd brautarinnar

Teigur 63 – 335 metrar
Teigur 57 – 319 metrar
Teigur 52 – 295 metrar
Teigur 46 – 287 metrar

Við opnun 1. brautar í Grafarholti verður jafnframt 2. braut opnuð og verður Grafarholtsvöllur því leikinn sem 18 holu völlur frá og með næstkomandi laugardegi.

Stjórn og starfsmenn GR þakka félagsmönnum fyrir þá þolinmæði og stuðning sem sýndur hefur verið meðan á framkvæmdunum hefur staðið. Við hlökkum til að opna þessa glæsilegu nýju 1. braut og taka á móti kylfingum á laugardaginn kemur.

Stjórn og starfsmenn GR

LEK-mótaröðin - úrslit úr mótum eitt og tvö

Thu, 04 Jun 2026 13:03:44 GMT

Tvö fyrstu mótin í LEK-mótaröð eldri kylfinga eru nú að baki, en mótaröðin samanstendur af sjö spennandi mótum víðs vegar um landið.

Byrjun sumars hefur sannarlega reynt á keppendur. Í Þorlákshöfn tók grenjandi rigning á móti kylfingum og í Grindavík voru það hvassir vindar sem settu svip sinn á keppnina. Þrátt fyrir krefjandi aðstæður hafa þátttakendur sýnt mikla seiglu, keppnisskap og einstakan dugnað.

Mótaröðin hefur mikið vægi, enda telja sex af sjö mótum til vals á landsliðum LEK. Hvert stig getur því skipt sköpum fyrir þá kylfinga sem stefna á landsliðssæti. Þá hlýtur stigahæsti áhugamaðurinn í flokki 50+ sæti í landsliði Golfsambands Íslands 50+, sem gerir keppnina enn áhugaverðari.

Keppt er í fjölmörgum flokkum karla og kvenna, bæði með og án forgjafar, og hafa kylfingar úr GR farið afar vel af stað. Félagið stendur sterkt í A-flokkum karla 50+, 55+ og 65+ án forgjafar. Jón Karlsson úr GR leiðir keppnina í flokki 50+, á meðan Einar Long, einnig úr GR, situr á toppnum í bæði 55+ og 65+ flokki án forgjafar. Þá vann Steinunn Sæmundsdóttir glæsilegan sigur í 65+ flokki kvenna á mótinu í Grindavík. Þetta er glæsileg byrjun hjá GR-ingum og verður spennandi að fylgjast með framhaldinu hjá okkar kylfingum. Næsta mót LEK-mótaraðarinnar fer fram á Strandarvelli á Hellu sunnudaginn 14. júní.

Stigalista fyrir alla flokka má finna hér

Hér má finna nánari úrstli úr móti 1

Hér má finna nánari úrslit úr móti 2

Golf14 mótaröðin mót 1 - úrslit

Thu, 04 Jun 2026 11:11:03 GMT

Fyrsta mót í Golf14 mótaröð GSÍ fór fram um liðna helgi á Nesvelli Nesklúbbsins. Metskráning var í mótið og voru alls 167 ungir kylfingar skráðir til leiks. Mótið var haldið á Nesvellinum hjá Nesklúbbnum.

Ísak Hrafn Jónasson keppti í flokki 11-12 ára drengja og endaði í 2 sæti í mótinu á átta höggum undir pari (-8). Hann spilaði fyrri 9 holurnar á 30 höggum og seinni 9 holurnar á 32 höggum. Ísak Hrafn tapaði ekki höggi á mótinu, hann fékk 5 fugla á fyrri hringnum og 3 á þeim seinni.

Golfklúbbur Reykjavíkur var með 16 unga og efnilega kylfinga á mótinu og má sjá árangur þeirra hér að neðan.

Önnur úrslit má finna hér

Golfklúbbur Reykjavíkur óskar Ísaki Hrafni innilega til hamingju með árangurinn sem og öðrum kylfingum klúbbsins með sinn árangur. Það er ánægjulegt að sjá hversu margir kylfingar skráðu sig til leiks og tóku þátt í fyrsta móti sumarins. Næsta mót hefst á morgun, Golf14-Icewear bikarinn sem er spilaður hjá Golfklúbbi Kópavogs og Garðabæjar.

Ásdís Rafnar sigraði Unglingamótaröðina á Hlíðarvelli

Tue, 02 Jun 2026 11:35:36 GMT

Annað mót Unglingamótaraðar GSÍ fór fram dagana 30.–31. maí á Hlíðarvelli hjá Golfklúbbi Mosfellsbæjar. Leiknar voru 54 holur, 36 holur á laugardegi og 18 holur á sunnudegi. Alls voru 102 keppendur skráðir til leiks og var Golfklúbbur Reykjavíkur með 16 efnilega keppendur á mótinu

Ásdís Rafnar Steingrímsdóttir, klúbbmeistari GR 2025, sigraði í stúlknaflokki eftir frábæra spilamennsku. Ásdís lék hringina þrjá á samtals 217 höggum (74-69-74) eða 4 höggum yfir pari og tryggði sér sigur eftir gífurlega spennandi lokakafla. Ásdís vann með einu höggi og varð á undan þremur kylfingum sem urðu jafnar í 2. sæti. Þess má geta að Ásdís lék annan hringinn sinn á 69 höggum eða tveimur höggum undir pari, glæsilegur hringur.

Ásdís varð Íslandsmeistari unglinga í holukeppni árið 2024 og er þetta því hennar annar sigur á mótaröðinni. Glæsileg byrjun á keppnissumrinu hjá Ásdísi, einum af okkar efnilegustu kylfingum.

Hjá piltunum var það Birgir Steinn Ottósson sem endaði í 14. sæti í flokki 15-18 ára piltar, á +4 höggum (73-72-72).

Nánari úrslit má finna hér

Við óskum Ásdísi innilega til hamingju með sigurinn og öðrum kylfingum með sinn árangur. Næsta mót fer fram hjá Golfklúbbi Kópavogs og Garðabæjar 4.-6. júní.

ÁFRAM GR! ��

Ragnhildur og Aron unnu Korpubikarinn 2026

Mon, 01 Jun 2026 15:18:35 GMT

Korpubikarinn 2026 í samvinnu við First Water fór fram á Korpúlfsstaðavelli dagana 29.-31. maí. Ragnhildur Kristinsdóttir, GR, og Aron Snær Júlíusson, GKG, stóðu uppi sem sigurvegarar eftir frábæra spilamennsku um helgina.

Hér má sjá lokastöðu mótsins.

Ragnhildur var jöfn í þriðja sæti fyrir lokahringinn en lék frábært golf á lokadeginum. Hún kom í hús á 65 höggum, sex höggum undir pari, og vann mótið með fimm högga mun. Eftir erfiða byrjun á mótinu lék Ragnhildur síðustu 26 holurnar á ellefu höggum undir pari.

Perla Sól Sigurbrandsdóttir, GR, varð önnur á einu höggi undir pari. Perla fékk flesta fugla allra í kvennaflokknum, alls fjórtán. Hún vann fyrsta mót tímabilsins og styrkti stöðu sína á toppi stigalistans með árangrinum.

Eva Kristinsdóttir, GM, og Fjóla Margrét Viðarsdóttir, GS, urðu jafnar í þriðja sæti á tveimur höggum yfir pari.

Eva Fjóla Ragnhildur og Perla

Í karlaflokki vann Aron Snær mótið eftir harða baráttu við Aron Emil Gunnarsson, GOS, sem varð annar. Aron Emil hafði leitt mótið frá fyrsta hring, en góð spilamennska Arons Snæs á öðrum og þriðja hring gerði gæfumuninn.

Aron Snær hefur nú unnið bæði mót tímabilsins á GSÍ mótaröðinni og er með örugga forystu á toppi stigalistans.

Veigar Heiðarsson, GA, varð þriðji á þremur höggum undir pari. Korpubikarinn var hans fyrsta mót á tímabilinu hér heima, en Veigar var nýverið að ljúka sínu fyrsta tímabili í bandaríska háskólagolfinu.

Við þökkum keppendum öllum kærlega fyrir þátttöku í Korpubikarnum.

Golfklúbbur Reykavíkur í samvinnu við First Water

Breyttur opnunartími í Básum - júní og júlí

Mon, 01 Jun 2026 10:54:01 GMT

Lengri opnunartími í Básum ☀️⛳

Frá og með deginum í dag lengjum við opnunartímann í Básum á kvöldin.

Sumaropnun frá 1. júní - 31. júlí er sem hér segir:

Mánudaga - fimmtudaga kl. 06:00-23:00

síðustu boltar seldir kl. 22:30

Föstudaga - laugardaga kl. 06:00-20:00

síðustu boltar seldir kl. 19:30

Sunnudaga kl. 06:00-22:00

síðustu boltar seldir kl. 21:30

Golfhermamót 70 ára og eldri

Fri, 29 May 2026 16:08:58 GMT

Hj á okkur í Golfklúbbi Reykjavíkur er flott og öflugt eldri borgara starfs.

Í fararbroddi fara nokkrir vaskri menn sem nýta hin ýmsu tækifæri til að hafa gaman saman og skipuleggja hina ýmsu viðburði fyrir heldri kylfinga klúbbsins.

Í vetur var farið af stað með Golfhermamót 70 ára og eldri kylfinga GR. Mótaröðin stóð saman af fjórum mótum og leikið Nítjándu, golfhermaaðstaða á Bíldshöfða.

Hver umferð stóð yfir í einn mánuð og höfðu keppendur 2 tilraunir til að leika völl hvers mánaðar og betra skorið gilti. Í mótaröðinni voru eingöngu spilaðir íslenskir vellir. Í fyrsta umferð var Grafarholtið spilað, í annari umferð var það Leirdalurinn hjá GKGK, í þriðju umferð var "ferðast" á Jaðarsvöll á Akureyri og síðasta umferðin var leikin "á" Hvaleyrinni.

Veitt voru verðlaun fyrir þrjú efstu sætin í karlaflokki með forgjöf og efsta sætið í kvennaflokki. Einnig voru veitt verðlaun fyrir efsta sæti án forgjafara.

Úrslitin úr fyrstu Golfhermamótaröð 70 ára og eldkri kylfinga GR voru þessi:

Karlaflokkur með forgjöf

Hákon Hákonarson - 36 - 37 - 41 - 34 - samtals 114 punktar
Ásmundur R Richardsson - 31 - 38 - 35 - 36 - samtals 109 punktar
Valur Jónatansson - 35 - 38 - 34 - 33 - samtals 107 punktar

Kvennaflokkur með forgjöf

Anna Sigurjónsdóttir - 20 - 36 - 30 - 40 - samtals 106 punktar

Úrslit í flokki án forgjafar

Hans Isebarn - 30 - 34 - 38 - 36 - samtals 108 punktar.

Korpubikarinn 2026 í samvinnu við First Water

Fri, 29 May 2026 13:32:45 GMT

Korpubikarinn í samvinnu við First Water hófst í dag, föstudaginn 29. maí á Korpúlfsstaðavelli. Mótið er annað mót tímabilsins á GSÍ mótaröðinni og verða leiknar 54 holur á þremur keppnisdögum.

Smelltu hér til að sjá stöðuna

Keppendahópurinn er sterkur líkt og önnur ár í þessu flotta móti. Íslandsmótið í golfi verður einnig leikið á Korpúlfsstöðum seinna í sumar.

Í karlaflokki eru 72 keppendur. Þar er meðalforgjöf keppenda +0.7, lægsta forgjöfin er +5.4 og hæsta forgjöfin er 5.1. Í karlaflokki eru 44 keppendur með 0 eða lægra í forgjöf.

Fjórir af fimm efstu kylfingum Reykjanesmótsins eru á meðal keppenda. Þar á meðal eru Aron Snær Júlíusson og Tómas Eiríksson Hjaltested, sem báðir unnu til verðlauna í því móti. Akureyringurinn Veigar Heiðarsson mætir einnig í sitt fyrsta mót á tímabilinu, en hann kemur inn af krafti eftir að hafa leikið í bandaríska háskólagolfinu í vetur.

Í kvennaflokki eru 18 keppendur. Meðalforgjöfin er 1, lægsta forgjöfin er +4 en sú hæsta er 6.1.

Perla Sól Sigurbrandsdóttir stefnir á sinn annan sigur í röð eftir flotta frammistöðu fyrr í maí. Atvinnukylfingurinn Ragnhildur Kristinsdóttir er einnig á meðal keppenda, en hún endaði önnur í LET Access móti í síðustu viku.

Keppendur eru alls 90, og koma þeir frá 15 klúbbum víðsvegar af landinu.

GR á þar flesta kylfinga eða tuttugu og sjö alls. GKG kemur þar á eftir með sextán keppendur, og GM sendir fjórtán. Sjö klúbbar eru með keppendur í bæði kvenna- og karlaflokki.

Unglingamótaröðin - mót 1 - úrslit

Wed, 27 May 2026 17:41:29 GMT

Fyrsta mót Unglingamótaraðarinnar 2026 fór fram í Þorlákshöfn 23.–25. maí. Fullt var í mótið, alls 81 keppandi, þar af 13 frá GR — þriðji fjölmennasti klúbburinn á mótinu.

Helstu úrslit voru þessi, Sebastian Blær Ómarsson endaði í 7. sæti í flokki 15-18 ára piltar, á tveimur höggum undir pari (72-70-72). Sebastian Blær var í hópi þeirra átta efstu sem luku mótinu á undir pari. Birgir Steinn Ottósson fylgdi fast á eftir í 11. sæti á +4 samtals.

Hjá stúlkunum var það Ásdís Rafnar Steingrímsdóttir sem endaði í 9. sæti í flokki 15-18 ára stúlkur, á +13 höggum (80-77-72). Ásdís átti frábæran lokahring sem hún lék á pari vallarins. Erna Steina Eysteinsdóttir endaði í 11. sæti og bætti skor sitt á hverjum hring.

Nánari úrslit má finna hér

Til hamingju krakkar með flott fyrsta mót.! Næsta mót fer fram hjá Golfklúbbi Mosfellsbæjar 30.–31. maí.

ÁFRAM GR

Skrýsla Vallarstjóra maí 2026

Wed, 27 May 2026 11:12:49 GMT

Skýrsla Vallarsviðs GR Maí 2026

Nú 4 dögum eftir opnun er gaman að sjá hvað öll svæði okkar hafa glæðst miklu lífi. Vellirnir eru vel bókaðir, æfingasvæðin vel nýtt og klúbbhúsin iðandi af lífi.

Síðasta vika var nokkuð erilsöm. Sérstaklega vegna þess að utan hefðbundins undirbúnings fyrir opnun valla, þá var einnig verið að ljúka ýmsum stærri verkefnum, einsog t.d. tyrfa 1.braut í Grafarholti, klára frágang þrifaðstöðu við Korpu og ljúka malbikun stíga.

Bæði Grafarholt og Korpan eru að koma ágætlega undan vetri og í raun betur en við áttum von á. Starfsmenn valla hafa unnið vel í nokkrum vandræðasvæðum með áburðargjöf, ábreiðum, vökvun og yfirsáningu sem á eftir að skila sér á komandi vikum. Hækkandi hitastig væri draumi líkast og vonandi fer sólardögunum fjölgandi.

Við teljum að vellirnir verði mjög flottir í sumar og skarti sínu fegursta þegar félag okkar heldur Landsmót í byrjun Ágúst.

Nú þegar allt hefur opnað færist starf okkar meira í átt að umhirðu og mikið hægist á framkvæmdum og stærri verkefnum, en þar hefur mikið áunnist í vetur og mætti þar t.d. nefna:

· mótun 1.brautar Grafarholts auk gerð glompa

· ný þrifaðstaða fyrir kylfinga á Korpu

· ný salerni á báðum völlum

· 5 nýjir hvítir teigar (63) á Korpu

· Ljúka malbikun stíga Korpu og framhald í Grafarholti

· Jarðvegsmótun á Thorsvelli

Það er svo þéttur verkefnalisti sem tekur við í lok sumars því við ætlum að halda áfram að bæta öll svæði okkar og vinnan í Grafarholti er auðvitað hvergi nærri búin.

Uppmæling Korpa (ásamt nýjum 63 teigum)

Samhliða nýjum teigum var ákveðið að mæla allar holur á Korpunni og til að gera langa sögu stutta eru hér lengdirnar fyrir hinar ýmsu lykkjur.

Helst ber að nefna að Sjórinn/Áin lengist um 167metra af 63 teigum og reiknum við fastlega með því að þessir teigar hækki meðalskor um 1-1,5högg að jafnaði. Þess ber þó að geta að nýtt vallarmat liggur ekki fyrir, en það mun koma síðar í sumar.

Það að nýjir 63 teigar séu komnir í notkun mun svo auka sveigjanleika á öðrum teigum og því má vel hugsa sér að lengja 57 og 52 teigana í framtíðinni, þá með því að nýta gamla 63 teiga og færa allt aftar.

Við vonum að félagsmenn eigi skemmtilegar vikur framundan á völlum okkar ��

Vinsamlegast leggið okkur lið úti á velli með því að:

Setja torfusnepla aftur í kylfuför
Raka glompur (ekki bara eftir sjálfan sig)
Nota sorptunnur og hirða upp laust rusl

Vellirnir okkar opnuðu formlega í dag - úrslit úr Opnunarmóti Korpu

Sat, 23 May 2026 21:50:09 GMT

Opnunarmót Korpu fór fram í dag við góðar aðstæður samhliða opnun Korpúlfsstaðavallar fyrir sumarið. Tæplega 190 kylfingar tóku þátt í mótinu og var stemningin frábær frá fyrsta teig.

Völlurinn kemur vel undan vetri þrátt fyrir erfiða tíð síðustu missera og voru kylfingar ánægðir með ástand hans á opnunardegi. Það er því ljóst að bjartar golfstundir eru framundan á völlum Golfklúbbs Reykjavíkur í sumar.

Keppt var í tveimur forgjafarflokkum þar sem glæsileg verðlaun frá FootJoy voru í boði fyrir efstu sætin, auk verðlauna fyrir besta skor mótsins. Þá voru nándarverðlaun á öllum par 3 holum þar sem vinningshafar fá Gullkort í Básum.

Úrslit urðu eftirfarandi:

Punktakeppni forgjöf 14 og lægri

Joao Carlos Dias – 43 punktar
Hafsteinn Þór Jóhannsson – 41 punktur (betri seinni 9)
Ísak Hrafn Jónasson – 41 punktur

Punktakeppni forgjöf 14,1 og hærri

Árni Kvaran – 41 punktur
Finnlaugur Pétur Helgason – 40 punktar
Ágústa Dröfn Kristeifsdóttir – 39 punktar (betri seinni 9)

Besta skor
Böðvar Bragi Pálsson – 67 högg

Nándarverðlaun
3. braut – Ísak Jónasson – 0,84 m
6. braut – Arnar Arinbjarnar – 1,3 m
9. braut – Gestur Jónsson og Monika Hjálmstýsdóttir – 2,47 m
13. braut – Heimir Líndal Sveinsson – 0,65 m
17. braut – Alexander Aron Ívarsson – 2,31 m

Golfklúbbur Reykjavíkur óskar vinningshöfum innilega til hamingju með árangurinn. Haft verður samband við verðlaunahafa eftir helgi.

Dagbjartur endar áttundi í Svíþjóð

Sat, 23 May 2026 14:56:00 GMT

Dagbjartur Sigurbrandsson endaði í 8. sæti á Cutter & Buck Fjällbacka Open mótinu á Nordic Golf League mótaröðinni, sem leikið var í Svíþjóð 21. - 23. maí.

Dagbjartur lék frábært golf í mótinu og lauk leik á sjö höggum undir pari í heildina og endaði jafn í áttunda sæti mótsins. Með þessu jafnar hann sinn næstbesta árangur á tímabilinu, en þetta er í þriðja skiptið sem Íslandsmeistarinn endar jafn í áttunda sæti í sumar.

Dagbjartur lék fyrsta hringinn á 71 höggi eða pari vallarins, annan hringinn lék hann á 67 höggum og þann þriðja á 68 höggum, með glæsilegum erni á síðustu. Það má telja líklegt að hann verði meðal 20 efstu kylfinga stigalistans eftir þetta frábæra mót. Efstu fimm kylfingar stigalistans í lok tímabilsins vinna sér inn þátttökurétt á HotelPlanner Tour mótaröðinni.

Hér má sjá úrslit mótsins

Unglingamótaröðin í Þorlákshöfn - rástímar og staða

Sat, 23 May 2026 12:44:21 GMT

Fyrsta mót Unglingamótaraðarinnar fer fram í Þorlákshöfn dagana 23.-25. maí. Fullt er í mótið, en alls tekur 81 keppandi þátt, 25 í stúlknaflokki og 56 í piltaflokki.

Golfklúbburinn Keilir á flesta keppendur í mótinu eða 20 talsins. Golfklúbbur Kópavogs og Garðabæjar kemur þar á eftir með 18 keppendur og Golfklúbbur Reykjavíkur með 13.

Pamela Ósk Hjaltadóttir er með lægstu forgjöfina í stúlknaflokki, +1.8. Hún varð önnur á stigalista mótaraðarinnar í fyrra. Þá lék Pamela í 6 mótum á tímabilinu og var í verðlaunasæti í þeim öllum. Hún sigraði á einu móti, varð þrívegis í öðru sæti og tvisvar í þriðja sæti.

Óliver Elí Björnsson er með lægstu forgjöf piltaflokksins, +2.1. Óliver varð annar á stigalista 15-16 ára pilta síðasta sumar, vann tvö mót og varð Íslandsmeistari í holukeppni.

Hér má sjá rástíma og stöðu mótsins

Leikinn er höggleikur án forgjafar. Leiknar eru 54 holur í flokki 15-18 ára pilta og stúlkna. Keppt skal samkvæmt gildandi reglugerð um stigamót unglinga og móta- og keppendareglum GSÍ.

Að loknum 36 holum skal leikmönnum fækkað þannig að 70% leikmanna sem eru með besta skor í hvorum flokki halda áfram keppni. Séu tveir eða fleiri leikmenn á jafnir með hæsta skor þeirra sem halda áfram skulu þeir báðir/allir leika áfram.

Gleðilegt golfsumar kæru félagar

Sat, 23 May 2026 11:29:18 GMT

Kæru félagar, gleðilegt golfsumar!

Dagurinn er runninn upp, dagurinn sem Grafarholtsvöllur og Korpúlfsstaðavöllur opna, á Korpúlfsstöðum með opnunarmóti eins og hefð er fyrir. Opnað var fyrir skráningu í síðustu viku.

Þessi opnunartími er í seinna lagi hjá okkur, sérstaklega á Korpúlfsstöðum. Ástæða þessa er að vorið var óvenju seint á ferðinni og vellirnir seinir til eftir því. Síðustu þrjú ár hefur Korpúlfsstaðavöllur komið illa undan vetri. Meðal annars þess vegna vildum við ekki taka áhættu og fylgjum ráðum vallarsviðsins okkar. Þó svo að vorið hafi komið seint, þá koma báðir vellirnir ágætlega undan vetri og vonandi verður ástand þeirra beggja með allra besta móti i sumar, við munum gera allt sem í okkar valdi stendur til þess að svo verði.

Það hefur verið mikið að gera í klúbbnum undanfarið. Á Korpúlfsstöðum höfum við undirbúið völlinn fyrir Íslandsmótið, sem verður haldið vikuna 6.-9. ágúst. Gerðir hafa verið nokkrir nýir bakteigar, sem lengja völlinn af öftustu teigum um hátt í 500 metra. Þessir nýju bakteigar eru á 2., 4., 9., 11. og 14. braut. Stígagerð er nú endanlega lokið, sem hefur verið risastórt verkefni. Framan við klúbbhúsið hefur verið útbúið nýtt svæði fyrir kerrur, golfbíla og nýja þrifaðstöðu. Frágangur á þessu er á lokametrunum.

Í Grafarholti er frágangur á nýrri 1. holu á lokastigi, tyrfingu lýkur vonandi í dag, sem er lokahnykkurinn. Brautin er glæsileg með tilkomumiklum nýjum sandglompum. Það mun þurfa að hugsa vandlega á teig og áhætta tengd 2. teig hefur verið lágmörkuð. Tyrfingin hefur gengið vel og við vonumst til að geta opnað brautina, þ.m.t. nýja flöt, eftir u.þ.b. tvær vikur. Gerðir hafa verið nýir teigar á 3. braut, með tilheyrandi nýjum stígum. Ný flöt var frágengin í fyrra. Áætlanir okkar miðast við að taka nýju brautina, þ.m.t. teiga og flöt, í notkun öðru hvoru megin við Meistaramót GR. Samtímis verða þá teknir í notkun nýir teigar á 4. braut, sem breyta ásýnd og erfiðleikastigi þeirrar holu. Framkvæmdir standa yfir við nýja 10. flöt, sem við áætlum að geta tekið í gagnið einhvern tíma næsta sumar. Núna í haust verða gerðir nýir teigar fyrir 11. braut og verður ný 11. braut með nýrri flöt tekin í notkun næsta vor.

Nú í sumar verður höfuðáhersla lögð á að hafa vellina okkar í sem allra bestu standi. Að frátalinni lokun á fyrstu tveimur brautunum í Grafarholti næstu tvær vikur eða svo verður engin truflun á leik á völlunum okkar í sumar vegna framkvæmda. Til þess að hafa vellina okkar í sem bestu standi þurfa allir að gera sitt. Vallarsviðið, veðurguðirnir, og síðast en ekki síst við félagar sem spilum vellina. Það er mjög margt sem við félagar getum gert og þar með auðveldað vallarstarfsmönnum sína vinnu. Setjum torfusnepla í för, lögum boltaför á flötum, rökum glompur vandlega og skiljum ekki eftir neitt rusl, ekki einu sinni munntuggur eða tíbrot, förum ekki með golfkerrur alveg í grínkanta, þaðan af síður golfbíla – allt eru þetta afar einföld atriði sem skipta mjög miklu máli, þegar kylfingarnir eru jafn margir og raun ber vitni. Umgengni um vellina okkar hefur stórbatnað á síðustu árum og við skorum á ykkur að gera enn betur í ár. Höldum áfram að bæta golfmenninguna í klúbbnum!

Við höfum gert átak í nýliðafræðslu, allir nýir félagar hafa fengið send fjölda nýrra myndbanda um hvernig eigi að bera sig að á golfvöllum. Þar eru tekin fyrir atriði eins og umgengni, ráð um hvernig flýta megi leik og golfreglur. Þetta eru stutt og skemmtileg myndbönd sem ungir afrekskylfingar hjá okkur tóku þátt í að gera. Eins og áður sagði hafa allir nýliðar fengið þessi myndbönd send, en þau má einnig nálgast á nýrri heimasíðu GR og hvetjum við alla félaga til að kynna sér þau. Allt er þetta gert í þeim tilgangi að bæta umgengni og að allir sem spila velli GR séu meðvitaðir um helstu umgengnisreglur og siðareglur, þ.m.t. áherslu á leikhraða.

Eins og komið hefur fram er mikil ásókn í vellina okkar alla daga, þeir eru þétt bókaðir. Við hvetjum félaga til að rifja upp skáningarreglur okkar og tileinka sér, þær eru óbreyttar frá því í fyrra og eru aðgengilegar í hlekk í fyrstu athugasemd.

Við óskum ykkur góðs gengis og skemmtunar á golfvöllum GR í sumar og hlökkum til að sjá ykkur.

Bestu kveðjur,

stjórn og starfsfólk GR.

Ragnhildur endaði önnur í Austurríki - frábær byrjun hjá íslensku kylfingunum á LET Access.

Sat, 23 May 2026 11:28:29 GMT

Ragnhildur Kristinsdóttir, atvinnukylfur úr Golfklúbbi Reykjavíkur, endaði í öðru sæti Allegria Ladies Open mótsins á LET Access mótaröðinni sem lauk í dag. Mótið fór fram á hinum krefjandi Sudburgenland velli á Allegria Golf Resort svæðinu í Austurríki. Einungis tveir kylfingar léku undir pari í mótinu.

Þetta var annað mót tímabilsins, og voru þrír íslenskir kylfingar á meðal þátttakenda. Ásamt Ragnhildi kepptu þær Hulda Clara Gestsdóttir og Andrea Bergsdóttir. Allar náðu þær í gegnum niðurskurð og voru m.a. jafnar í þriðja sæti eftir fyrsta hringinn.

Ragnhildur lék frábært golf í mótinu. Hún lék hringi sína á 68-71-70 höggum og var á meðal efstu kylfinga frá upphafi móts. Eftir litríkan fyrsta hring fékk Ragnhildur sextán pör á öðrum hringnum. Hún var jöfn í öðru sæti fyrir lokahringinn, höggi á eftir hinni þýsku Hanna Tauber.

Ragnhildur lék fyrri níu holur lokahringsins á tveimur höggum yfir pari, en hóf sókn sína að efstu kylfingum strax á tíundu holu. Eftir tvo fugla og örn á fimmtándu holunni var Ragnhildur höggi á eftir Tauber, sem lék gott golf í dag. Tveir skollar komu hjá okkar konu á síðustu þremur holum dagsins, og annað sætið því raunin. Frábær árangur hjá Ragnhildi, sem stefnir hátt í sumar.

Perla og Aron sigurvegarar í fyrsta móti tímabilsins

Sat, 23 May 2026 11:20:46 GMT

Perla Sól Sigurbrandsdóttir, GR og Aron Snær Júlíusson, GKG, stóðu uppi sem sigurvegarar í Reykjanesmóti GS og GSG. Mótið var það fyrsta á GSÍ mótaröðinni í sumar og var mikil spenna í báðum flokkum.

Fyrsti hringur

Aðstæður voru krefjandi á Hólmsvelli á föstudaginn, en mikill vindur einkenndi daginn.

Hákon Örn Magnússon lék best allra á fyrsta hring og leiddi karlaflokkinn á fjórum höggum undir pari. Fjórir kylfingar voru jafnir í öðru sæti á einu höggi undir pari. Þar á meðal voru Axel Bóasson og Tómas Eiríksson Hjaltested, ríkjandi stigameistari karla.

Perla Sól Sigurbrandsdóttir og Fjóla Margrét Viðarsdóttir voru jafnar á toppi kvennaflokksins, báðar á fjórum höggum yfir pari.

Pamela Ósk Hjaltadóttir var höggi á eftir þeim í þriðja sæti, á fimm höggum yfir pari.

Annar hringur

Annar hringur mótsins átti að vera leikinn á Kirkjubólsvelli Golfklúbbs Sandgerðis. Ákvörðun var tekin að aflýsa hringnum vegna veðurs, og mótið því stytt í 36 holur.

Lokahringur og úrslit

Á lokahringnum mættu kylfingar aftur á Hólmsvöll, nú við töluvert betri aðstæður en á fyrsta keppnisdegi. Skor kylfinga sagði sína sögu, en meðalhringurinn lækkaði um þrjú högg á milli daga.

Aron Snær vann karlaflokkinn í bráðabana, en hann og Axel Bóasson enduðu jafnir á þremur höggum undir pari. Sextánda holan var leikin í bráðabananum, og vann Aron með öruggu pari.

Sigurinn verður að teljast merkilegur, þar sem Aron Snær lék níundu holu fyrri hringsins á fimm höggum yfir pari. Þrátt fyrir það skilaði hann sér inn á 74 höggum á föstudaginn, en var jafn í fimmtánda sæti.

Seinni hringur Arons var sá besti í öllu mótinu, en Íslandsmeistarinn fyrrverandi kom í hús á 65 höggum, sex undir pari. Hann fékk þar sex fugla og tapaði ekki höggi.

Enginn kylfingur fékk jafn marga fugla og Aron í mótinu, en hann sótti 11 slíka á holunum 36.

Tómas Eiríksson Hjaltested varð þriðji á tveimur undir pari. Hann heldur því áfram góðu gengi sínu á mótaröðinni, en Tómas er ríkjandi stigameistari.

Perla Sól stóð uppi sem sigurvegari kvennaflokksins eftir góða spilamennsku á seinni hringnum. Perla og Fjóla voru jafnar fyrir lokahringinn og ekkert skildi þær að þegar níu holur voru eftir.

Perla lék síðustu níu holurnar einn undir pari, en Fjóla lék þær á fjórum yfir pari og annað sætið því hennar.

Eva Kristinsdóttir kom sér upp í þriðja sætið eftir öflugan hring í dag, en hún kom í hús á 73 höggum sem reyndist næstbesti hringur dagsins.

Frábær byrjun á tímabilinu hjá Perlu, sem stefnir á fimm mót á GSÍ mótaröðinni í sumar .

Opnun valla – opnunarmót – rástímaskráning!

Sat, 23 May 2026 11:15:48 GMT

Kæru félagar,

laugardaginn 23. maí munu vellirnir okkar, Korpúlfsstaðavöllur og Grafarholtsvöllur, opna formlega með Opnunarmótum, sem haldin verða á hvorum velli fyrir sig. Opnunarmót Korpu verður leikið á lykkjunum Sjórinn/Áin og Opnunarmót Grafarholts á Grafarholtsvelli.

ATH! Opnunarmótin eru eingöngu ætluð félagsmönnum GR.

Skráning í Opnunarmót Grafarholts og Opununarmót Korpu

Skráning í Opnunarmót Grafarholts og Opnunarmót Korpu hefst þriðjudaginn 19. maí kl. 10:00 og fer fram í gegnum mótaskrá Golfbox í gegnum Mitt Golf appið.

Fríir upphitunarboltar verða í boði fyrir keppendur í Básum á opnunardegi.

Við bendum félagsmönnum á að sækja Mitt Golf appið og skrá sig þar inn. Fyrir innskráningu er notað saman notendanafn og lykilorð sem félagsmaður var með í Golfbox. Við hvetjum kylfinga til að ná sér í Mitt Golf appið sem allra fyrst til að fyrirbyggja að þeir lendi í tæknilegum örðugleikum er þeir hyggjast skrá sig. Starfsfólk skrifstofu er til aðstoðar komi upp vandamál.

Verðlaun í Opnunarmótum hvors vallar:

Forgjöf 0 – 14

sæti: GR merkt Footjoy peysa og bolur
sæti: GR merkt Footjoy peysa
sæti: GR merktur Footjoy bolur

Forgjöf 14,1 – og hærra

sæti: GR merkt Footjoy peysa og bolur
sæti: GR merkt Footjoy peysa
sæti: GR merktur Footjoy bolur

Besta skor:

Opnunarmóti Grafarholts: GR merkt Footjoy peysa og bolur.

Opnunarmóti Korpu: GR merkt Footjoy peysa og bolur.

Nándarverðlaun á öllum par 3 holum hvors vallar fyrir sig: Gullkort á æfingasvæði Bása.

Almenn rástímaskráning hefst miðvikudaginn 20. maí

Opnað veður fyrir almenna rástímaskráningu miðvikudaginn 20. maí kl. 10.00 á báðum völlum félagsins og geta félagsmenn skráð sig til leiks á Landið samhliða mótahaldi á Korpu.

Grafarkotsvöllur, æfingasvæði og púttflöt fyrir framan Bása ásamt æfingasvæði og púttflöt fyrir framan Korpu mun opna á morgun, laugardaginn 16. maí.

Golfverslanir félagsins opna samhliða opnun valla, laugardaginn 23. maí.

Stefnt er að hafa opið fyrir golfbílaumferð á báðum völlum félagsins frá og með opnun valla. Leyfi aðstæður það ekki verður það tilkynnt.

Klúbbhús opnar kvöldopnun á Korpu frá og með deginum í dag, föstudaginn 15. maí. Sumaropnun tekur gildi frá og með laugardeginum 23. maí þegar vellir félagsins opna, í báðum klúbbhúsum.

Framkvæmdir sem hafa áhrif á leik

Í Grafarholti verða fyrst um sinn leiknar 16. holur, vegna framkvæmda á 1. braut. Leikur hefst á 3. teig og biðjum við kylfinga að gera ráð fyrir göngu að upphafsteig fyrir leik. Opnun 1. og 2. brautar fyrir komandi tímabil er áætluð um miðjan júní og vonandi fyrr. Við biðjum ykkur að sína biðlund á meðan og verða nánari upplýsingar verða veittar er þar að kemur.

Þó svo að völlurinn verði tímabundið spilaður sem 16 holur, þá hefur verið séð til þess í golfbox kerfinu að hringir telja til forgjafar.

Við erum full tilhlökkunar að hefja golfsumarið 2026 með félagsmönnum GR!

Gleðilegt golfsumar – hlökkum til að sjá ykkur og sjá vellina okkar iða af lífi!

Stjórn og starfsfólk Golfklúbbs Reykjavíkur.

Reykjanesmót GS og GSG – rástímar og staðan

Sat, 23 May 2026 11:12:31 GMT

Reykjanesmót GS og GSG hefst í dag, föstudaginn 15. maí á Hólmsvelli Golfklúbbs Suðurnesja. Mótið er fyrsta mót tímabilsins á GSÍ mótaröðinni og verða leiknar 54 holur eða þrír keppnishringir á þremur dögum. Fyrsti og þriðji hringurinn er leikinn á Hólmsvelli Golfklúbbs Suðurnesja, en annar hringurinn er leikinn á Kirkjubólsvelli Golfklúbbs Sandgerðis.

Smelltu hér fyrir stöðuna

Smelltu hér fyrir rástíma

Í karlaflokki eru 73 keppendur. Þar er meðalforgjöf keppenda +0.36, lægsta forgjöfin er +5.2 og hæsta forgjöfin er 5.4. Í karlaflokki eru 44 keppendur með 0 eða lægra í forgjöf.

Tómas Eiríksson Hjaltested, Axel Bóasson og Kristófer Orri Þórðarson eru þrír forgjafarlægstu kylfingar karlaflokksins. Tómas er ríkjandi stigameistari mótaraðarinnar og stefnir að því að sækja annan titil í sumar. Í gær var gefið út viðtal við Tómas á Vísi, þar sem farið er yfir sumarið og háskólagolfið, helkk á viðtalið má finna hér .

Í kvennaflokki eru 18 keppendur. Meðalforgjöfin er 2.2, lægsta forgjöfin er +3.3 en sú hæsta er 8.1.

Perla Sól Sigurbrandsdóttir, Pamela Ósk Hjaltadóttir og Eva Kristinsdóttir eru forgjafarlægstu kylfingar flokksins. Perla Sól varð Íslandsmeistari í golfi árið 2022 og vann Guðfinnubikarinn fyrir lægsta skor áhugakylfings á Íslandsmótinu í fyrra. Eva Kristinsdóttir kemur af krafti inn í tímabilið, en hún varð Landsmeistari í golfhermum í byrjun maí.

Keppendur eru alls 91, og koma þeir frá 14 klúbbum víðsvegar af landinu.

GR er með flesta keppendur eða 21 alls, og GKG sendir 19 í mótið. Sex klúbbar eru með keppendur í kvenna- og karlaflokki.

Við hvetjum alla til að gera sér ferð á Reykjanesið í dag og um helgina, bæði til að sjá okkar bestu kylfinga spila og til að hvetja þau áfram!

Mótun nýrra glompa á nýju 1. brautinni!

Sat, 23 May 2026 11:08:02 GMT

Nú er unnið hörðum höndum við mótun nýrra glompa á nýju 1. brautinni okkar og standa vonir til þess að hægt verði að tyrfa hana í næstu viku.

Að hanna fallegar og sanngjarnar glompur er hvorki einfalt né auðvelt og því fengum við Chris frá Omnikai til liðs við okkur. Hann hefur mikla reynslu á þessu sviði og kemur upphaflega frá Royal Aberdeen, með viðkomu hjá bæði Brautarholti og Keili.

Það er gaman að fylgjast með fagmanni að störfum og mun Chris einnig vinna fleiri glompur fyrir okkur þegar hann hefur lokið við glompurnar fjórar á fyrstu holunni.

Það verða sannkölluð forréttindi að lenda í þessum!

Dagbjartur kominn áfram í lokaúrtökumót U.S. Open

Sat, 23 May 2026 11:03:48 GMT

Ríkjandi Íslandsmeistari karla í golfi, Dagbjartur Sigurbrandsson, tryggði sér sæti í lokaúrtökumóti U.S. Open eftir öflugan hring í undankeppni sem fram fór í gær. Leikið var á Berkshire Hills vellinum í Pittsfield. Dagbjartur lék hringinn á 70 höggum, tveimur höggum undir pari, og endaði jafn í öðru sæti. Efstu fjórir kylfingarnir tryggðu sér áframhaldandi þátttökurétt.

Hér má sjá úrslit mótsins

Dagbjartur hóf hringinn á seinni níu holunum og byrjaði af krafti. Hann fékk fugla á tvær fyrstu holur sínar og var kominn fjóra undir par eftir örn á elleftu holunni (önnur hola vallarins). Tvö töpuð högg á síðustu sjö holunum skiptu litlu máli, og Dagbjartur skrefi nær U.S. Open risamótinu sem hefst 18. júní.

Lokaúrtökumót U.S. Open fara fram dagana 18. maí, 25. maí og 8. júní þar sem kylfingar leika 36 holur á einum degi um sæti í sjálfu U.S. Open risamótinu. Þar mætast margir af sterkustu kylfingum heims sem ekki hafa þegar tryggt sér þátttökurétt.

Þetta er annað árið í röð sem Dagbjartur leikur í lokaúrtökumótinu. Íslandsmeistarinn náði þangað á síðasta ári og lék þar meðal annars með risamótsmeistaranum Padraig Harrington og Svíanum Alex Noren. Þá var hann í góðri stöðu eftir fyrri hringinn en endaði að lokum jafn í 38. sæti.

Klúbbhús – kvöldopnun á Korpu frá 15. maí 2026!

Sat, 23 May 2026 11:00:35 GMT

Klúbbhús mun opna á Korpu föstudaginn 15. maí og verður með kvöldopnun fram að opnun valla, opið verður frá kl. 17:00-22:00.

Laugardaginn 23. maí eða frá og með opnun valla mun Klúbbhús svo opna formlega á báðum stöðum, á Korpu og í Grafarholti.

Hlökkum til að taka á móti ykkur!
Karen, Mjöll & Gummi

Haraldur Franklín í 41. sæti á Italian Challenge Open

Sat, 23 May 2026 10:57:56 GMT

Íslenski atvinnukylfingurinn Haraldur Franklín Magnús endaði jafn í 41. sæti Italian Challenge Open mótsins, sem fór fram dagana 7.-10. maí á Ítalíu. Mótið var hans fimmta á HotelPlanner Tour tímabilinu, en mótaröðin er sú næst sterkasta í Evrópu.

Haraldur skilaði inn gífurlega stöðugum hringjum, en hann lék á 70-70-69-70 og lauk leik á níu höggum undir pari í heildina. Samkvæmt Haraldi sjálfum var völlurinn erfiður og leikskipulagið íhaldssamt, en gott að komast út á völl.

Þetta var fimmta mót atvinnukylfingsins á tímabilinu, en það fyrsta eftir langa pásu. Skipulag mótaraðarinnar breyttist með stuttum fyrirvara í vor og hafði Haraldur því ekki leikið síðan í febrúar. Nú fer hins vegar allt á fullt og verður dagskráin þétt næstu mánuði.

Sjöunda holan reyndist gjöful, eins og sjá má á skorkorti Haralds Franklín

Hér má sjá úrslit mótsins

Dagbjartur lauk leik í fjórða sæti í Danmörku – frábært spilamennska!

Sat, 23 May 2026 10:53:24 GMT

Dagbjartur Sigurbrandsson var á meðal keppenda í Royal Unibrew Championship mótinu í Danmörku sem lauk í dag, ásamt tveimur öðrum íslenskum kylfingum. Mótið er hluti af Nordic Golf League mótaröðinni, sem er sú þriðja sterkasta í Evrópu og léku allir íslensku kylfingarnir frábært golf.

Dagbjartur Sigurbrandsson endaði fjórði í mótinu á ellefu höggum undir pari í heildina. Íslandsmeistarinn var í toppbaráttu frá fyrsta hring, en hann lék hringina þrjá á 67-71-67. Frábær endasprettur skilaði honum aftur upp í efstu sætin, en Dagbjartur endaði lokahringinn á þremur fuglum í röð. Þetta er í þriðja skipti á tímabilinu sem Dagbjartur endar meðal 10 efstu kylfinga.

Dagbjartur fer upp í 20. sætið stigalistan en þess má geta að efstu fimm kylfingar stigalistans í lok tímabils vinna sér inn fullan þátttökurétt á HotelPlanner Tour mótaröðinni, sem er sú næststerkasta í Evrópu.

Við óskum Dagbjarti innilega til hamingju með frábæra spilamennsku.

Hér má sjá úrslit mótsins

Opnun nálgast – mikil vinna á vallarsvæðum GR

Sat, 23 May 2026 10:51:35 GMT

Það er mikið um að vera á vallarsvæði GR þessa dagana og undirbúningur fyrir sumarið í fullum gangi. Starfsfólk vallarsviðs hefur unnið markvisst að því að koma völlunum í sem besta stand fyrir opnun og verður árangurinn sífellt sýnilegri með hverjum deginum.

Dúkur hefur verið lagður yfir viðkvæmustu flatirnar til að hraða vexti og jafna aðstæður, samhliða því sem verið er að bera áburð, valta, yfirsá og vökva. Hækkandi hitastig næstu daga ætti að hjálpa okkur enn frekar og við bindum góðar vonir við þróunina á næstunni.

Í næstu viku stendur til að tappagata teiga í Korpu og sanda þá með fræblöndu til að tryggja góða endurnýjun og betri spilaaðstæður þegar líður á sumarið.

Framkvæmdir við 1. braut í Grafarholti ganga einnig mjög vel og stefnt er að því að hefja tyrfingu brautarinnar í næstu viku. Brautin er þegar farin að taka á sig afar glæsilega mynd og mikil eftirvænting ríkir eftir að sjá lokaútfærsluna.

Þá verða teigar á 3. braut einnig tyrfðir á næstunni og teljum við að félagsmenn muni taka nýju og endurbættu teigstæðum fagnandi.

Við Korpu er jafnframt að rísa nýtt þvottaplan fyrir kylfur og kerrur sem verður kærkomin viðbót við þjónustu við kylfinga.

Eins og áður hefur verið kynnt er stefnt að opnun valla dagana 23.–24. maí.

Golfkveðja,

Vallarsvið GR

Dagbjartur Sigurbrandsson efstur eftir fyrstu umferð í Danmörku!

Sat, 23 May 2026 10:45:41 GMT

Dagbjartur Sigurbrandsson ássamt Hlyn Bergssyni og Sigurði Arnari Garðarssyni eru á meðal keppenda í Nordic Golf League móti sem hófst í Danmörku í dag.

Eftir fyrsta hring er okkar maður, Dagbjartur Sigurbrandsson efstur meðal mann en hann lék opnunarhringinn á -5 eða 67 höggum – vel gert Dagbjartur, áfram GR!

Dagbjartur er í 31. sæti stigalistans, efstur Íslendinganna.

Mót vikunnar á Nordic Golf League er Royal Unibrew Championship. Leikið er á Royal Oak vellinum rétt fyrir utan Kolding. Völlurinn er par 72 og yfir 6.400 metra langur. Hann gæti reynst kylfingum krefjandi en er á einstaklega fallegu svæði, líkt og sjá má á mynd hér að neðan.

Efstu fimm kylfingar stigalistans í lok tímabils vinna sér inn fullan þátttökurétt á HotelPlanner Tour mótaröðinni, sem er sú næststerkasta í Evrópu.

Hér má fylgjast með stöðu mótsins

Nick „okkar“ hlýtur alþjóðadómararéttindi!

Sat, 23 May 2026 10:35:59 GMT

Í vetur og vor eignuðumst við í GR einn alþjóðadómara.

Nicholas Anthony Cathcart-Jones sótti TARS (Tournament Administrators and Referees School) námskeið hjá R&A í Skotlandi og lauk „level-3“ prófi. Hann hefur fengið réttindi Alþjóðadómari hjá GSÍ.

Golfklúbbur Reykjavíkur óskar Nick „okkar“ innilega til hamingju með alþjóðadómararéttindin!

🌼 Vormót GR kvenna 🌼

Sat, 23 May 2026 10:29:05 GMT

Kæru konur

Takið 30. maí frá – Vormót GR kvenna verður haldið á Borganesi .

Ræst út af öllum teigum kl. 10:00
Skráning fer fram í Golfbox 20. maí kl. 12:00

Setjið dagsetninguna í dagatalið – í fyrra seldist mótið upp mjög hratt!

Hótelgisting
Konur sem gista eru vinsamlegast beðnar um að senda okkur tölvupóst á
grkvennanefnd@gmail.com

Í tölvupóstinum þarf að koma fram:

Golfbox-númer
Bókunarnúmer á hóteli

Bókun á hóteli fer fram hér:
https://online.bookvisit.com/accommodation?channelId=089de0f8-df8c-4622-a6c2-c49f08a3d04c

Afsláttarkóði: MAIGKRKONUR

Við munum auglýsa aftur mótið þegar nær dregur!

Hlökkum til að sjá ykkur sem flestar!

Kær kveðja,
GR kvennanefnd

Dagbjartur og Jóhann Frank hefja leik í Svíþjóð ⛳

Sat, 23 May 2026 10:21:41 GMT

Dagbjartur Sigurbrandsson og Jóhann Frank Halldórsson, báðir úr Golfklúbbi Reykjavíkur, eru á meðal keppenda á Nordic Golf League móti sem hefst í dag.

Mót vikunnar á Nordic Golf League er Big Green Egg Blekinge Open, sem fram fer í Svíþjóð. Leikið er á Trummenäs GK í Blekinge. Völlurinn krefst nákvæmni af teig og yfirvegaðrar ákvarðanatöku samkvæmt keppendum, en veðurspáin er góð og því tækifæri til að sækja.

Trummenäs völlurinn

Dagbjartur hefur verið iðinn á mótaröðinni í sumar og staðið sig vel. Íslandsmeistarinn hefur náð í gegnum niðurskurð í fjórum af átta mótum og tvisvar endað jafn í áttunda sæti. Hann er 29. á stigalista mótaraðarinnar, sem setur hann í góða stöðu þegar líður á tímabilið. Efstu fimm kylfingar stigalistans í lok tímabils vinna sér inn fullan þátttökurétt á HotelPlanner Tour mótaröðinni, sem er sú næststerkasta í Evrópu.

Fyrir Jóhann Frank er mótið í Blekinge hans fyrsta verkefni á mótaröðinni á þessu ári. Það verður því áhugavert að fylgjast með hvernig honum tekst til í sínu fyrsta móti.

Jóhann hefur leik kl. 13:20 og Dagbjartur kl. 13:40, en hér má fylgjast með skori þeirra í mótinu.

Thorsvöllur eingöngu opinn félagsmönnum GR – skráning fer fram í golfbox

Sat, 23 May 2026 10:16:19 GMT

Framkvæmdir við uppbyggingu Thorsvallar á Korpu eru nú hafnar og markar það mikilvægt skref í áframhaldandi þróun vallarsvæðisins eins og áður hefur verið kynnt. Unnið verður markvisst að endurbótum á vellinum á næstu misserum með það að markmiði að bæta leikskilyrði og upplifun kylfinga.

Á þessu ári verður sérstök áhersla lögð á að slétta 3. og 6. braut. Sú vinna er liður í heildarendurbótum vallarins og mun skila sér í betra yfirborði og auknum gæðum til lengri tíma.

Til bráðabirgða ætlum við að breyta vellinum til að geta haldið áfram að leika 9 holur meðan á framkvæmdunum stendur. Þriðja brautin verður leikin inn á 6. flötina og teigurinn aftan við 2. flötina. Fjórða brautin verður leikin af 6. teignum inn á 3ju flötina. Þessar brautir munu þjóna kylfingum á meðan framkvæmdir standa yfir og tryggja að hægt sé að nýta völlinn áfram á uppbyggingartímanum.

Jafnframt verður nýr fyrsti teigur opnaður í byrjun sumars. Þar hefur verið farið í spennandi nýjung þar sem svokallað hybridgras hefur verið lagt til prufu. Markmiðið með þeirri tilraun er að kanna hvort sú lausn geti styrkt uppbyggingu teiga og aukið endingu þeirra við íslenskar aðstæður.

Við viljum minna félagsmenn okkar á að Thorsvöllur er eingöngu opinn félagsmönnum Golfklúbbs Reykjavíkur. Skráning í rástíma fer fram í gegnum Golfbox, eins og áður.

Að lokum hvetjum við alla félagsmenn til að sýna vellinum góða umgengni á meðan framkvæmdir standa yfir. Með samstilltu átaki tryggjum við að Thorsvöllur verði áfram eftirsóknarverður og glæsilegur golfvöllur til framtíðar.

Golfvallarsvið

Ástand og framkvæmdir valla – skýrsla vallarstjóra

Sat, 23 May 2026 10:07:35 GMT

Með hækkandi sól eykst tilhlökkunin að komast út á golfvellina okkar. Tilhlökkunin sést vel á fjölda manns í Básum á blíðviðrisdögum, en augljóslega eru félagsmenn orðnir ansi golfþyrstir!

Líðandi vetur hefur verið risjóttur og ekki langt síðan snjómokstur þurfti til að komast að klúbbhúsum okkar.

Við höfum tekið saman stutta samantekt af ástandi valla okkar og fer hún hér eftir.

Korpan

Ástandið á Korpunni er keimlíkt því sem var fyrir um þremur árum, þegar vorið kom alltof seint. Gróft á litið sýnist okkur völlurinn í svipuðu standi og í marsmánuði í fyrra.

Við erum búnir að bera á allar flatir og teiga, en það er að gerast seint sökum þess að frost er enn að fara úr jörðu og flatirnar mjög mjúkar sem kallar á mikla varkárni í umgengni.

Völlurinn er farinn að grænka og vonandi tekur hann hratt við sér næstu daga, en sumar flatirnar eru ekki að koma neitt sérstaklega vel undan vetri. Kal er á nokkrum stöðum og sum álagssvæði illa farin. Þau verða meðhöndluð um leið og aðstæður leyfa. Það er staðreynd að grasið okkar þolir vetrarhörku illa og áherslan þarf að vera á að ná upp æskilegri og sterkari grastegundum í flatirnar, litið fram á veginn. Við munum gata, sanda, yfirsá og nota dúka þar sem þarf, en ekkert mun koma í stað tíma og góðs veðurfars.

Eins og sakir standa áætlum við opnun síðar en undanfarin ár, líklega helgina 23.-24. maí. Við viljum ekki opna svo snemma að völlurinn líði fyrir það í margar vikur eftir opnun, við þekkjum að um leið og við opnum fyllist völlurinn af kylfingum með tilheyrandi álagi.

Grafarholt

Flatir okkar hafa verið að koma ágætlega undan vetri, þrátt fyrir áhyggjur af þurrum frostmánuðum í vetur, en vandræðabörnin 2. og 6.flöt kalla á frekari umhirðu og vinnu sem við munum sinna. Við vonumst til að ástandið lagist hratt með hækkandi hitastigi.

Við höfum sandað, borið á og höfum hafið vökvun þar sem þörfin er hvað mest. Völtun fer fram um leið og við treystum okkur til, en frost er enn í jörðu svo við erum að taka einn dag í einu og feta okkur áfram. Götun og yfirsáning verður framkvæmd þar sem þarf.

Teigar virðast flestir hverjir ágætir og við höfum nýlokið við að gefa þeim áburð. Götun og söndun fer svo fram fljótlega á þeim. Ennfremur vonumst við til að valta brautirnar á næstu tveimur vikum þegar frostið er farið.

Af framkvæmdum í Grafarholti er þetta helst:

1.braut: Nær öll jarðvinna er búin, en lokafrágangur er eftir og mun fara fram um mánaðarmót eða þegar frostið er farið. Vökvunarkerfi er fullfrágengið. Vinna við glompur hefst um mánaðarmót og tekur um 2 vikur. Við vonumst til að tyrfa í kringum miðjan maímánuð, en það fer allt eftir veðurfari. Við viljum freista þess að taka ekki torf of snemma, þar sem æskilegt er að fá vöx og styrk í grasið áður en það verður skorið og flutt til okkar. Við vonumst til að geta leikið á nýrri fullkláraðri 1. braut ásamt nýjum teigum á 2. braut um miðjan júnímánuð.

3.teigar: Teigar hafa verið mótaðir og búið er að leggja vökvunarkerfi í þá alla. Teigstæðið er mjög glæsilegt. Verið er að setja jarðveg í hliðar teiganna, til styrkingar, og svo þarf að setja þunnt grunnlag ofan á teigana fyrir tyrfingu. Tyrfing mun fara fram á svipuðum tíma og á 1.braut og ættu því að verða leikhæfir í síðari hluta júní, ef vel gengur. Þriðja flötin er að dafna og við vonumst til að geta opnað inn á hana fullbúna seinna í sumar.

10.flöt: Vinna við jarðvegsmótun er hafin sem og ísetning dren-lagnar etc. Þessi vinna heldur áfram í sumar og við lokun vallar í haust hefst einnig vinna við nýja teiga fyrir 11.braut, en áætlun miðast við að ný 11. braut verði tekin í gagnið næsta vor.

Gamla æfingasvæðið hefur verið notað sem “geymsla” fyrir jarðveg okkar og er ekki mikil prýði af í dag. Við munum reyna að gæta snyrtimennsku hér, en augljóst er að þetta verður töluverð sjónmengun á meðan stærsti hluti framkvæmdanna gengur yfir.

Þegar þetta er skrifað er enn frost í moldarsvæðum og háu grasi á um 10-15cm dýpi. Vonumst við til að það hverfi hratt en þetta tefur allt ferlið okkar meðan varir. Opnun í fyrra var líklega amk. einni viku of snemma og miðað við álagið sem kemur strax á velli okkar við opnun, þá getur það auðveldlega gert stöðuna hratt verri. Við horfum því til helgarinnar 23.-24. maí fyrir opnun, en það verður auglýst nánar um leið og aðstæður leyfa.

Bestu kveðjur,
Vallarsvið GR

Vel heppnaður fundur með framboðum um framtíð golfs í Reykjavík

Sat, 23 May 2026 10:04:26 GMT

Þann 21. apríl síðastliðinn fór fram opinn fundur í félagsaðstöðu Golfklúbbur Reykjavíkur þar sem fulltrúar framboða til borgarstjórnarkosninga í Reykjavík kynntu stefnu sína og hugmyndir um framtíð golfíþróttarinnar innan borgarlandsins.

Fundurinn var afar vel sóttur og mætti fjöldi kylfinga og áhugafólks um golf til að hlýða á framboðin, leggja fram spurningar og taka þátt í uppbyggilegu samtali. Umræðurnar voru líflegar og málefnalegar, þar sem fjölmargir mikilvægir þættir komu til skoðunar, þar á meðal aðgengi að golfvöllum, uppbygging aðstöðu og hvernig best sé að mæta ört vaxandi áhuga á íþróttinni.

Það er mat skipuleggjenda að fundurinn hafi tekist einstaklega vel. Skýr vilji kom fram hjá fulltrúum framboðanna til að styðja við áframhaldandi þróun golfíþróttarinnar í Reykjavík. Sérstaklega var ánægjulegt að sjá hversu jákvæð afstaða var gagnvart golfi sem fjölskyldu- og lýðheilsuíþrótt sem nýtist öllum aldurshópum.

Fulltrúar flokkanna tóku vel í hugmyndir fundarmanna um að auka aðgengi Reykvíkinga að golfíþróttinni og bæta aðstöðu til iðkunar. Jafnframt sýndu þeir skilning á mikilvægi þess að bregðast við aukinni eftirspurn og löngum biðlistum með markvissri uppbyggingu til framtíðar.

Golfklúbbur Reykjavíkur mun halda áfram samtali við nýja borgarstjórn strax að loknum kosningum, með það að markmiði að tryggja áframhaldandi vöxt, aðgengi og sterka stöðu golfíþróttarinnar í borginni.

Við hvetjum félagsmenn og alla áhugasama til að kynna sér fundinn í heild sinni hér fyrir neðan og taka þátt í áframhaldandi umræðu um framtíð golfíþróttarinnar í Reykjavík.

Upptöku af fundinum má finna hér .

Golfklúbbur Reykjavíkur

GR – dagurinn – opið hús á morgun, Sumardaginn fyrsta!

Wed, 22 Apr 2026 13:54:00 GMT

Á morgun, Sumardaginn fyrsta verður opið hús hjá okkur í Golfklúbbur Reykjavíkur. Við ætlum að koma okkur í gírinn fyrir komandi golfsumar – opið verður frá kl. 11:00 – 15:00.

Félagsmenn er hvattir til að koma sýna sig og sjá aðra, kynna sér starfsemi klúbbsins og sækja pokamerkin sín fyrir sumarið.

Meðal þess sem verður í boði er eftirfarandi:

Afhending pokamerkja.
Boltakort Bása á 30% afslætti.
Fatnaður frá ÍSAM til mátunar og pöntunar á góðum kjörum – GR línan 2026 .
Starfsfólk 66° Norður verður á staðnum og býður upp á fatnað sem kjörin er í golfið á góðum afslætti.
Rekstrarstjóri íþróttastarfs GR verður á svæðinu. Þar er hægt að fá upplýsingar m.a. um æfingar og golfleikjaskólann fyrir sumarið 2026.
Kvennanefnd GR mætir og kynnir sitt frábæra starf.
Kynning á félagsstarfi – MercedesBenz bikarinn (Holukeppni GR) og FootJoy bikarinn (Liðakeppni GR).
Forstöðumaður golfvallasviðs verður á svæðinu og gefur félagsmönnum nýjustu upplýsingar um framkvæmdir og ástand valla.
Dómari lætur sig ekki vanta og er til í spjall við bæði þaulreynda sem og minna reynda kylfinga.

Léttar veitingar í boði – kaffi, kleinur og kaka – eitthvað fyrir alla!

Hlökkum til að sjá sem flesta!
Golfklúbbur Reykjavíkur

Ath! Inniæfingaaðstaðan á 2. hæð Korpu verður lokuð til kl. 16:00 þennan dag.

The post GR – dagurinn – opið hús á morgun, Sumardaginn fyrsta! appeared first on GR Golf .

Inniæfingaaðstaðan á Korpu lokuð – þriðjudaginn 21. apríl

Mon, 20 Apr 2026 16:06:00 GMT

Kæru félagsmenn

Rétt eins og kom fram í fréttabréfi um liðna helgi að þá er inniæfingaaðstaðan á Korpu lokuð á morgun, þriðjudaginn 21. apríl, vegna stefnumóts við oddvita framboða í Reykjavík.

Við hvetjum öll til að mæta á stefnumótið og hafa þannig áhrif á framtíð okkar ástsælu íþróttar í borginni.

Staðsetning: Korpa, 2. hæð
Tímasetning: kl. 19:30

Boðið verður upp á léttar kaffiveitingar!

The post Inniæfingaaðstaðan á Korpu lokuð – þriðjudaginn 21. apríl appeared first on GR Golf .

Básar opna kl.15:00 – þriðjud. 21. apríl og miðvikud. 22. apríl

Mon, 20 Apr 2026 15:48:00 GMT

Básar opna kl. 15:00 á morgun þriðjudaginn 21. apríl og miðvikudaginn 22. apríl vegna framkvæmda, þar sem unnir er að því að leggja nýtt gervigras á útisvæði Bása.

The post Básar opna kl.15:00 – þriðjud. 21. apríl og miðvikud. 22. apríl appeared first on GR Golf .

Lokamótið hjá Dagbjarti í Póllandi hefst í dag – Sand Valley Spring Series Final

Fri, 17 Apr 2026 15:52:00 GMT

Stór hópur íslenskra afrekskylfinga er á meðal keppenda á Sand Valley Spring Series Final mótinu sem fer fram í Póllandi dagana 17.-19. apríl. Mótið er hluti af Nordic Golf League mótaröðinni sem er sú þriðja sterkasta í Evrópu og er þetta þriðja og síðasta mót hópsins á Sand Valley svæðinu. Við eigum okkar fulltrúa á svæðinu, ríkjandi Íslandsmeistari í golfi, Dagbjartur Sigurbrandsson er á meðal íslensku keppendanna.

Leikið er á ný á Sand Valley Golf Resort svæðinu í norðurhluta Póllands.

Í öðru mótinu endaði Dagbjartur Sigurbrandsson í áttunda sæti.

Alls eru eru sjö íslenskir kylfingar þátttakendur í mótinu og er þrjú sannkölluð Íslendingaholl í dag, þar sem sex keppendur raðast saman í þrjú holl í dag. Dagbjartur Sigurbrandsson er í holli með Daníel Ísak í dag.

Hér má fylgjast með stöðu mótsins

Efstu fimm kylfingar stigalistans í lok tímabils vinna sér inn fullan þátttökurétt á HotelPlanner Tour mótaröðinni, sem er sú næststerkasta í Evrópu. Einnig er hægt að vinna sér inn þátttökurétt með því að vinna þrjú mót á sama tímabilinu. Haraldur Franklín Magnús leikur á HotelPlanner Tour, en sú mótaröð hefst aftur í maí.

The post Lokamótið hjá Dagbjarti í Póllandi hefst í dag – Sand Valley Spring Series Final appeared first on GR Golf .

GR dagurinn – opið hús á Sumardaginn fyrsta þann 23. apríl – hlökkum til að sjá ykkur!

Fri, 17 Apr 2026 14:12:00 GMT

Sumardaginn fyrsta, þann 23. apríl ætlar Golfklúbbur Reykjavíkur að halda opið hús á Korpu. Við ætlum að koma okkur í gírinn fyrir komandi golfsumar – opið verður frá kl. 11:00 – 15:00.

Félagsmenn er hvattir til að kom sýna sig og sjá aðra, kynna sér starfsemi klúbbsins og sækja pokamerkin sín fyrir sumarið.
Meðal þess sem verður í boði er eftirfarandi:

Afhending pokamerkja.
Boltakort Bása á 30% afslætti.
Starfsfólk frá ÍSAM verður á staðnum með klúbbfatnað til mátunar og pöntunar á góðum kjörum.
Starfsfólk 66° Norður verður á staðnum og býður upp á fatnað sem kjörin er í golfið á góðum afslætti.
Rekstrarstjóri íþróttastarfs GR verður á svæðinu. Þar er hægt að fá upplýsingar m.a. um æfingar og golfleikjaskólann fyrir sumarið 2026.
Kvennanefnd GR mætir og kynnir sitt frábæra starf ásamt því að bjóða upp á skemmtilegan leik.
Kynning á félagsstarfi – MercedesBenz bikarinn (Holukeppni GR) og FootJoy bikarinn (Liðakeppni GR).
Forstöðumaður golfvallasviðs verður á svæðinu og gefur félagsmönnum nýjustu upplýsingar um framkvæmdir og ástand valla.
Dómari verður á svæðinu og er til í spjall við bæði þaulreynda sem og minna reynda kylfinga.

Léttar veitingar í boði – kaffi, kleinur og kaka – eitthvað fyrir alla!

Hlökkum til að sjá sem flesta!
Golfklúbbur Reykjavíkur

The post GR dagurinn – opið hús á Sumardaginn fyrsta þann 23. apríl – hlökkum til að sjá ykkur! appeared first on GR Golf .

Stefnumót við oddvita, framtíð golfs í Reykjavík

Wed, 15 Apr 2026 12:04:00 GMT

Í aðdraganda borgarstjórnarkosninganna 2026 bjóðum við til opins fundar þar sem oddvitar helstu framboða ræða framtíðarsýn sína um uppbyggingu og áframhaldandi vöxt golfíþróttarinnar í Reykjavík.

Hvernig ætla flokkarnir að styðja við golf sem lýðheilsu- og fjölskylduíþrótt?
Hver er framtíðarsýn þeirra varðandi aðstöðu, uppbyggingu og aðgengi?
Hvernig verður mætt aukinni eftirspurn og löngum biðlistum?

Golfíþróttin hefur vaxið hratt á undanförnum árum og er mikilvægur hluti af útivist, heilsu og félagslífi borgarbúa. Nú er rétti tíminn til að ræða hvert stefnir og hvaða ákvarðanir þarf að taka til framtíðar.

Á fundinum fá oddvitar tækifæri til að kynna sín sjónarmið og svara spurningum úr sal.

Staðsetning: Golfskálinn, Korpúlfsstöðum
Dagsetning: 21. apríl 2026
Tími: 19:30

Fundarstjóri: Oddur Þórðarson, Fréttamaður

Allir eru hjartanlega velkomnir – kylfingar, áhugafólk og allir sem vilja taka þátt í samtalinu um framtíð golfíþróttarinnar í borginni.

Boðið verður uppá léttar veitingar

Mætum og tökum þátt

The post Stefnumót við oddvita, framtíð golfs í Reykjavík appeared first on GR Golf .

Þrír í toppbaráttu fyrir lokahring Sand Valley Masters

Wed, 15 Apr 2026 11:03:00 GMT

Daníel Ísak Steinarsson, Hlynur Bergsson og Dagbjartur Sigurbrandsson eru allir á meðal efstu kylfinga Sand Valley Masters mótsins sem lýkur í dag. Mótið, sem fer fram á Sand Valley golfsvæðinu í Póllandi, er hluti af Nordic Golf League mótaröðinni sem er sú þriðja sterkasta í Evrópu.

Stór hópur íslenskra afrekskylfinga var á meðal keppenda mótsins en þremeningarnir voru þeir einu sem náðu í gegnum niðurskurð.

Daníel og Hlynur eru jafnir í sjötta sæti mótsins á fjórum höggum undir pari. Daníel lék hringina tvo á 67-69 höggum og hefur einungis fengið tvo skolla í mótinu. Að fyrsta hring loknum var Daníel jafn í 10. sætinu en kom sér upp stöðutöfluna með öðrum góðum hring í gær.

Hlynur hefur leikið báða sína hringi á 68 höggum. Örfáir kylfingar hafa sótt fleiri fugla en Hlynur í mótinu, en GKG-ingurinn er með níu slíka á fyrstu 36 holunum.

Daníel og Hlynur leika lokahringinn í sama hollinu ásamt Svíanum Albin Tidén. Albin er efsti kylfingur stigalistans og hefur unnið tvö af fyrstu sex mótum tímabilsins.

Dagbjartur er jafn í 15. sæti mótsins á tveimur höggum undir pari. Hann hefur leikið báða hringina á 69 höggum og fengið á þeim sjö fugla og fimm skolla.

Hér má skoða stöðu mótsins

Hér má sjá skor allra íslensku kylfinganna (að tveimur hringjum loknum)

The post Þrír í toppbaráttu fyrir lokahring Sand Valley Masters appeared first on GR Golf .

Vel heppnað páskapútt

Thu, 09 Apr 2026 13:28:00 GMT

Um páskana var haldið púttmót í Korpunni, bæði fjölskyldupútt og liðakeppni.

Vel var mætt í fjölskyldupúttið og gaman að sjá krakkana spreyta sig. Boðið var uppá veitingar eftir púttið og öll börn fengu að snúa lukkuhjóli. Öll börn fóru glöð heim með einhvern glaðning.

Þökkum öllum sem komu og tóku þátt.

Úrslitin voru eftirfarandi

Fjölskyldustund

sæti – Valur og Aníta- 54 högg
sæti – Bergur og Jóhann -57 högg
sæti- Iðunn og Vala- 58 högg betri á seinni 9
3-4 sæti – Kári Kristinn og Birkir- 58 högg

Liðakeppni

Sæti – Haraldur og Þóra- 52 högg
sæti – Pétur Franklín og Atli Jóhann- 55 högg
sæti – Sigurlaug og Ásmundur – 57 högg betri á seinni 9
3-4. sæti- Sigurður Stefán og Thamar- 57 högg

Dregið var um úrdráttarverðlaun – 3 básakort, þeir sem dregnir voru út voru:

Sigurlaug Anna Þorsteinsdóttir

Ólöf Hjartardóttir

Valgerður Guðrún Gunnarsdóttir

Hægt er að nálgast Básakortin í afgreiðslu Bása.

The post Vel heppnað páskapútt appeared first on GR Golf .

Látum þetta verða líflegan og vel sóttan viðburð. Opinn fundur um framtíð golfs í Reykjavík

Tue, 31 Mar 2026 13:13:00 GMT

Í aðdraganda borgarstjórnarkosninganna í maí stendur Golfklúbbur Reykjavíkur (GR) fyrir opnum fundi þar sem rætt verður um framtíð golfs og útivistar í Reykjavík. Fundurinn er einstakt tækifæri fyrir kylfinga og áhugafólk til að eiga samtal við fulltrúa stjórnmálaflokkanna um eitt stærsta íþrótta- og lýðheilsumál borgarinnar.

Golf hefur á undanförnum árum styrkt stöðu sína sem ein vinsælasta almenningsíþrótt landsins. Íþróttin gegnir mikilvægu hlutverki í heilsueflingu, félagsstarfi og útivist – ekki síst fyrir börn og ungmenni, en einnig fyrir eldri borgara sem sækja í reglulega hreyfingu og samfélag.

Golfklúbbur Reykjavíkur er stærsti golfklúbbur landsins með um 3.400 félagsmenn og yfir 1.400 einstaklinga á biðlista. Þessi mikla eftirspurn undirstrikar mikilvægi þess að ræða hvernig tryggja megi næga aðstöðu, skynsamlega landnýtingu og áframhaldandi uppbyggingu golfíþróttarinnar í borginni.

Samtal um framtíðina

Markmið fundarins er að skapa vettvang þar sem framboð til borgarstjórnar geta kynnt sína sýn á golf, útivist og íþróttaaðstöðu, og svarað spurningum frá kylfingum og öðrum áhugasömum. Með þessu vill GR stuðla að upplýstri umræðu um framtíð íþróttarinnar í Reykjavík.

Fundarupplýsingar

Staður: Félagsaðstaða GR á Korpu, 2. hæð
Dagsetning: Þriðjudagur 21. apríl 2026
Tími: Kl. 19:30
Fundarstjóri: Oddur Þórðarson
Léttar veitingar verða í boði

Dagskrá

Oddvitar framboða kynna stefnu sína
Spurningar úr sal
Lokaorð framboða

The post Látum þetta verða líflegan og vel sóttan viðburð. Opinn fundur um framtíð golfs í Reykjavík appeared first on GR Golf .

Liðakeppni – Páskapútt

Mon, 30 Mar 2026 14:31:00 GMT

Laugardaginn 4. apríl ætlum við að efna til skemmtilegs liða púttmóts fyrir GR félaga.

Mótið er frá 14:00-17:00 – 2 saman í liði. Spilaðir 2 hringir og betri hringur hvors liðsfélaga gildir inn í liðsskorið. Veitt eru verðlaun fyrir 1.-3. sæti og einnig dregið úr skorkortum.

Hvetjum alla GR félaga til að mæta og hafa gaman.

Mótsgjaldið er 3.000 kr á lið og innifalið í því er vaffla og kaffi eftir hring. Posi á staðnum.

Tilvalið fyrir golfhópa að hittast fyrir sumarið, pútta og spjalla.

Hlökkum til að sjá sem flesta – skráning fer fram hér Skráning í liðakeppni

The post Liðakeppni – Páskapútt appeared first on GR Golf .

Páskapútt – fjölskyldustund laugardaginn 4.apríl

Mon, 30 Mar 2026 14:22:00 GMT

Laugardagurinn 4. apríl á Korpu

Við bjóðum upp á skemmtilegan viðburð á Korpunni fyrir GR-félaga og skyldu um páskana.

Upplýsingar um mótið

2 í liði – barn og fullorðinn
Mótsgjald: 3.000 kr. á lið — kaffi & vaffla innifalið eftir púttið
Leiknir verða 2 hringir – betri hringur hvors leikmanns gildir í liðs skorið

Skráning fer fram hér Skráning
POSI á staðnum – hægt að mæta og skrá sig á staðnum en hvetjum til skráningar fyrirfram

12:00–14:00 – Fjölskyldustund

Börn hjartanlega velkomin í fylgd með fullorðnum GR meðlimum !
Tilvalið fyrir ömmur, afa, foreldra, frænkur og frændur að koma með litlu kylfingana.

Börn 12 ára og yngri geta snúið lukkuhjóli og unnið skemmtilega vinninga!

The post Páskapútt – fjölskyldustund laugardaginn 4.apríl appeared first on GR Golf .

Páskaopnun og púttmót á Korpu

Mon, 30 Mar 2026 12:10:00 GMT

Fyrir þá kylfinga sem ætla að nota páskana til að skerpa á sveiflunni fyrir komandi golfsumar er gott að hafa opnunartíma yfir páskana á hreinu:

Opnun yfir páskana

Inniæfingaaðstaða á Korpu

Opið alla páskana frá kl. 08:00–22:00.

Þar er tilvalið að æfa stutta spilið, vippa og pútta.

Thorsvöllur

Thorsvöllurinn er alltaf opinn fyrir félagsmenn og tilvalinn til að komast út á gras, sjá boltann fljúga og fylgja eftir með því að pútta í holuna – og fá þannig tilfinninguna fyrir sumrinu.

Púttmót á Korpu – laugardagur 4. apríl

Við bjóðum upp á skemmtilega liðakeppni, kaffi og vöfflu og frábæra stemningu fyrir alla GR-félaga og fjölskyldur.

Upplýsingar um mótið

2 í liði

Mótsgjald: 3.000 kr. á lið – kaffi og vöffla innifalið

Leiknir verða 2 hringir – betri hringur hvors leikmanns gildir í liðsskor

Skráning fer fram í gegnum hlekkinn

POSI á staðnum – einnig hægt að mæta og skrá sig á staðnum

Fjölskyldustund kl. 12:00–14:00

Börn eru hjartanlega velkomin í fylgd með fullorðnum. Tilvalið fyrir ömmur, afa og foreldra að koma með litlu kylfingana.

Börn 12 ára og yngri geta snúið lukkuhjóli og unnið skemmtilega vinninga.

Púttkeppni fyrir félagsmenn kl. 14:00–17:00

Skemmtileg liðakeppni fyrir alla GR-félaga. Verðlaun í boði fyrir þrjú efstu liðin.

Skráning hér

Opnunartími Bása yfir páskana

Skírdagur: 8:00–22:00
Föstudagurinn langi: 8:00–18:00
Laugardagur: 10:00–18:00
Páskadagur: 10:00–20:00
Annar í páskum: 8:00–22:00

Við óskum félagsmönnum okkar gleðilegra páska og vonum að þið njótið þeirra vel.

The post Páskaopnun og púttmót á Korpu appeared first on GR Golf .

Valreglur kynntar fyrir landslið kylfinga 50 ára og eldri

Fri, 27 Mar 2026 09:36:00 GMT

Nýjar valreglur fyrir landslið kylfinga 50 ára og eldri hafa tekið gildi. Reglurnar gilda fyrir eldri landslið Íslands sem taka þátt í Evrópumótum á vegum EGA.

Í kvennaflokki verða sex kylfingar valdir. Tveir efstu kylfingarnir á stigalista LEK tryggja sér sæti, en fjórir aðrir koma úr efstu sætum Íslandsmóts eldri kylfinga.

Í karlaflokki verður landsliðið skipað fjórum kylfingum þar sem efsti kylfingurinn á stigalista LEK fær sjálfkrafa sæti á meðan þrír koma úr Íslandsmóti eldri kylfinga.

Ef áhugakylfingur sem hefur áunnið sér rétt á landsliðssæti í gegnum LEK
öldungamótaröðina afsalar sér þeim rétti mun áhugakylfingur í sæti fyrir neðan á LEK
öldungamótaröðinni hljóta sæti í liðinu. Ef áhugakylfingur sem hefur áunnið sér rétt á
landsliðssæti í gegnum Íslandsmót eldri kylfinga í flokki 50 ára og eldri afsalar sér þeim rétti
mun áhugakylfingur í sæti fyrir neðan í Íslandsmóti eldri kylfinga í flokki 50 ára og eldri hljóta
sæti í liðinu.

Skilyrði og ábyrgð

Til að vera gjaldgengir þurfa kylfingar að hafa náð tilskildum aldri, vera með íslenskan ríkisborgararétt og vera félagar í golfklúbbi innan vébanda GSÍ.

Afreksstjóri GSÍ mun tilkynna landsliðin formlega eigi síðar en 1. ágúst ár hvert.

Hér má nálgast valreglurnar í heild sinni

The post Valreglur kynntar fyrir landslið kylfinga 50 ára og eldri appeared first on GR Golf .

Páska Pútt – Fjölskyldustund og Liðakeppni í GR

Tue, 24 Mar 2026 11:15:00 GMT

Laugardagurinn 4. apríl á Korpu

Við bjóðum upp á skemmtilega liðakeppni , kaffi & vöfflu , og frábæra stemningu fyrir alla GR‑félaga og fjölskyldur.

Börn hjartanlega velkomin í fylgd með fullorðnum !
Tilvalið fyrir ömmur, afa og foreldra að koma með litlu kylfingana.

Skráning hér

The post Páska Pútt – Fjölskyldustund og Liðakeppni í GR appeared first on GR Golf .

Ecco púttmótaröðin 2026 – lokastaða og úrslit

Mon, 16 Mar 2026 14:43:00 GMT

Umsjónarmaður púttmótaraðar hefur legið veikur síðustu daga og hefur ekki treyst sér til að skrifa pistil eins og venjulega. Þakkar þó öllum þátttökuna og stuðninginn.

Ekki eins kátur og oft áður.

En meðfylgjandi er lokastaða og úrslit í Ecco púttmótaröð karla árið 2026.
Ecco púttmótaröð karla 2026

Kveðja HBK

Frosti ljósmyndari kom við á föstudaginn og festi gleðina á filmu, hægt er að skoða myndirnar með því að smella hér .

The post Ecco púttmótaröðin 2026 – lokastaða og úrslit appeared first on GR Golf .

Golfklúbbur Reykjavíkur boðar til fundar með golfbílaeigendum

Mon, 16 Mar 2026 13:34:00 GMT

Kæru félagar.

Í kjölfar tilkynninga stjórnar Golfklúbbs Reykjavíkur síðastliðið haust um breytingar á notkun golfbíla í eigu einstaklinga á völlum klúbbsins skapaðist umræða meðal klúbbmeðlima, ekki síst þeirra sem eiga golfbíla nú þegar. Klúbburinn leggur ríka áherslu á að eiga gott samtal við meðlimi og taka mið af sjónarmiðum þeirra sem málið varðar.

Golfklúbbur Reykjavíkur boðar í framhaldinu til fundar með eigendum golfbíla þar sem farið verður yfir stöðuna.

Fundurinn verður haldinn:

Miðvikudaginn 25. mars kl. 17:00 í matsal Golfklúbbs Reykjavíkur á Korpu.

Á fundinum verður meðal annars farið yfir:

forsendur ákvörðunar stjórnar um framtíðarfyrirkomulag golfbíla á völlum klúbbsins
stöðu og næstu skref í aðlögunarferlinu
mögulegar lausnir og samstarf við núverandi eigendur golfbíla
önnur atriði sem tengjast notkun golfbíla á völlum GR.

Markmið fundarins er að eiga opnar og uppbyggilegar umræður um málið og öll sjónarmið upp á borðið, áður en frekari ákvarðanir verða teknar.

Boðið verður upp á léttar veitingar á meðan á fundinum stendur.

Við hvetjum alla meðlimi sem eiga golfbíl til að mæta og taka þátt í umræðum.

Kær kveðja, stjórn Golfklúbbs Reykjavíkur

The post Golfklúbbur Reykjavíkur boðar til fundar með golfbílaeigendum appeared first on GR Golf .

Síðasta bingó vetrarins hjá 65+ félögum klúbbins – höfum gaman saman!

Tue, 10 Mar 2026 10:36:00 GMT

Við minnum á lokabingó vetrarins hjá 65+ félögum GR!

The post Síðasta bingó vetrarins hjá 65+ félögum klúbbins – höfum gaman saman! appeared first on GR Golf .

Lokabingó vetrarins hjá 65+ félögum GR

Fri, 06 Mar 2026 15:57:00 GMT

Lokabingó vetrarins verður haldið fimmtudaginn 12. mars.

Fleiri og stærri vinningar en áður. Láttu þetta ekki framhjá þér fara.

Bingó er liður í vetrarstarfi eldri kylfinga klúbbsins, 65 ára og eldri og hefst það kl. 10:00 í veitingasal Korpu.
ATH! Fyrsta bingóspjaldið kostar 1000 kr. hvert spjald umfram það kostar 500 kr. Greiða má hvort sem er með korti eða peningum.

Í hléi er boðið er uppá kaffi, kleinur og gos.

Við hvetjum þá félagsmenn, sem hafa náð 65 ára aldri

The post Lokabingó vetrarins hjá 65+ félögum GR appeared first on GR Golf .

ECCO-púttmótaröðin 2026 – Staðan eftir 7. umferð

Fri, 06 Mar 2026 09:18:00 GMT

Þá er þessu að ljúka og aðeins lokaumferðin eftir sem fram fer FÖSTUDAGINN 13 . MARS . Fimmtudaginn næsta notið þið til æfinga og komið sterkir til leiks daginn eftir. Athugið lokaumferðin er á næsta föstudegi svo það sé sagt.

Spennan er að verða óbærileg svo jafnt er þetta orðið. Óliver Hlynsson (lið 32) lék best allra á glæsilegu skori aðeins á 50 púttum og kom sér þar með úr áttunda sæti upp í það þriðja. Sæbjörn Guðmundsson (28) lék vel og hafði sætaskipti við Jón Karlsson (1) og trónir nú á toppnum. Lið 28 lék best liða á 102 púttum og gerir nú harða atlögu að fyrsta sætinu aðeins einu pútti á eftir liði 1 sem hefur haft forystu alla mótaröðina með einni undantekningu þó.

LOKAUMFERÐIN

Rástímar eru hugsaðir þannig að efstu 5 liðin , miðað við núverandi stöðu, mæti frá kl. 18.30 til 19 og fara af stað ekki seinna en 19:15. Gaman að hafa þá bestu alla saman á gólfinu í einu. Að öðru leyti hafa menn þetta bara eins og þeir eru vanir, ekkert stress, þetta fer bara eins og það fer J

Verðlaunaafhending

Verðlaunaafhendingin hefst um leið og úrslit liggja fyrir. Það eru ekki einungis þeir sem ná einhverjum sætum sem fá verðlaun heldur verður eitthvað af glaðningum fyrir þá sem voru ekki alveg eins góðir og hinir. Verðlaunaskráin er ekki klár ennþá frekar en fyrri daginn en það verður eitthvað spennandi – ég trúi bara ekki öðru.

Þó er klossöruggt að 8 efstu sætin í einstaklingskeppninni fá eitthvað fyrir sinn snúð og 8 efstu liðin. Athugið að verðlaun miðast við fjóra í liði .

Sem sagt: Þeir sem vilja pútta um miðjan dag fara bara heim, horfa á fréttirnar sem dæmi, koma svo galvaskir í partýið um kl. 19:30 til að rabba við félagana, fylgjast með þeim bestu og hugsanlega hirða upp einhvern glaðning þegar þar að kemur. Til að vera með í útdrættinum verða menn að vera á staðnum.

Til að útdrátturinn gangi vel fyrir sig er mjög vinsamlegt af þeim sem ekki sjá sér fært að mæta í lokapartýið láti mig vita til þess að ég sé ekki að kalla upp nöfn sem ekki eru á staðnum.

Þá held ég að allt sé komið fram sem þarf að koma fram en ef það eru einhverjar spurningar varðandi lokakvöldið þá er bara að hafa samband hvenær sem er.

Annars bara kátur.

Meðfylgjandi er staða liða og einstaklinga eftir 7. umferð.

Ecco púttmótaröð karla 2026

Bestu kveðjur,
Halldór B. Kristjánsson
898 3795
leturval@litrof.is

The post ECCO-púttmótaröðin 2026 – Staðan eftir 7. umferð appeared first on GR Golf .

Vilt þú slást í hóp eftirlitsmanna í sumar?

Thu, 05 Mar 2026 14:55:00 GMT

Við leitum eftir stundvísum, glaðlyndum og samviskusömum einstaklingum sem eru ábyrgðarfullir og búa yfir ríkri þjónustulund ásamt hæfni í mannlegum samskiptum.

Auglýsum eftir fólki til starfa á báða velli félagsins, bæði fullt starf og hlutastarf í boði. Öll kyn eru hvött til að sækja um. Kostur er ef umsækjendur hafa einhverja þekkingu á golfíþróttinni þó ekki sé gerð krafa um það.

Umsóknir skulu berast á netfangið sigridur@grgolf.is fyrir miðvikudaginn 19. mars næstkomandi, merkt “GR-eftirlit”.

Við hlökkum til að heyra frá þér!
Golfklúbbur Reykjavíkur

The post Vilt þú slást í hóp eftirlitsmanna í sumar? appeared first on GR Golf .

Lokahóf Ecco púttmótaraðar GR kvenna fór fram á þriðjudaginn síðasta 3. mars – úrslit og upplýsingar!

Thu, 05 Mar 2026 11:12:00 GMT

Frábær mæting var á lokahófi Ecco púttmótaraðarinnar og heppnaðist kvöldið afar vel. Samkvæmt þeim sem mættu ríkti mikil ánægja með kvöldið og stemningin var góð.

Í ár voru 215 konur skráðar í púttmótaröðina og eins og í fyrra var einnig keppt í liðakeppni , sem hefur nú fest sig vel í sessi sem hluti af mótinu.

Tíu efstu konurnar kepptu síðan til úrslita. Þar stóð Kristín Hassing uppi sem sigurvegari með frábæran lokahring á 26 höggum .
Í 2. sæti varð Ólöf Inga og í 3. sæti Ásta Óskarsdóttir . Þær fóru báðar á 29 höggum , og þurfti því að skoða síðustu sex holurnar til að skera úr um röðunina.

Eins og áður hafði verið tilkynnt sigruðu Stubbarnir liðakeppnina annað árið í röð – innilega til hamingju með það.

Svona mót og lokahóf væri ekki mögulegt án góðrar aðstoðar margra. Við viljum þakka Ecco á Íslandi fyrir stuðninginn, ásamt Nóa Síríus .

Sérstakar þakkir fá einnig:

Dóri , fyrir að setja upp völlinn fyrir okkur í hverri viku
Frosti , fyrir að taka allar þessar skemmtilegu myndir – allar myndirnar má sjá á www.golfmyndir.is
Guðbjörg Hólm , sem sá um kaffið í vetur fyrir þær sem púttuðu snemma
Starfsfólk á skrifstofu GR fyrir alla aðstoðina

Við þökkum öllum kærlega fyrir komuna.

Við hlökkum til sumarsins sem nálgast óðfluga

Næst á dagskrá er v ormót GR kvenna verður haldið 30. maí í Borgarnesi, og sumarmótaröð 66°Norður og GR kvenna hefst svo mánudaginn 1. júní. Nánar um það síðar, munið að við setjum allar upplýsingar inná Facebook síðu GR kvenna og einnig eru GR konur komnar með Instagram

The post Lokahóf Ecco púttmótaraðar GR kvenna fór fram á þriðjudaginn síðasta 3. mars – úrslit og upplýsingar! appeared first on GR Golf .

Lokahóf ECCO púttmótaraðarinnar 2026 ! – skráning nauðsynleg

Sat, 28 Feb 2026 13:04:00 GMT

Nú er nú komið að því að loka saman fyrsta og fjölmennasta móti ársins á vegum kvennanefndar GR!

Við ætlum að hittast þriðjudaginn 3. mars í Korpunni og fagna þessari skemmtilegu mótaröð með frábærri stemningu og spennandi úrslitapútti topp 10 kvenna .

Húsið opnar kl. 17:00
Boðið verður upp á að kaupa léttvín, bjór og óáfenga drykki

Skráning er nauðsynleg – og hún LOKAR á sunnudaginn 1. mars kl. 16:00.

Skráning fer fram hér: Skráning

Drög að dagskrá:

17:00 – Salurinn opnar

18:00 – 10 efstu konur pútta um úrslitin

18:30 – Léttar veitingar frá Nomy veitingar

19:00 – Úrslit kynnt og verðlaun veitt

19:15 – Lukkupútt – muna að taka með pútter en verðum einnig með til láns ef einhver gleymir

Ekki verður heimilt að mæta snemma og taka frá borð og sæti. Húsrúm er takmarkað og við þurfum að gera það besta úr aðstæðum.

The post Lokahóf ECCO púttmótaraðarinnar 2026 ! – skráning nauðsynleg appeared first on GR Golf .

ECCO-púttmótaröðin 2026 – Staðan eftir 6. umferð

Fri, 27 Feb 2026 10:56:00 GMT

Nú er sú stund upprunnin að lið og einstaklingar henda út sínum versta hring og lið nr. 30, sem leikið hefur best tvær umferðir í röð, lækkaði sitt skor um 15 pútt sem dæmi og stökk upp í annað sætið. Leikar eiga bara eftir að æsast í síðustu tveimur umferðum sem eftir eru.

Jóhann Sigurðsson, lið 36, var bestur einstaklinga á 53 púttum einu pútti á undan mörgum öðrum.

Eins og staðan er núna heldur lið nr. 1 forystunni og Jón Karlsson er efstur einstaklinga.

Verðlaun

Eins og áður segir eru aðeins tvær umferðir eftir og er ég þessa dagana að keppast við að fylla verðlaunalistann og gengur þokkalega. Ég stefni á, eins og áður, að vera með verðlaun fyrir fyrstu 6 til 8 sætin í hvorum flokki fyrir sig. Þeir sem ekki ná verðlaunasæti verða bara að mæta á lokakvöldið því ég verð með 20 til 30 þokkalegan glaðning fyrir þá sem dregnir verða út. Dregið verður úr nöfnum þátttakenda sem verða á staðnum og eru ekki í verðlaunasætum. ATH! Bara svo því sé haldið til haga að við verðlaunaafhendingu liða geri ég bara ráð fyrir fjórum í hverju liði.

Nú þegar hafa tveir þátttakendur fært mér verðlaun fyrir lokakvöldið og ef einhverjir fleiri eru í slíkri aðstöðu væri það vel þegið. Þá fá bara fleiri einhvern glaðning. Ég er ekki að tala um að fá neitt endilega frítt en góður afsláttur væri vel þeginn. J

Lokaumferðin verður spiluð föstudaginn 13. mars

Látið mig endilega vita ef fyrirsjáanlegt er að þið komist ekki í lokapartýið um kvöldið . Það fækkar nöfnunum sem dregin eru út. Það er hundleiðinlegt að draga endalaust upp nöfn sem ekki eru á staðnum. Endilega hafið þetta í huga.

Það eru enn smá agnúar í Excel-skjalinu sem þarf að laga en hefur ekki áhrif á stöðu efstu manna og liða. Þetta á bara við þá sem hafa lítið mætt sýnist mér.

Þrátt fyrir allt er ég bara tiltölulega kátur.

Meðfylgjandi er staða liða og einstaklinga eftir 6. umferð.

Ecco púttmótaröð karla 2026

Bestu kveðjur,
Halldór B. Kristjánsson
898 3795
leturval@litrof.is

The post ECCO-púttmótaröðin 2026 – Staðan eftir 6. umferð appeared first on GR Golf .

Dagbjartur hafnaði í 16. sæti á Spáni

Tue, 24 Feb 2026 12:22:00 GMT

Dagbjartur Sigurbrandsson einn af atvinnukylfingum okkar hefur lokið keppni á öðru móti ársins á Nordic Golf League mótaröðinni á Spáni.

Dagbjartur lenti í 8. sæti í fyrra mótinu á Empordá golfsvæðinu og fylgdi því á eftir með því að lenda í 16. sæti í seinna mótinu í dag. Hann lék hringina þrjá á 69-69-71 höggum og var í heildina á sex höggum undir pari.

Úrslit mótsins

Nú hefur Dagbjartur færst sig um set og munu taka þátt í þremur mótum á Infinitum golfsvæðinu í Tarragona. Fyrsta mótið í seríunni hófst í gær og hægt er að fylgjast með Dagbjarti og öðrum íslenskum kylfingum í mótinu með því að smella á hlekkinn hér fyrir neðan.

Upplýsingar um mótið

The post Dagbjartur hafnaði í 16. sæti á Spáni appeared first on GR Golf .

Nýtt skipurit og ráðning forstöðumanns vallarsviðs GR

Mon, 23 Feb 2026 11:28:00 GMT

GR hefur innleitt nýtt skipurit, þar sem starfsemi klúbbsins er deilt niður á sex svið (sjá á myndinni hér fyrir neðan). Tilgangur með innleiðingu skipuritsins er að bregðast við umfangsmeiri rekstri, skerpa á ábyrgð hvers sviðs og auka skilvirkni. Yfir hverju sviði er forstöðumaður, sem ber ábyrgð á því, undir framkvæmdastjóra.

Samhliða þessari breytingu hefur GR ráðið nýjan starfsmann í stöðu forstöðumanns vallarsviðs, Styrmi Guðmundsson.

Styrmir er fæddur 1975, er með menntun í markaðhagfræði frá Copenhagen Business School í Danmörku og viðskiptafræðingur frá Háskóla Íslands. Áður en hann hóf viðskiptafræðinámið lærði hann golfvallarumsjón (National Certificate in Greenkeeping) við Elmwood College í Skotlandi, líkt og margir vallarstjórar hér á landi. Síðastliðin 20 ár hefur hann starfað hjá fyrirtækjum í fjármálageiranum. Áður vann hann sem vallarstarfsmaður hjá Nesklúbbnum og Golfklúbbi Sandgerðis. Á síðasta ári starfaði hann hjá Ferndown Golf Club á Englandi, þar sem hann var meðlimur, en Styrmir er reyndur og góður kylfingur. Hann er með mjög mikla rekstrar- og stjórnunarreynslu, þekkingu á umhirðu og rekstri golfvalla ásamt alhliða þekkingu á íþróttinni.

Ráðning Styrmis sem forstöðumanns vallarsviðs GR er hrein viðbót við starfsliðið sem sinnir golfsvæðum GR. Rekstur GR hefur vaxið verulega á undanförnum árum. Samhliða hefur klúbburinn staðið í umfangsmiklum framkvæmdum og innviðafjárfestingum. Verkefnin hafa orðið fleiri og umfangsmeiri og er sinnt allt árið um kring. Vallarsviðið er umfangsmikið, þegar horft er til rekstrartalna, fjölda starfsmanna, framkvæmda og fjárfestinga. Að þessu öllu athuguðu var það mat stjórnar að tímabært væri að ráða inn nýjan stjórnanda yfir þessu sviði.

Við væntum mikils af Styrmi og bjóðum hann velkominn til starfa fyrir GR.

Stjórn GR

The post Nýtt skipurit og ráðning forstöðumanns vallarsviðs GR appeared first on GR Golf .

ECCO-púttmótaröðin 2026 – Staðan eftir 5. umferð

Sat, 21 Feb 2026 12:22:00 GMT

Arnar Ottesen, í liði 30, stal heldur betur senunni er hann kom inná 48 púttum sem er fáheyrt sem gerði það að verkum að lið 30 lék best liða, 104 pútt. Við erum að tala um 24 holur af 36 á einu pútti. Það er ekki oft sem leikið er undir 50 púttum þó svo það hafi gerst nokkrum sinnum og er þá í fersku minni er Hannes Eyvindsson lék á 46 púttum og kom sínu liði undir 100 púttum sem ekki hefur aldrei gerst áður.

En nú er komið að tímamótum því í næstu umferð losna lið og einstaklingar við sinn versta hring og hjá sumum liðum getur það breytt stöðunni töluvert. Þannig að nú fer þetta að vera spennandi.

Það eru enn smá agnúar í Excel-skjalinu sem þarf að laga en hefur ekki áhrif á stöðu efstu manna og liða. Þetta á bara við þá sem hafa lítið mætt sýnist mér.

Þrátt fyrir allt er ég bara tiltölulega kátur.

Meðfylgjandi er staða liða og einstaklinga eftir 5. umferð.

Ecco púttmótaröð karla 2026

Bestu kveðjur,
Halldór B. Kristjánsson
898 3795
leturval@litrof.is

The post ECCO-púttmótaröðin 2026 – Staðan eftir 5. umferð appeared first on GR Golf .

Dagbjartur endaði í 8. sæti í fyrsta móti ársins á Nordic Golf League

Tue, 17 Feb 2026 09:09:00 GMT

Dagbjartur Sigurbrandsson hafnaði í 8. sæti á GolfStar Winter Series Dunes mótinu sem fór fram á Empordá golfsvæðinu á Spáni. Mótið er fyrsta mót ársins á Nordic Golf League atvinnumannamótaröðinni, sem er í þriðja efsta styrkleikaflokki mótaraða í Evrópu í karlaflokki.

Íslandsmeistarinn lék hringina þrjá á 69-68-69 höggum og var í heildina á átta höggum undir pari.

Keppt var á tveimur völlum, Forest og Dunes. Keppendur léku á báðum völlunum fyrstu tvo dagana og léku Dunes völlinn á lokahringnum. Næsta mót hjá Dagbjarti hefst á morgun en mótið fer einnig fram á Empordá golfsvæðinu.

Úrslit mótsins

The post Dagbjartur endaði í 8. sæti í fyrsta móti ársins á Nordic Golf League appeared first on GR Golf .

Meistaramót GR 2026 – dagsetningar!

Mon, 16 Feb 2026 16:20:00 GMT

Meistaramótið – þetta orð kveikir strax gleði. Enda er þetta fyrir marga skemmtilegasta vika ársins! Golf, gleði, félagsskapur og mögulega dass af keppnisskapi.

Vikan þar sem Grafarholtið og Korpan breytast í sannkallaðan leikvöll þar sem allar kynslóðir mæta með bros á vör og kylfur í hönd.

Meistaramót Golfklúbbs Reykjavíkur 2026 fer fram dagana 5 .–11. júlí , svo það er um að gera að setja dagsetninguna strax í dagatalið.

Nánari upplýsingar verða birtar þegar nær dregur. Einnig er hægt að fylgjast með á heimasíðunni okkar undir Golf – Meistaramót eða á slóðinni: Meistaramót – GR Golf .

The post Meistaramót GR 2026 – dagsetningar! appeared first on GR Golf .

Spilaði undir aldri í fyrsta sinn – draumamóment í Sandgerði

Fri, 13 Feb 2026 15:20:00 GMT

Vetrargolfið hefur verið iðkað af krafti hjá nokkrum vaskum félögum sem hafa nýtt hvert tækifæri þegar veður leyfir. Yfir vetrartímann hafa þeir helst spilað í Þorlákshöfn eða á völlum sem bjóða upp á sumarflatir og fulla lengd – og Sandgerði reyndist engin undantekning.

Dagurinn var, að eigin sögn, yndislegur með frábærum félögum.

Og árið endaði ekki síður vel. Þann 30. desember spiluðu þeir félagar ásamt Karli Vídalín Grétarssyni í Þorlákshöfn. Þar fór Einar Long holu í höggi og lék hringinn á 68 höggum (-4), aðeins einu höggi frá því að leika aftur á aldri.

Golfárið endaði því með glæsibrag – í góðum félagsskap GR-vina og með eftirminnilegum afrekum á vellinum.

The post Spilaði undir aldri í fyrsta sinn – draumamóment í Sandgerði appeared first on GR Golf .

ECCO-púttmótaröðin 2026 – Staðan eftir 4. umferð

Fri, 13 Feb 2026 11:06:00 GMT

Ég viðurkenni að völlurinn var erfiður og fékk alveg að heyra frá sumum keppendum en svo voru aðrir sem tóku ekkert eftir því samanber Hjalti Einarsson úr liði 42 er lék á 54 púttum sem var besta skor dagsins og svo komu margir aðrir á góðu skori en almennt var skorið hærra en oft áður.

Lið nr. 1 heldur sínu striki og er með afgerandi forystu og Jón Karlsson, úr sama liði, hefur spilað best allra enn sem komið er.

En þá er það stóra búningamálið! Umsjónarmaður óð í villu og svima í síðasta pistli sem berlega hefur komið í ljós. Pistillinn var varla kominn í loftið er umsjónarmaður fékk meðfylgjandi mynd senda án orða af liði 41 í þessum flottu treyjum og svo hefur það komið í ljós að hópurinn sem skipar liðin 26, 36 og 42 hefur einnig sinn fína liðsbúning. Það hefur sem sagt komið í ljós að áðurnefndur umsjónarmaður veit ekki neitt og biðst innilega afsökunar á þessu rugli sínu og lætur hér með lokið allri umræðu um búningamál.

Excel-skjalið sem hér fylgir með er komið úr viðgerð og vona ég að sú viðgerð sé varanleg.

Þrátt fyrir allt er ég bara tiltölulega kátur.

Meðfylgjandi er staða liða og einstaklinga eftir 4. umferð.

Ecco púttmótaröð karla 2026

Bestu kveðjur,
Halldór B. Kristjánsson
898 3795
leturval@litrof.is

The post ECCO-púttmótaröðin 2026 – Staðan eftir 4. umferð appeared first on GR Golf .

BINGÓ á morgun, fimmtudaginn 12. febrúar!

Wed, 11 Feb 2026 09:12:00 GMT

Þá er komið að öðru Bingó-i eldri kylfinga árið 2026 sem verður haldið, á morgun, fimmtudaginn 12. febrúar.

Bingó er liður í vetrarstarfi eldri kylfinga klúbbsins, 65 ára og eldri og hefst það stundvíslega kl. 10:00 í veitingasal Korpu. ATH! Fyrsta bingóspjaldið kostar 1000 kr. hvert spjald umfram það kostar 500 kr.

Í hléi er boðið er uppá kaffi, kleinur og gos.

Bingóspjaldið kostar kr. 500 og er tekið við greiðslum bæði með pening og korti. Almennt er vel mætt á þennan mánaðarlega viðburð eldri kylfinga og eru flottir vinningar í boði.

Við hvetjum þá félagsmenn, sem hafa náð 65 ára aldri, til að mæta og taka þátt í bingóviðburðum fram á vorið.

Golfklúbbur Reykjavíkur

The post BINGÓ á morgun, fimmtudaginn 12. febrúar! appeared first on GR Golf .

Frábær GR kvennaferð til Valle del Este – GOLFSKÓLI Í BOÐI

Mon, 09 Feb 2026 10:44:00 GMT

GR konur fara til Valle de Este 25. September með Icelandair Vita og PS Travel

Í boði er 7 daga og 11 daga ferð.
Verð fyrir 7 nætur frá 306.900 og 11 nætur 389,500 kr. Staðfestingargjald er 40.000 kr á mann
Allt innifalið nema drykkir – íslensk farastjórn

Hægt að greiða með Vildarpunktum og gjafabréfum hjá Icelandair.

Við viljum sérstaklega vekja athygli á að í ferðinni býðst einstakt tækifæri til að taka þátt í golfskóla með Sigurpáli Geir Sveinssyni, sem jafnframt er fararstjóri ferðarinnar.

Hvað felst í golfskólanum?

6 dagar af kennslu
2–3 klst. á dag á morgnana – frábær byrjun á deginum, svo er hægt að halda út á völl eftir hádegi.
Sérhæfð kennsla með áherslu á tækni, nálgun, spilskipulag og sjálfstraust

Golfskólinn kostar aukalega 45.000 kr á mann

Golfskólinn hentar bæði byrjendum og reynslumeiri kylfingum sem vilja efla grunninn sinn. Það hafa allir gott af kennslu annarslagið.

Til að bóka sig í ferðina setja inn hlekkinn

https://www.icelandair.com/is-is/flug/hopabokun/stadfesta-og-greida/

Þá kemur upp síða þar sem beðið er um hópanúmer, notið: 1791

Til að bóka golfskólann þarf að hafa samband við Golfdeild VITA:
golf@vita.is
570‑4457

The post Frábær GR kvennaferð til Valle del Este – GOLFSKÓLI Í BOÐI appeared first on GR Golf .

Okkar maður Haraldur Franklín endaði í 39. sæti á Circa Open

Mon, 09 Feb 2026 10:12:00 GMT

Haraldur Franklín Magnús, atvinnukylfingur úr Golfklúbbi Reykjvíkur endaði jafn í 39. sæti CIRCA Cape Town Open mótsins í Suður-Afríku. Mótið var annað mót tímabilsins á HotelPlanner Tour mótaröðinni, sem er sú næst sterkasta í Evrópu.

Haraldur Franklín byrjaði mótið af krafti og var á meðal átta efstu eftir fyrstu tvo hringina. Hann lék þá báða á fjórum höggum undir pari. Þriðja hringinn lék Haraldur á pari vallarins og hélt sér í toppbaráttunni.

Síðasti hringur mótsins reyndist erfiður, en Haraldur kom í hús á 75 höggum, þremur yfir pari og endaði mótið jafn í 39. sætinu.

Þetta var annað mót Haralds í Suður-Afríku af fjórum, en næsta verkefni verður NTT Data Pro-Am, sem hefst á fimmtudaginn.

Við höldum áfram að senda Haraldi Franklín okkar allra bestu strauma og fylgjumst spennt með honum.

The post Okkar maður Haraldur Franklín endaði í 39. sæti á Circa Open appeared first on GR Golf .

BINGÓ BINGÓ BINGÓ – næsta BINGÓ verður fimmtudaginn 12. febrúar!

Fri, 06 Feb 2026 12:39:00 GMT

Þá er komið að öðru Bingó-i eldri kylfinga árið 2026 sem verður haldið fimmtudaginn 12. febrúar.

Bingó er liður í vetrarstarfi eldri kylfinga klúbbsins, 65 ára og eldri og byrja margir daginn á því að pútta saman á efri hæð Korpunnar áður en bingó hefst í veitingasal kl. 10:00. ATH! Fyrsta bingóspjaldið kostar 1000 kr. hvert spjald umfram það kostar 500 kr.

Nú eru bingódagarnir á fimmtudögum.

Í hléi er boðið er uppá kaffi, kleinur og gos.

Bingódagar 2026 verður haldið þessa daga:

12. febrúar 2026
12. mars 2026

Bingóspjaldið kostar kr. 500 og er tekið við greiðslum bæði með pening og korti.

Almennt er vel mætt á þennan mánaðarlega viðburð eldri kylfinga og eru flottir vinningar í boði. Við hvetjum þá félagsmenn, sem hafa náð 65 ára aldri, til að mæta og taka þátt í bingóviðburðum fram á vorið.

Golfklúbbur Reykjavíkur

The post BINGÓ BINGÓ BINGÓ – næsta BINGÓ verður fimmtudaginn 12. febrúar! appeared first on GR Golf .

ECCO-púttmótaröðin 2026 – Staðan eftir 3. umferð

Fri, 06 Feb 2026 10:20:00 GMT

Lið nr. 1 gefur ekkert eftir, það er ekki spurning, er nú með 5 pútta forystu eftir þrjár umferðir og Nonni Karls úr sama liði er efstur einstaklinga um þessar mundir en þetta er nú rétt að byrja eins og við vitum. Það sem meira er að lið eitt er eina liðið sem skartar liðsbúningum, ekki bara einum heldur þremur og nýjustu fregnir herma, óstaðfest þó, að liðið komi til að skarta fjórða búningnum innan tíðar.

Þrjú lið léku betur en önnur og komu inná 108 púttum sem er þrusugott þar sem sumir vildu meina að völlurinn væri í erfiðari kantinum, en hvenær er völlur erfiður og hvenær ekki?

Excel-skjalið sem hér fylgir með er ekki alveg fullkomið, sem hefur þó ekki áhrif á stöðu efstu manna og liða en unnið er að viðgerð.

Annars bara tiltölulega kátur.

Meðfylgjandi er staða liða og einstaklinga eftir 3. umferð

Ecco púttmótaröð karla 2026

Bestu kveðjur,

Halldór B. Kristjánsson

898 3795

leturval@litrof.is

The post ECCO-púttmótaröðin 2026 – Staðan eftir 3. umferð appeared first on GR Golf .

Haraldur Franklín bjartsýnn fyrir móti vikunnar – hefur leik í dag!

Thu, 05 Feb 2026 09:44:00 GMT

Haraldur Franklín Magnús, einn af okkar fremstu atvinnukylfingum, hefur leik á CIRCA Cape Town Open mótinu í Suður-Afríku á morgun. Mótið er annað mót tímabilsins á HotelPlanner Tour mótaröðinni, sem er sú næst sterkasta í Evrópu.

Leikið verður á Royal Cape Golf Club í Höfðaborg, sem er höfuðborg Suður-Afríku. Völlurinn er par 72 og 6.121m langur. Í viðtali fyrir mótið sagðist Haraldur spenntur fyrir því að spila völlinn, þar sem aðstæður hentuðu honum vel. Hitinn er töluvert lægri en í mótinu sem fór fram í síðustu viku og vindurinn meiri.

Haraldur hefur leik kl. 07:10 að staðartíma og er í holli með Spánverjanum Victor Pastor og hinum ítalska Lorenzo Scalise. Þetta er annað mótið í fjögurra móta törn Haralds í Suður-Afríku.

Áfram Haraldur Franklín – áfram GR!

The post Haraldur Franklín bjartsýnn fyrir móti vikunnar – hefur leik í dag! appeared first on GR Golf .

ECCO-púttmótaröð karla 2026 – Staðan eftir 2. umferð

Fri, 30 Jan 2026 10:24:00 GMT

Eins og menn muna var lið nr. 1 best í fyrstu umferð en nú í þeirri annarri var liðið á hinum endanum, lið nr. 50 á besta skorinu, 109 pútt og Steinþór Jónasson í því liði lék best allra á 53 púttum, einpúttar 19 holur af 36 – frábært. Þrír leikmenn komu svo inná 54 púttum sem verður einnig að teljast nokkuð gott.

Annars gekk þetta bara nokkuð fljótt og vel fyrir sig og var umsjónarmaður kominn heim til sín kl. 21 sem er nýtt met. 

Þeir sem hafa mætt en ekki enn greitt þátttökugjaldið vinsamlegast gerið það fyrir næstu umferð svo hægt sé að loka bókhaldinu. Hægt er að leggja inná: 528-26 3371, kt. 030150-7919.

Enn og aftur! Í liðakeppninni telja fjórir eins og menn vita. Þau lið sem skipa 5 eða fleiri leikmönnum, og allir mæta til leiks, er skylda að láta umsjónarmann vita hverjir 4 leikmenn telja í það og það skiptið sem lið áður en leikur hefst. Eru menn ekki örugglega að skilja þetta? Ef ekki hafa samband við umsjónarmann. Allir eru að sjálfsögðu með í einstaklingskeppninni.

Annars bara kátur.

Meðfylgjandi er staða liða og einstaklinga eftir 2. umferð.
Ecco púttmótaröð karla 2026

Bestu kveðjur,
Halldór B. Kristjánsson
898 3795
leturval@litrof.is

The post ECCO-púttmótaröð karla 2026 – Staðan eftir 2. umferð appeared first on GR Golf .

Haraldur Franklín hefur leik í fyrsta móti tímabilsins á HotelPlanner Tour

Thu, 29 Jan 2026 10:09:00 GMT

Íslenski atvinnukylfingurinn Haraldur Franklín Magnús hefur leik á SDC Open í Suður-Afríku á morgun. Mótið er fyrsta mót tímabilsins á HotelPlanner Tour mótaröðinni, sem er sú næst sterkasta í Evrópu.

SDC Open mótið er leikið á Zebula Golf Estate & Spa golfvellinum á Limpopo. Völlurinn er gífurlega fallegur en Haraldur sagði hann erfiðan í viðtali fyrir mótið. Mikill hiti er á svæðinu, en spáin reiknar með 30 stiga hita á morgun.

Haraldur hefur leik kl. 07:20 að staðartíma og er í holli með heimamanninum Jaco Ahlers og hinum hollenska Dan Huizing. Þetta er fyrsta mótið í fjögurra móta törn í Suður-Afríku hjá Haraldi, en lesa má betur um tímabilið hans í viðtali hér að neðan.

Hægt er að fylgjast með skori mótsins hér.

Hver eru markmið þín fyrir tímabilið?

The post Haraldur Franklín hefur leik í fyrsta móti tímabilsins á HotelPlanner Tour appeared first on GR Golf .

Framtíðarsýn og uppbygging barna-, unglinga- og afreksstarfs GR

Wed, 28 Jan 2026 12:56:00 GMT

Kæru GR-ingar,

Að undanförnu hefur verið unnið að breytingum á barna-, unglinga- og afreksstarfi klúbbsins. Rétt er því að staldra aðeins við, horfa yfir farinn veg og um leið upplýsa ykkur um þá framvindu sem átt hefur sér stað í starfinu.

Síðastliðið haust var Páll Birkir Reynisson ráðinn í nýtt starf rekstrarstjóra íþróttasviðs klúbbsins. Staðan á barna-, unglinga- og afreksstarfinu var metin og ákveðið að ráðast í umbætur á nokkrum sviðum.

Markmiðið er einfalt: að byggja upp barna-, unglinga- og afreksstarf í hæsta gæðaflokki og skapa heilbrigðan samastað fyrir öll börn og ungmenni í starfinu, óháð aldri og getu.
Ný hópaskipting
Út frá þessari sýn var ákveðið að endurskipuleggja hópaskiptingu starfsins og skilgreina hvern hóp upp á nýtt. Áður var starfið skipt í almennt starf, keppnishópa og meistaraflokk. Nú er skiptingin eftirfarandi:

Korpu-hópar (áður almenna starfið)
Allir kylfingar hefja sinn feril í Korpu-hópum. Þar læra börn og unglingar grunnatriði og grunngildi golfsins, ásamt þeim færniþáttum sem þarf til að stíga sín fyrstu skref í íþróttinni og komast út á golfvöll.

Grafarholts-hópar (nýr hópur)
Grafarholts-hópur er millistigshópur sem brúar bilið á milli Korpu-hópa og keppnishópa. Ef þjálfarateymið sér mikinn áhuga, vilja og keppnisanda hjá iðkanda getur hann fengið boð í Grafarholts-hóp. Sá hópur er ætlaður kylfingum sem sýna metnað og eru að stíga sín fyrstu skref í keppnisgolfi.

Keppnishópar
Keppnishópar eru ætlaðir þeim iðkendum sem eru komnir lengst í barna- og unglingastarfinu og hafa sýnt mikinn metnað. Þar er æfingaálag meira og gert er ráð fyrir virkri þátttöku í keppnisgolfi, bæði hérlendis og erlendis.

Meistaraflokkur
Meistaraflokkur GR samanstendur af bestu kylfingum klúbbins. Þar eru kylfingar sem eru á meðal bestu kylfinga landsins, þar með talið atvinnumenn GR.

*Taka skal skýrt fram að það er alltaf þjálfarateymi GR sem metur í hvaða hópi iðkandi skuli æfa, þar með talið tilfærslur milli flokka.

Með þessari hópaskiptingu er tryggt að hver iðkandi æfi með réttum hópi út frá getu, aldri og áhuga. Korpu-hópar taka við kylfingum á aldrinum 6–18 ára, en Grafarholts- og Keppnishópar geta tekið við kylfingum allt frá 11–12 ára aldri.

Eins og gengur tekur tíma fyrir slíkar breytingar að festast í sessi og fyrir hópaskiptinguna að endurspegla að fullu hlutverk hvers hóps. Engu að síður skapar þessi uppsetning betri forsendur fyrir þjálfara til að gefa hverjum og einum iðkanda meiri tíma, sem mun skila sér í aukinni ánægju og betri árangri með tímanum.

Ráðgjöf og þróun starfsins

Í lok síðasta árs var Jussi Pitkänen fenginn til liðs við klúbbinn sem ráðgjafi í þeirri uppbyggingu sem nú er í gangi í barna-, unglinga- og afreksstarfinu til næstu tveggja ára. Jussi er menntaður PGA-golfkennari og býr yfir áratuga reynslu af þjálfun og stjórnun afreksstarfs í golfi, bæði hérlendis og á alþjóðavettvangi.

Jussi er mörgum Íslendingum að góðu kunnur eftir störf sín sem afreksstjóri Golfsambands Íslands á árunum 2016–2018 og síðar sem landsliðsþjálfari hjá finnska golfsambandinu. Þá hefur hann einnig starfað fyrir bresku PGA-samtökin og Dave Pelz Golf Academy á Írlandi. Við teljum að sú víðtæka reynsla og sérþekking sem hann býr yfir muni nýtast GR afar vel og eru skipulagsbreytingar sem hér hefur verið gerð grein fyrir unnar í samráði við hann.

Jussi er búsettur á Spáni og verður það áfram. Hér er um ráðgjöf að ræða en ekki ráðningu í starf. Hlutverk hans hjá GR felur meðal annars í sér að koma að skipulagningu starfsins, móta íþrótta- og afreksstefnu, styðja við þjálfara og leikmenn, auk heimsókna til landsins. Markmiðið er að lyfta íþrótta- og afreksstarfi klúbbsins á næsta stig og þannig að það standist samanburð við það sem best gerist erlendis.

Þjálfarateymi og nýjungar

Samstarfið við Jussi hefur gengið vel. Meðal þess sem hann hefur komið með inn í starfið eru námskeið og fræðsla fyrir þjálfarateymi klúbbsins. Nú þegar hefur allt teymið tekið þátt í fyrirlestrum í gegnum fjarfundabúnað með David Silva og Kevin Kirk .

David Silva er tækniþjálfari finnska landsliðsins og hefur komið að þjálfun fjölda kylfinga frá Finnlandi og Eistlandi sem síðar hafa náð inn á DP World Tour. Kevin Kirk var valinn PGA of America Coach of the Year árið 2019 og er sérfræðingur í Long Term Athlete Development . Hann hefur einnig verið þjálfari Patrick Reed um árabil. Fleiri fyrirlestrar eru fyrirhugaðir á næstunni undir handleiðslu Jussi.

Varðandi þjálfaramál hafa einnig orðið breytingar. Í barna- og unglingastarfinu starfa nú David Barnwell, Hákon Örn, Páll Birkir, Þóra Sigríður, Elvar Már og Sara Ágústa . Berglind Björnsdóttir er einnig í teyminu en hún er í fæðingarorlofi sem stendur.

Í byrjun árs bættist Snorri Páll einnig í þjálfarateymi keppnishópanna. Það er mikill styrkur fyrir unglingana, enda er Snorri einn færasti þjálfari landsins og mun hjálpa verulega til við tæknilega þætti í golfleik okkar bestu unglinga.

Einnig var í byrjun árs ráðinn nýr þjálfari fyrir meistaraflokka klúbbsins. Atvinnukylfingurinn Guðmundur Ágúst Kristjánsson hefur tekið sér hlé frá keppnisgolfi og snúið sér að þjálfun. Með ráðningu Gumma fáum við inn þjálfara með ferska sýn og mikla reynslu. Hann hefur meðal annars keppt á Evrópumótaröðinni (DP World Tour) og þekkir því vel hvaða þætti þarf að hafa til að ná langt í golfi. Gummi kemur með nýjan vinkil inn í meistaraflokkinn, t.d. hvað varðar skipulag æfinga, leikskipulag úti á velli og áfram má telja. Hann veit af reynslu hvað þarf til að ná hámarks árangri. Spennandi tímar fram undan þar.

Fleiri breytingar og næstu skref

Vert er einnig að nefna að allir keppnishópar hafa í vetur verið í styrktarþjálfun einu sinni í viku í CrossFit Reykjavík. Þjálfari er Alexander Pétur , menntaður sjúkraþjálfari, keppnismaður í lyftingum og fyrrverandi kylfingur. Æfingarnar hafa farið vel af stað og almenn ánægja ríkir meðal kylfinga.

Keppnishópum hefur jafnframt verið skipt upp í nýja aldursflokka. Þar sem áður var skipting í U14 og 15–18 ára, er nú skipt í U14, U16 og U18 , í samræmi við það sem tíðkast í mótum hérlendis og erlendis.

Keppnishópar U16 og U18 hafa einnig hafið einkatíma hjá Snorra Páli. Þetta mun hjálpa kylfingunum að ná betri tökum á sinni tækni og gera æfingar utan skipulagðra æfinga markvissari.

Eins og sjá má hefur mikil vinna verið lögð í starfið síðustu mánuði og eiga þjálfarateymi, skrifstofa, Jussi og aðrir sem að starfinu koma mikið hrós skilið. Við erum þó hvergi nærri hætt, enda stefnan sett hátt og um að ræða vinnu til langs tíma.

Á komandi mánuðum verður aukin notkun tölfræði tekin upp hjá okkar bestu unglingum og í meistaraflokki. Tölfræði er mikilvæg til að greina golfleikinn betur og kafa dýpra í frammistöðu. Unnið er að afreksstefnu sem kynnt verður á næstu mánuðum, þar sem starfið verður útskýrt á faglegan hátt og framtíðarsýn klúbbsins í barna-, unglinga- og afreksstarfi sett skýrt fram. Þar verður meðal annars fjallað um stefnu varðandi háskólagolf og hvernig við undirbúum leikmenn sem best fyrir það skref.

Mikil uppbygging er í gangi og mikilvægt er að hafa í huga að slíkt ferli tekur tíma. Þjálfarar, starfsmenn og stjórn klúbbsins eru öll á sama báti með það markmið að byggja upp besta barna- og unglingastarf sem hægt er. Við erum að fara inn í nokkurra ára uppbyggingu sem verður spennandi að fylgjast með.

Við hugsum sérstaklega að grasrótinni og að búa til umhverfi fyrir krakka og unglinga til að kynnast íþróttinni og taka ástfóstri við hana. Góð tómstund gefur lífinu gildi, ekki eingöngu fyrir afrekskylfinga, heldur einnig hinn almenna kylfing á öllum aldri. Við viljum hlúa að þessu umhverfi þannig að hver og einni geti iðkað íþróttina við sitt hæfi, á sínum forsendum.

Boðað verður til kynningarfundar á næstunni þar sem farið verður nánar yfir starfið, mótaskrá sumarsins, innanfélagsmótaröðina, æfingar sumarsins og fleira.

The post Framtíðarsýn og uppbygging barna-, unglinga- og afreksstarfs GR appeared first on GR Golf .

Vantar þig kvittun fyrir félagsgjaldinu?

Mon, 26 Jan 2026 11:22:00 GMT

Ef þú þarft kvittun fyrir félagsgjaldi hjá Golfklúbbi Reykjavíkur, þá geturðu auðveldlega sótt hana í XPS félagakerfi GR.

Svona sækirðu kvittun:

Farðu á XPS og skráðu þig inn með rafrænum skilríkjum.
Veldu Golfklúbbur Reykjavíkur.
Smelltu á nafnið þitt efst í hægra horni, veldu „ Skráningar “.

Þar birtast þínar hreyfingar og sú nýjasta efst, veldu „ kvittun “.
Hægri smelltu á kvittunina og veldu að prenta hana út á pappír eða prenta hana sem PDF skjal og vista í tölvunni hjá þér.

ATH! Eingöngu er hægt að nálgast kvittun þegar félagsgjöld eru fullgreidd.

Ef þú þarft aðstoð, hafðu samband við skrifstofu GR á gr@grgolf.is

The post Vantar þig kvittun fyrir félagsgjaldinu? appeared first on GR Golf .

ECCO-púttmótaröð karla 2026 – Staðan eftir 1. umferð

Fri, 23 Jan 2026 19:13:00 GMT

Þá er ECCO-púttmótaröðin hafin enn eitt árið og þátttakan samkvæmt venju góð.

Lið nr. 1 ætlar sér greinilega að vinna þetta einn ganginn enn og kom inná besta skori liða 108 pútt og að sem meira er að besta skor einstaklinga átti hinn geðþekki Jón Karlsson úr liði 1 og notaði aðeins 54 pútt.

Útfylling skorkorta var nokkuð góð svona heilt yfir en regla nr. 1 er að merkja nr. liðs á skorkortið og nöfn leikmanna eða skammstöfun skýrum stöfum.

Já, vel á minnst, einhver gleymdi gleraugunum sínum!

ATH! Í liðakeppninni telja fjórir eins og menn vita. Þau lið sem skipa 5 eða fleiri leikmönnum, og allir mæta til leiks, er skylda að láta umsjónarmann vita hverjir 4 leikmenn telja í það og það skiptið sem lið áður en leikur hefst . Eru menn ekki örugglega að skilja þetta? Ef ekki hafa samband við umsjónarmann. Allir eru að sjálfsögðu með í einstaklingskeppninni.

Stefnan er sú að úrslit eftir hverja umferð birtist á grgolf.is morguninn eftir hverja umferð nema núna þar sem upp komu allskyns nafnabreytingar og fleira sem tafði þetta aðeins.

Annars bara kátur.

Meðfylgjandi er staða liða og einstaklinga eftir 1. umferð.

Ecco púttmótaröð karla 2026

Bestu kveðjur,

Halldór B. Kristjánsson

898 3795

leturval@litrof.is

The post ECCO-púttmótaröð karla 2026 – Staðan eftir 1. umferð appeared first on GR Golf .

Breyting á aðkomu framan við klúbbhús GR á Korpu

Fri, 23 Jan 2026 11:32:00 GMT

Framkvæmdir eru hafnar við breytingu og stækkun á aðkomusvæði framan við klúbbhús GR á Korpúlfsstöðum. Með framkvæmdunum stækkar aðkomusvæðið um u.þ.b. 270 fermetra.

Á hinu nýja svæði verður m.a. ný þrifaðstaða fyrir búnað og skó og stæði fyrir golfbíla. Svæðið að öðru leyti verður endurbætt og gert rúmbetra. Nýtt svæði verður allt hellulagt og áhersla lögð á snyrtilega og vandaða umgjörð sem fellur vel að umhverfi klúbbhússins.

Áætlað er að framkvæmdum ljúki fyrir vorið. Að venju munum við halda félagsmönnum upplýstum um framgang verksins og leyfa ykkur að fylgjast með stöðu framkvæmda.

The post Breyting á aðkomu framan við klúbbhús GR á Korpu appeared first on GR Golf .

Ecco púttmótaröð GR kvenna

Fri, 23 Jan 2026 09:31:00 GMT

177 konur púttuðu í 1. umferð Ecco púttmótaraðar GR kvenna. Það er eitthvað við það þegar púttið byrjar að þá finnst manni farið að stytta í vorið. Heilt yfir gekk þetta vel en það var einhver púki í Dóra þegar hann setti upp völlinn og margar konur sem fóru í vegginn á 15. braut. Minnum á að ef boltinn fer í vegginn að þá er það út fyrir vallarmörk „out of bounds“ og taka skal víti þar sem síðasta högg var slegið.

Meðalskorið í 1. umferð var 32,1 á betri hring. Við munum fylgjast með meðalskorinu og vonandi sjáum við það lækka í hverri viku. Ecco er aðal styrktaraðili púttmótaraðarinnar í ár og veitir vegleg verðlaun fyrir 1. sæti í einstaklingskeppni og fyrir vinningsliðið. Full ástæða til að koma að æfa sig til að eiga kost á þessum glæsilegu verðlaunum. Minnum á að Korpan er opin til 22 á kvöldin og um helgar svo það er hægt að fara og æfa sig milli umferða.

Besta skor 1. umferðar var 27 högg sem er glæsilegt en það voru Linda Bergsveinsdóttir og Ragnheiður Víkingsdóttir sem báðar náðu því.

35 lið eru skráð í liðakeppnina, sami fjöldi og í fyrra. Fjarkinn stóð sig vel, skorið þeirra í liðakeppninni var 86 högg. Næsta lið á eftur eru Freyjur með 88 högg.

Heildarúrslit 1. umferðar má finna á FB síðu GR kvenna.

Áhugasamar konur geta enþá komið og tekið þátt, 4 skipti af 6 gilda.

Tölvupóstur kvennanefndar grkvennanefnd@gmail.com

The post Ecco púttmótaröð GR kvenna appeared first on GR Golf .

ECCO púttmótaröð GR karla hefst á morgun!

Wed, 21 Jan 2026 12:31:00 GMT

Púttmótaröð GR-karla hefst á Korpu 22. janúar nk.

Ecco-Mótaröðin hefst fimmtudaginn 22. janúar og stendur yfir í 8 vikur. Mæting er frá 13:00 til 20:00. Lokakvöldið verður svo föstudagskvöldið 13. mars.

Skráning

Til að flýta fyrir skráningu væri gott að fá tölvupóst frá þeim sem ætla að vera með.

Hvort sem lið verða eins og í fyrra eða breytast eitthvað. Eins ef menn eru ekki komnir í lið þá er hugsanlega hægt að finna út úr því áður en leikur hefst osfrv.
Sem sagt, gott að fá þátttökutilkynningar og eins miklar upplýsingar eins og hægt er á netfangið leturval@litrof.is eða í síma 898 3795.

Fimm bestu umferðirnar af átta telja.

Mótið verður með sama sniði og undanfarin ár. Leiknir eru 2 hringir á hverju kvöldi, eða 36 holur.

* Einstaklingskeppnin
Keppt verður um púttmeistara klúbbsins og skilar hver leikmaður 36 holu skori hvert kvöld.

* Liðakeppnin
Nú telja allir í 4 manna liði. Þó er ekkert sem útilokar þriggja manna lið. Ef hins vegar eru fleiri en fjórir í liði þarf að tilkynna hver telur ekki í liðakeppninni áður en leikur hefst en allir eru að sjálfsögðu með í einstaklingskeppninni. Liðið skilar svo inn einu skori sem samanstendur af bestu fjórum 18 holu hringjunum af sex eða átta fer etir fjölda í hverju liði.

Mótsgjaldið er kr. 5000, sem leikmenn greiða fyrsta kvöldið eða leggja inná reikn: 528-26-3371, kt.: 030150-7919 .

Þetta verður annars allt með sama hætti og í fyrra; lítill bjór verður seldur á 500 kall en boðið verður uppá kaffi.

Ef eitthvað er óljóst þá er bara að hringja í 898 3795 eða senda tölvupóst á netfangið hér að neðan.

Svo höfum við bara gaman af þessu öllu saman.

Kveðja
Halldór B. Kristjánsson
leturval@litrof.is

The post ECCO púttmótaröð GR karla hefst á morgun! appeared first on GR Golf .

Félagsgjöld – ráðstöfun greiðslna!

Mon, 19 Jan 2026 15:11:00 GMT

The post Félagsgjöld – ráðstöfun greiðslna! appeared first on GR Golf .

Kvennaferð til Valle de Este í haust með Icelandair VITA

Fri, 16 Jan 2026 15:37:00 GMT

Við erum búnar að setja saman frábæra ferð fyrir GR konur í haust með Icelandair VITA – komdu með!

GR konur ætla til Valle de Este þann 25. september í samstarfi við Icelandair VITA / Peter Salmon Golf .
Ferðin er eingöngu í boði fyrir GR konur og er ekki í almennri sölu.

GR konur haustferð

Þá kemur upp síða þar sem beðið er um hópanúmer, notið: 1791

Aðeins þarf að greiða staðfestingargjald við bókun, hægt er að greiða með gjafabréfum hjá Icelandair og Vildarpunktum.

Tryggðu þér sæti sem fyrst – þetta verður frábær ferð!

The post Kvennaferð til Valle de Este í haust með Icelandair VITA appeared first on GR Golf .

ECCO-MÓTARÖÐIN 2026

Fri, 16 Jan 2026 09:24:00 GMT

Púttmótaröð GR-karla hefst á Korpu 22. janúar nk.

Ecco-Mótaröðin hefst fimmtudaginn 22. janúar og stendur yfir í 8 vikur. Mæting er frá 16:00 til 20:00. Lokakvöldið verður svo föstudagskvöldið 13. mars.

Skráning

Til að flýta fyrir skráningu væri gott að fá tölvupóst frá þeim sem ætla að vera með.

Fimm bestu umferðirnar af átta telja.

Mótið verður með sama sniði og undanfarin ár. Leiknir eru 2 hringir á hverju kvöldi, eða 36 holur.

* Einstaklingskeppnin
Keppt verður um púttmeistara klúbbsins og skilar hver leikmaður 36 holu skori hvert kvöld.

Mótsgjaldið er kr. 5000, sem leikmenn greiða fyrsta kvöldið eða leggja inná reikn: 528-26-3371, kt.: 030150-7919 .

Þetta verður annars allt með sama hætti og í fyrra; lítill bjór verður seldur á 500 kall en boðið verður uppá kaffi.

Ef eitthvað er óljóst þá er bara að hringja í 898 3795 eða senda tölvupóst á netfangið hér að neðan.

Svo höfum við bara gaman af þessu öllu saman.

Kveðja
Halldór B. Kristjánsson
leturval@litrof.is

The post ECCO-MÓTARÖÐIN 2026 appeared first on GR Golf .

Golfhermamót 70 ára og eldri

Thu, 15 Jan 2026 15:31:00 GMT

Nefnd eldri kylfinga hjá Golfklúbbi Reykjavíkur hefur sett að stað mótaröð sem leikin er í golfhermi á Nítjándu í Bíldshöfða. Mótið er fyrir kylfinga í GR sem eru 70 ára eða eldri. Þetta er fyrsta keppnin sem haldin er með þessum hætti hjá þessum hópi.

Að þessu sinni verður eingöngu hægt að leika á Nítjándu, sem er stórglæsilegur staður í sama húsnæði og Örninn golf var en þetta er sama hús og Heilsugæslan Höfða og Mathöllin Höfða eru í.

Í janúar er leikin heimavöllur, Grafarholtið.

Í þessu fyrsta móti fá kylfingar eina tilraun en í hinum þremur mótunum fá kylfingar að spreyta sig tvisvar og betra skorið gildir. Í febrúar er leikinn Leirdalsvöllur GKG, í mars Jaðarsvöllur á Akureyri og lokamótið verður í Hvaleyrinni.

Karlar og konur leika af rauðum teigum, nema á heimvellinum Grafarholti, þar leika karlar af gulum teigum.

Skráningargjald í mótið er 3.000 kr. og síðan er mjög hóflegt gjald fyrir keppendur í mótið.

Til þess að skrá sig í golfhermamót GR 70 ára og eldri er hægt að nota þennan hlekk:

https://forms.gle/Qe5cwz5MDFMe9e258

eða þennan QR kóða

Bestu kveðjur,

Nefndin.

The post Golfhermamót 70 ára og eldri appeared first on GR Golf .

Thorsvöllur – sléttun á tveimur brautum

Thu, 15 Jan 2026 12:17:00 GMT

Það var mikil gleði á Korpúlfsstöðum í gær þegar fyrsti vörubíll sturtaði hlassi af efni á 3. braut Thorsvallar.

Efnið sem enn er verið að keyra á svæðið á að nota til að slétta 3. brautina og 6. brautina.

Við biðjumst velvirðingar á því raski sem þessar framkvæmdir kunna að valda hjá golfurum sem nýta völlinn.

Við munum leyfa ykkur að fylgjast með gangi mála!

The post Thorsvöllur – sléttun á tveimur brautum appeared first on GR Golf .

Púttmótaröð GR kvenna 2026

Wed, 14 Jan 2026 13:41:00 GMT

Fyrsta púttmót GR kvenna verður þriðjudaginn 20. janúar

Leiknar verða 6 umferðir og telja 4 bestu umferðirnar .

Pútta má milli kl. 14:00–20:00
Viðvera kvennanefndar er frá kl. 17:00

Eins og í fyrra verður liðakeppni í boði – hún heppnaðist frábærlega og við höldum henni áfram! 3-4 konur saman í liði, allar þurfa að taka þátt í einstaklingskeppni líka.

Skráning í liðakeppni fer fram með tölvupósti á grkvennanefnd@gmail.com . Tölvupósturinn þarf að innihalda nöfn og kennitölur liðsfélaga ásamt nafni á liðinu

Skor frá 3 konum gildir hvert kvöld , svo ef ein kemst ekki þá er kvöldið ekki ónýtt.
Aðeins 4 bestu kvöldin af 6 gilda , svo þó liðið missi af kvöldi kemur það ekki að sök.
Enginn aukakostnaður er við liðakeppni – aðeins auka skemmtun!

Þátttökugjald

Verð: 5.000 kr.
Greiðist með millifærslu á:

Reikningur: 0370-22-045208
Kt.: 230781-3899 (Guðrún Íris)

Dagsetningar mótaraðarinnar

janúar
27. janúar
3. febrúar
10. febrúar
17. febrúar
24. febrúar – lokaumferð spiluð
3. mars – topp 10 konur spila til úrslita í einstaklingskeppni og lokahóf

Púttmótaröðin er aðeins fyrir GR konur. Minnum á Facebook síðu GR kvenna þar sem finna má nánari upplýsingar. Facebook: GR konur

The post Púttmótaröð GR kvenna 2026 appeared first on GR Golf .

FYRSTA BINGÓ ÁRSINS HALDIÐ 15. JANÚAR!

Fri, 09 Jan 2026 10:31:00 GMT

Fyrsta bingó eldri kylfinga árið 2026 verður haldið fimmtudaginn 15. janúar.

Nú eru bingódagarnir á fimmtudögum.

Í hléi er boðið er uppá kaffi, kleinur og gos.

Bingódagar 2026 verður haldið þessa daga:

15. janúar 2026
12. febrúar 2026
12. mars 2026

Bingóspjaldið kostar kr. 500 og er tekið við greiðslum bæði með pening og korti.

Golfklúbbur Reykjavíkur

The post FYRSTA BINGÓ ÁRSINS HALDIÐ 15. JANÚAR! appeared first on GR Golf .

Gleðilegt nýtt golfár!

Wed, 31 Dec 2025 17:49:00 GMT

The post Gleðilegt nýtt golfár! appeared first on GR Golf .

Félagsgjöld 2026 – innheimta og ráðstöfun greiðslna

Tue, 16 Dec 2025 13:10:00 GMT

Fjárhagsáætlun klúbbsins var kynnt og samþykkt af félagsmönnum á aðalfundi sem haldinn var þriðjudaginn 2. desember og verða félagsgjöld í klúbbinn þessi á komandi ári:

Félagsmenn 19-26 ára, kr. 87.900
Félagsmenn 27-74 ára, kr. 175.700
Félagsmenn 75 ára og eldri, kr. 150.600
Félagsmenn 75 ára og eldri*, kr. 113.000

* Enda hafi félagi verið í GR í a.m.k. 10 ár samfellt – ath! afsláttur kemur fram þegar haldið er áfram í greiðsluferli
** 27 ára og eldri, greiða kr. 40.000 í nýliðagjald þegar gengið er í klúbbinn

Félagsgjöld verða lög á, á næstu dögum og fer innheima og ráðstöfun greiðslna fram í gegnum XPS félagakerfi á meðfylgjandi slóð https://xpsclubs.is/login

TILBOÐ TIL FÉLAGSMANNA
Boltakort í Básum á kr. 15.000 með kr. 30.000 inneign
Ath! Tilboð gildir aðeins þegar boltakort er keypt með félagsgjöldum. Hægt er að nálgast boltakortið í afgreiðslu Bása í fyrsta lagi tveimur dögum eftir kaup.

Áfram er boðið upp á greiðsludreifingu líkt og undanfarin ár. Hægt er að skipta greiðslum í allt að 5 skipti með kröfu í banka eða allt að 10 skipti með dreifingu á greiðslukort, greiðsludreifing á kreditkort ber með sér 3% þjónustugjald. ATH! Það þarf að velja „fjölda greiðslna“ ef ekkert er valið er eingreiðsla sjálfvalið. Sé greiðsludreifingu á kreditkort ráðstafað fyrir 8. janúar næstkomandi er þjónustugjald ekki innheimt.

Breyting er á innheimtuaðila félagsgjalda, þegar krafa birtist í heimabanka stendur núna Golfklúbbur Reykjavíkur.

Athugið að ef félagsmaður ráðstafar ekki greiðslu fyrir 20. janúar næstkomandi verður send út ein krafa í banka með gjalddaga 2. febrúar. Þurfi að gera breytingar á greiðslufyrirkomulagi eftir 20. janúar þarf að hafa samband við skrifstofu og er þá innheimt breytingargjald kr. 990.

Golfklúbbur Reykjavíkur

The post Félagsgjöld 2026 – innheimta og ráðstöfun greiðslna appeared first on GR Golf .

Jólahátíðin framundan – opnunartímar skrifstofu og æfingasvæða!

Mon, 15 Dec 2025 15:03:00 GMT

Jólahátíðin er framundan og og verður skrifstofa klúbbsins lokuð frá kl. 16:00 föstudaginn 19. desember og opnar aftur mánudaginn 5. janúar 2026.

Inniæfingaaðstaða Korpu og golfæfingasvæði Bása verður opið á milli jóla og nýárs og verða opnunartímar þessir:

Opnunartímar á Korpu:
23. desember – opið frá kl. 08-22
24. desember – LOKAÐ
25. desember – LOKAÐ
26. desember – opið frá kl. 08-22
27. desember – opið frá kl. 08-22
28. desember – opið frá kl. 08-22
29. desember – opið frá kl. 08-22
30. desember – opið frá kl. 08-22
31. desember – opið frá kl. 08-15
01. janúar – LOKAÐ
02. janúar – opið frá kl. 08-22

Opnunartímar í Básum:
23. desember – LOKAÐ
24. desember – LOKAÐ
25. desember – LOKAÐ
26. desember – opið frá kl. 10-18
27. desember – opið frá kl. 10-18
28. desember – opið frá kl. 10-20
29. desember – opið frá kl. 10-22
30. desember – opið frá kl. 10-22
31. desember – LOKAÐ
01. janúar – LOKAÐ
02. janúar – opið frá kl. 10-18

Við óskum félagsmönnum, fjölskyldum þeirra og landsmönnum öllum gleðilegrar jólahátíðar og þökkum fyrir árið sem er að líða.

Golfklúbbur Reykjavíkur

The post Jólahátíðin framundan – opnunartímar skrifstofu og æfingasvæða! appeared first on GR Golf .

Tilnefningar til íþróttafólks Reykajvíkur 2025!

Mon, 15 Dec 2025 09:31:00 GMT

Við hjá Golfklúbbi Reykjavíkur erum ákaflega stolt af því að eiga tvær tilnefningar til íþróttafólks Reykjavíkur 2025.

Dagbjartur Sigurbrandsson, Íslandsmeistari 2025 og nýorðinn atvinnumaður í íþróttinni.
Ragnhildur Kristinsdóttir, atvinnukylfingur og situr í 8. sæti stigalista LET Access.

Miðvikudaginn 17. desember verða veitt verðlaun fyrir íþróttastjörnu og íþróttalið ársins 2025 afhent við hátíðlega athöfn í Ráðhúsi Reykjavíkur.

The post Tilnefningar til íþróttafólks Reykajvíkur 2025! appeared first on GR Golf .

Kylfingur 2025 komin í loftið!

Thu, 11 Dec 2025 10:06:00 GMT

Kylfingur 2025 er nú kominn út á rafrænu formi, þar má finna samantekt yfir það helsta sem er að frétta af starfsemi klúbbsins á árinu, árangur afrekskylfinga, viðtöl við félagsmenn og fleira.

Kylfing 2025 má lesa hér

Eldri útgáfur af Kylfing er einnig að finna á vefsíðu klúbbsins undir „Félagsstarf – Kylfingur „

Golfklúbbur Reykjavíkur

The post Kylfingur 2025 komin í loftið! appeared first on GR Golf .

Jólabingó 65 ára og eldri haldið á fimmtudaginn, 11. desember!

Tue, 09 Dec 2025 10:24:00 GMT

Jólabingó eldri kylfinga verður haldið næstkomandi fimmtudag, 11. desember og hefst stundvíslega kl. 10:00 í veitingasal Korpu. Við hvetjum fólk til að mæta um kl. 9:30 og æfa púttið á efri hæð áður en mætt er niður í bingó, kaffi og með því.

Bingó er liður í vetrarstarfi eldri kylfinga klúbbsins, 65 ára og eldri og hafa þessir viðburðir verið vel sóttir, enda vel að þeim staðið og ávallt flottir vinningar í boði.

Við hvetjum alla þá kylfinga sem hafa náð 65 ára aldri til að mæta í jólabingó og taka þátt í samverustund fyrir hátíðirnar!

Kveðja,
Bingónefnd

The post Jólabingó 65 ára og eldri haldið á fimmtudaginn, 11. desember! appeared first on GR Golf .

Jussi Pitkänen ráðinn sem faglegur ráðgjafi fyrir barna-, unglinga- og afreksstarf GR

Mon, 08 Dec 2025 10:31:00 GMT

Golfklúbbur Reykjavíkur hefur gert tveggja ára samning við Jussi Pitkänen um faglega ráðgjöf á sviði barna-, unglinga- og afreksstarfs klúbbsins. Jussi er menntaður PGA-golfkennari og hefur áratuga reynslu af þjálfun og stjórnun afreksstarfs í golfi, bæði á Íslandi og á alþjóðavettvangi.

Jussi er Íslendingum að góðu kunnur eftir að hafa gegnt starfi afreksstjóra Golfsambands Íslands (GSÍ) á árunum 2016–2018 og síðar starfi landsliðsþjálfara hjá finnska golfsambandinu. Að auki hefur hann starfað fyrir bresku PGA-samtökin og Dave Pelz golfakademíuna á Írlandi. Við teljum að víðtæk reynsla og sérþekking sem hann býr yfir muni nýtast GR afar vel.

Jussi er búsettur á Spáni og verður það áfram. Athugast að um ráðgjöf er að ræða en ekki að hann komi inn sem starfsmaður. Hlutverk hans hjá GR verður meðal annars að koma að skipulagningu starfsins, móta íþrótta- og afreksstefnu. Styðja við þjálfara og leikmenn með reglulegum heimsóknum ásamt því að lyfta íþrótta- og afreksstefnu klúbbsins á hærra stig.

Við trúum því að innkoma Jussi muni styrkja íþrótta- og afeksstarf GR enn frekar og koma með nýja hluti og sjónarmið að borðinu. Við bjóðum Jussi hjartanlega velkominn til starfa.

The post Jussi Pitkänen ráðinn sem faglegur ráðgjafi fyrir barna-, unglinga- og afreksstarf GR appeared first on GR Golf .

Félagsgjöld 2026 – innheimta og ráðstöfun greiðslna

Thu, 04 Dec 2025 14:56:00 GMT

Fjárhagsáætlun klúbbsins var kynnt og samþykkt af félagsmönnum á aðalfundi sem haldinn var þriðjudaginn 2. desember og verða félagsgjöld í klúbbinn þessi á komandi ári:

Félagsmenn 19-26 ára, kr. 87.900
Félagsmenn 27-74 ára, kr. 175.700
Félagsmenn 75 ára og eldri, kr. 150.600
Félagsmenn 75 ára og eldri*, kr. 113.000

Félagsgjöld verða lög á, á næstu dögum og fer innheima og ráðstöfun greiðslna fram í gegnum XPS félagakerfi á meðfylgjandi slóð https://xpsclubs.is/login

Áfram er boðið upp á greiðsludreifingu líkt og undanfarin ár. Hægt er að skipta greiðslum í allt að 5 skipti með kröfu í banka eða allt að 10 skipti með dreifingu á greiðslukort, greiðsludreifing á kreditkort ber með sér 3% þjónustugjald. Sé greiðsludreifingu á kreditkort ráðstafað fyrir 8. janúar næstkomandi er þjónustugjald ekki innheimt.

Breyting er á innheimtuaðila félagsgjalda, þegar krafa birtist í heimabanka stendur núna Golfklúbbur Reykjavíkur.

Golfklúbbur Reykjavíkur

The post Félagsgjöld 2026 – innheimta og ráðstöfun greiðslna appeared first on GR Golf .

Aðalfundur GR – almenn ánægja með störf stjórnar

Thu, 04 Dec 2025 11:56:00 GMT

Aðalfundur Golfklúbbs Reykjavíkur var haldinn á Korpúlfsstöðum þriðjudaginn 2. desember og voru yfir 160 félagsmenn sem mættu á fundinn. Formaður félagsins, Gísli Guðni Hall, gerði grein fyrir skýrslu formanns um störf stjórnar á árinu. Harpa Ægisdóttir, fjármálastjóri, kynnti ársreikning félagsins og fór yfir fjárhagsáætlun komandi starfsárs. Fundarstjóri var Ólafur Arinbjörn Sigurðsson.

Gísli Guðni bauð sig fram til áframhaldandi formennsku og hefur nú sitt fimmta ár sem sitjandi formaður.

Sitjandi stjórnarmenn í aðalstjórn, kosin á aðalfundi 2024 eru Brynjar Jóhannesson, Kristín Eysteinsdóttir og Ólafur William Hand. Kosið var þrjú sæti til tveggja ára í aðalstjórn á nýliðnum aðalfundi, sjálfkjörin var Elín Sveinsdóttir. Guðmundur Arason fékk áframhaldandi kosningu til tveggja ára. Þá var kosinn Hrannar M. Hallkelsson, en hann var í varastjórn.

Í varastjórn til eins ár voru kjörin Þórey Jónsdóttir, Arnór Ingi Finnbjörnsson Jón Karlsson, en sá síðastnefndi kemur nýr inn. Stjórn og varastjórn Golfklúbbs Reykjavíkur er því fullskipuð fyrir komandi rekstrarár.

Margeir Vilhjálmsson gaf ekki kost á sér, en hann hefur setið í stjórn frá árinu 2014. Gísli þakkaði honum fyrir góð störf, en fáir hafa komið jafn mikið við sögu í rekstri og stjórn klúbbsins á þessari öld. Hann réði sig sem vallarstjóri í Grafarholti 1995 og síðan framkvæmdastjóri GR á árunum 1998 til 2008. Hann var kosinn í stjórn GR 2014 og hefur setið þar til nú. Gísli þakkaði honum fyrir ómetanleg störf og stuðning.

Rekstur klúbbsins gekk vel á starfsárinu 2024-2025 og námu tekjur alls 878 milljónum króna og rekstrarafgangur 76,4 milljónir. Heildareignir nema 1.839 milljónum króna og eiginfjárstaðan sem og lausafjárstaðan er sterk. Á rekstrarárinu störfuðu 18 heilsársstarfsmenn hjá klúbbnum og að auki 75 sumarstarfsmenn. Að öðru leyti vísar stjórn klúbbsins til meðfylgjandi ársreiknings um rekstur og fjárhagsstöðu.

Golfklúbbur Reykjavíkur annast rekstur 18 holur golfvallar og 6 holu æfingavallar í Grafarholti ásamt rekstri 36 holu golfvallar (4×9, þ.e. Sjórinn, Áin, Landið og Thorsvöllur) á Korpúlfsstöðum. Enn fremur rekur klúbburinn æfingaaðstöðu Bása í Grafarholti auk inniæfinga- og félagsaðstöðu á Korpúlfsstöðum.

Eins og undanfarin ár voru miklar framkvæmdir á vallarsvæðum félagsins á starfsárinu. Í Grafarholti var það lokafrágangur á nýrri 1. flöt, uppbygging á nýrri 3. flöt og uppbygging á nýju teigum á 4. braut. Uppbygging á nýrri 11. flöt og hafist var handa við uppbyggingu og sléttun og endurmótun 1. brautar. Það á eftir að tyrfa brautina en framkvæmdinni er lokið að öðru leyti. Samhliða þessum framkvæmdum var komið upp nýju salerni við 6. teig og í vetur mun öðru slíku verða komið fyrir í rjóðrinu á milli 13. og 15. brautar.

Stærstu framkvæmdir á Korpu á liðnu starfsári var áframhaldandi malbikun stíga á Ánni og Landinu ásamt frágangi við stígagerð, hellulögn og uppstigum við teiga. Þessi verkefni hafa verið samhangandi. Í vetur hefst svo lokafrágangur á þeim hluta sem eftir stendur við 26. og 27. braut, sem er lítið í samanburði við það sem nú er lokið. Byggðir voru upp fimm nýir teigar, á 3., 5., 8. og 23. braut. Ný púttflöt við Korpu sem hefur verið í uppbyggingu síðastliðin tvö ár var formlega tekin í notkun í upphafi tímabilsins. Sama á við um Korpu og í Grafarholti að ný salerni voru tekin í notkun. Á Korpu eru þau staðsett á 6. teig og við 15. og 23. teig. Áframhaldandi vinna við að koma upp slátturþjónum hélt áfram og er þeirri vinnu lokið fyrir Landið.

Fjárhagsáætlun GR 2026 var samþykkt. Félagsgjöld 2026 verða:

Félagsmenn 19-26 ára, kr. 87.900
Félagsmenn 27-74 ára, kr. 175.700
Félagsmenn 75 og eldri, kr. 150.600
Félagsmenn 75 ára og eldri*, kr. 113.000
*enda hafi félagi verið í GR í a.m.k. 10 ár samfellt

Leiknir hringir á árinu voru 107.897 samanborið við 93.309 á árinu á undan. Félagsmenn léku 5.410 hringi á vinavöllum félagsins og vinavallasamningar því vel nýttir í ár. TagMarshal er nýtt kerfi sem tekið var í notkun fyrir tveimur árum. Stykki með staðsetningarbúnaði, sem kylfingar taka með sér út á völl, verða eftirleiðis nefnd spori . Hugmyndin er fengin frá góðum félagsmanni, Jóni Hermanni Karlssyni, en nokkrar fleiri góðar höfðu komið fram. Allt frá stofnun klúbbsins hefur mikið verið lagt upp úr að finna nýyrði fyrir orð í ensku golfmáli og þeirri hefð viljum við viðhalda. Tagmarshal kerfið hefur annars reynst okkur afar vel, það gefur starfsmönnum og eftirlitsmönnum upplýsingar um stöðu leiktíma á völlum félagsins. Meðal leikhraði á Korpu í ár var 4:10.47 og í Grafarholti var meðal leikhraði 4:13:17 – miðast þessir tímar við 18 holu leik. Kynjahlutfall í klúbbnum er 35% konur á móti 65% karla og stendur í stað á milli ára.

Á komandi ári er fyrirhugað að halda áfram framkvæmdum. Helstu framkvæmdir í Grafarholti verða – opnun nýrrar 1. brautar, uppbygging á nýjum teigum og glompum á 3. braut, opnun nýrrar 3. flatar síðla sumars, uppbygging á nýrri 10. flöt ásamt nýjum teigum fyrir 11. braut, sem farið verður í næstkomandi haust.

Á Korpúlfsstöðum verður Íslandsmót 2026 haldið. Fyrir mótið verður allri stígagerð og frágangi þeim tengdum lokið. Nokkrir nýir bakteigar hafa verið gerðir, í því augnamiði að gera völlinn að enn meira krefjandi keppnisvelli. Gengið verður frá nýju útiplássi og þrifaðstöðu framan við skála.

Stefnt að því að hefja uppbyggingu á nýrri vélageymslu/þjónustuhúsi á Korpu árið 2026, en það er háð skilyrðum um leyfi og ásættanlega fjármögnun.

Í Básum er fyrirhugað að gera nýtt þjónusturými þar sem komið er inn í Bása og klæða skilrúm á 1. og 2. hæð til að fyrirbyggja slysahættu.

Golfklúbbur Reykjavíkur þakkar Árna Tómassyni og Guðmundi Frímannssyni, endurskoðendum, fyrir sína vinnu og kjörnefnd fyrir sitt starf. Sérstakar þakkir færum við Ólafi Arinbirni Sigurðssyni fyrir faglega og góða fundarstjórn og félagsmönnum fyrir sína þátttöku.

Stjórn, framkvæmdarstjóri og starfsfólk klúbbsins þakkar félagsmönnum fyrir gott starfsár.

Ársreikningur 2025

Skýrsla stjórnar 2025

The post Aðalfundur GR – almenn ánægja með störf stjórnar appeared first on GR Golf .

Pétur Franklín hlaut Háttvísibikarinn 2025

Wed, 03 Dec 2025 10:13:00 GMT

Háttvísibikarinn er gjöf frá GSÍ í tilefni af 70 ára afmæli GR og er hann veittur ár hvert þeim kylfingi undir 18 ára aldri sem endurspeglar hvað mest þá eiginleika sem GR-ingar vilja sjá í afreksunglingum sínum. Sá sem hlýtur háttvísibikarinn þarf að hafa mikinn íþróttaanda, gefast aldrei upp, sýna miklar framfarir, vera sér og klúbbnum til mikils sóma bæði innan vallar sem utan og umfram allt vera fyrirmynd fyrir aðra í kringum sig.

Pétur Franklín Atlason hlýtur viðurkenninguna í ár. Pétur Franklín er mikil og sterk fyrirmynd fyrir aðra iðkenndur. Hann er samviskusamur, metnaðarfullur og duglegur við æfingar. Pétur endurspeglar eiginleika og gildi Golfklúbbs Reykjavíkur í bæði leik og ástundun sinni, hann er jákvæður, áhugasamur, með mikinn íþróttaanda, hefur sýnt mikla þrautseigju og framfarir í ár. Enn fremur hefur hann verið sér sjálfum og klúbbnum til mikils sóma bæði innan sem utan vallar. Pétur sýndi einnig miklar framfarir á golfvellinum í sumar og endaði Pétur í 2.sæti bæði á Íslandsmótinu í höggleik og holukeppni. Hann endaði síðan sumarið með frábærum árangi og sigri á lokamóti unglingamótaraðarinnar á Korpu.

Þeir sem hafa áður fengið útnefninguna eru eftirfarandi kylfingar:

2004 Þórður Rafn Gissurarson
2005 Hanna Lilja Sigurðardóttir
2006 Guðni Fannar Carrico
2007 Ólafía Þórunn Kristinsdóttir
2008 Ólafía Þórunn Kristinsdóttir
2009 Andri Þór Björnsson
2010 Guðmundur Ágúst Kristjánsson
2011 Sunna Víðisdóttir
2012 Ragnhildur Kristinsdóttir
2013 Saga Traustadóttir
2014 Ingvar Andri Magnússon
2015 Gerður Hrönn Ragnarsdóttir
2016 Dagbjartur Sigurbrandsson
2017 Böðvar Bragi Pálsson
2018 Elvar Már Kristinsson
2019 Jóhanna Lea Lúðvíksdóttir
2020 Tómas Eiríksson Hjaltested
2021 Helga Signý Pálsdóttir
2022 Perla Sól Sigurbrandsdóttir
2023 Perla Sól Sigurbrandsdóttir
2024 Ásdís Rafnar Steingrímsdóttir
2025 Pétur Franklín Atlason

Golfklúbbur Reykjavíkur óskar Pétri Franklín og fjölskyldu hans til hamingju með Háttvísibikarinn 2025

The post Pétur Franklín hlaut Háttvísibikarinn 2025 appeared first on GR Golf .

Aðalfundur GR 2025, þriðjudaginn 2. desember – inniæfingaaðstaða lokuð – ársreikningur birtur!

Mon, 01 Dec 2025 10:08:00 GMT

Aðalfundur GR verður haldinn á 2. hæð Korpu á morgun, þriðjudaginn 2. desember og hefst stundvíslega kl. 20:00 . Á fundinum fara fram hefðbundin aðalfundarstörf samkvæmt 18. grein laga félagsins.

Inniæfingaaðstaða verður lokuð þriðjudaginn 2. deseber vegna aðalfundar.

Ársreikningur félagsins er nú aðgengilegur á vefnum og geta félagsmenn kynnt sér hann áður en mætt er á aðalfund.

Stjórn GR

The post Aðalfundur GR 2025, þriðjudaginn 2. desember – inniæfingaaðstaða lokuð – ársreikningur birtur! appeared first on GR Golf .

Framboð til stjórnar GR fyrir aðalfund 2025

Fri, 28 Nov 2025 12:53:00 GMT

Eftirtaldir hafa tilkynnt um framboð til stjórnar Golfklúbbs Reykjavíkur fyrir starfsárið 2025-2026:

Til formanns:

Gísli Guðni Hall – sjálfkjörinn

Í aðalstjórn:

Elín Sveinsdóttir – sjálfkjörin sbr. 2. mgr. 10. greinar laga Golfklúbbs Reykjavíkur
Guðlaugur Magnússon
Guðmundur Arason
Hrannar Már Hallkelsson
Jón Karlsson
Unnar Holman

Í varastjórn:

Arnór Ingi Finnbjörnsson
Hrannar Már Hallkelsson
Jón Karlsson
Þórey Jónsdóttir – sjálfkjörin sbr. 2. mgr. 10. greinar laga Golfklúbbs Reykjavíkur

Kjörnefnd

The post Framboð til stjórnar GR fyrir aðalfund 2025 appeared first on GR Golf .

Svartir dagar í Básum!

Thu, 27 Nov 2025 09:36:00 GMT

Jólagjöf golfarans fæst í Básum og núna á frábæru verði!

The post Svartir dagar í Básum! appeared first on GR Golf .

Tilkynning frá stjórn Golfklúbbs Reykjavíkur

Fri, 21 Nov 2025 11:09:00 GMT

Kæru félagar,

Fyrr í vikunni tilkynnti stjórn GR að frá og með opnun golfvalla GR vorið 2027 verði notkun golfbíla í eigu einstaklinga ekki heimiluð á völlum klúbbsins.

Í tilkynningunni kom fram að fyrir ákvörðuninni séu ýmsar ástæður, m.a. spurningar um pláss, bílastæði, umhverfisleg rök og síðast en ekki síst stjórnun og aðgangsstýring á völlunum. Allt eru þetta að mati stjórnar góð og gild rök og óumflýjanlegt að bregðast við. Því lengur sem það er dregið, því erfiðari verði ákvörðunin.

Tilkynningin hefur vakið viðbrögð og þá sérstaklega meðal félagsmanna sem eiga golfbíla nú þegar. Klúbburinn vill að sjálfsögðu vinna með félagsmönnum. Að þessu öllu athuguðu hefur GR ákveðið að lengja fyrirvarann til vorsins 2028 í stað 2027.

Því til viðbótar vill klúbburinn taka upp samtal við núverandi bílaeigendur um að koma til móts við þá, með tilliti til hagsmuna beggja. Meðal þess sem klúbburinn vill athuga er möguleiki á að koma upp stjórnbúnaði í einkabílunum, bílar standist skoðun og eigendur beri kostnað er því fylgir. Eigendur eru beðnir um að gefa sig nú þegar fram við skrifstofu klúbbsins með tölvupósti ( gr@grgolf.is ), þannig að náð verði utan um allan hópinn og frekara samtal geti farið fram.

Í ljósi þessarar ákvörðunar ráðum við meðlimum GR eindregið frá því að fjárfesta hér eftir í einkabílum á forsendu um að nota þá á völlum GR.

Kær kveðja,

stjórn Golfklúbbs Reykjavíkur

Nánari skýringar:

Aðlögunartímabil er lengt samkvæmt framansögðu. Verði knýjandi rök til enn frekari aðlögunr, t.d. ef tafir verða á undirbúningi, aðstöðu, bílakosti eða þjónustu, verður sjálfsagt að lengja tímabilið enn frekar þar til klúbburinn getur staðið við það sem lagt er upp með.

Markmiðið er að vernda völlinn og bæta upplifun allra meðlima. Ákvörðunin er fyrst og fremst tekin út frá þörfum vallarins og þar með meðlima til lengri tíma. Einkabílar eru mjög mismunandi að þyngd, dekkjum, fjöðrun og búnaði. Þetta veldur ójöfnu álagi á brautir og önnur svæði sem rýrir gæði leiksins og eykur viðhaldskostnað sem bitnar á okkur félagsmönnum. Við gerum miklar kröfur til góðrar umgengni og snyrtimennsku. Ákvörðun um golfbíla er mikilvægur liður í að verða við þessum kröfum. Með samræmdum bílakosti getum við:
stýrt umferð með GPS
• varið viðkvæm svæði
• tryggt öryggi
• haldið viðhaldskostnaði í hófi

Það eru of margir dagar þar sem við höfum þurft að loka völlunum fyrir bílaumferð vegna bleytu. Við gerum ráð fyrir að geta fækkað þessum dögum með samræmdum bílakosti.

Ætlunin er að mæta enn betur þörfum þeirra sem þurfa bíl til að geta spilað. Það er grundvallaratriði að þeir sem treysta á bíl vegna heilsu, hreyfingar eða líkamlegra aðstæðna geti áfram spilað golf við góðar og öruggar aðstæður. Klúbbnum er umhugað að veita þessa þjónustu. Næstu tvö ár verða nýtt til að:

halda áfram að uppfæra bílakostinn og geymsluaðstöðu
ræða við félaga sem hafa sérstakar þarfir svo unnt sé að mæta þeim

Geta ber þess að klúbburinn hefur boðið félagsmönnum, sem þurfa golfbíl reglulega, upp á golfbíla án fjöldatakmarkana gegn greiðslu árlegs gjalds, sem hefur verið mjög hóflegt. Stefna klúbbsins er að gjald fyrir golfbíl sé í hófi, standi undir raunkostnaði en ekkert umfram það.

Ákvörðunin nú er ekki til að útiloka neinn. Flestir stórir golfklúbbar erlendis hafa þegar tekið svona ákvörðun með góðum árangri. Án svona ákvörðunar er fyrirsjáanlegt að einkabílum fjölgi mikið á næstu árum, sem myndi gera ákvörðunina sem nú er tekin enn erfiðari.

Kær kveðja,

stjórn Golfklúbbs Reykjavíkur

The post Tilkynning frá stjórn Golfklúbbs Reykjavíkur appeared first on GR Golf .

Fyrsta Bingó vetrarins hjá 65+ kylfingum er á fimmtudaginn 20. nóvember!

Tue, 18 Nov 2025 16:21:00 GMT

Við minnum á að fyrsta Bingó ársins hjá 65 ára og eldri kylfingum klúbbsins er á fimmtudaginn 20. nóvember kl. 10:00 í veitingasalnum á Korpu.
ATH! Fyrsta bingóspjaldið kostar 1000 kr. hvert spjald umfram það kostar 500 kr. Greiða má með seðlum og korti fyrir spjaldið/spjöldin.

Í hléi er boðið er uppá kaffi, kleinur og gos.

Bingó verður haldið þessa daga í vetur:

20. nóvember 2025
11. desember 2025
15. janúar 2026
12. febrúar 2026
12. mars 2026

The post Fyrsta Bingó vetrarins hjá 65+ kylfingum er á fimmtudaginn 20. nóvember! appeared first on GR Golf .

Nýjar reglur um golfbíla taka gildi í lok sumars 2026

Tue, 18 Nov 2025 09:35:00 GMT

Fyrir þessu eru ýmsar ástæður, m.a. spurningar um pláss, bílastæði, umhverfisleg rök og síðast en ekki síst stjórnun og aðgangsstýring, m.a. til verndar svæðum nærri teigum, flötum og svæðum sem á hverjum tíma þarfnast sérstakrar verndunar.

Stjórn Golfklúbbs Reykjavíkur

The post Nýjar reglur um golfbíla taka gildi í lok sumars 2026 appeared first on GR Golf .

Aðalfundur GR 2025 – verður haldinn þriðjudaginn 2. desember

Mon, 17 Nov 2025 12:14:00 GMT

Aðalfundur GR verður haldinn á 2. hæð Korpu þriðjudaginn 2. desember og hefst stundvíslega kl. 20:00. Á fundinum fara fram hefðbundin aðalfundarstörf samkvæmt 18. grein laga félagsins.

Samkvæmt 10. grein laga félagsins fer fram stjórnarkjör á aðalfundi þar sem formaður skal kosinn til eins árs, þrír aðalmenn í stjórn til tveggja ára og þrír varamenn í stjórn til eins árs. Þeir félagsmenn sem vilja gefa kost á sér til stjórnarsetu skulu senda framboð sín til kjörnefndar á netfangið kjornefnd@grgolf.is í síðasta lagi viku fyrir aðalfund eða ekki seinna en þann 25. nóvember næstkomandi. Taka skal fram hvort framboðið sé til formanns, aðalstjórnar eða varastjórnar.

Ef framboð til stjórnarsetu eru fleiri en þau sæti sem kjósa á um skal kjörnefnd hafa umsjón með kosningu milli frambjóðenda á aðalfundi og sjá til þess að framboð séu kynnt félagsmönnum fyrir aðalfund. Samkvæmt lögum félagsins skal gætt að því að í stjórn sitji að lágmarki þriðjungur einstaklinga af hvoru kyni.

Stjórn GR

The post Aðalfundur GR 2025 – verður haldinn þriðjudaginn 2. desember appeared first on GR Golf .

Ný uppfærsla á GolfBox appinu

Mon, 17 Nov 2025 10:13:00 GMT

Allir kylfingar með virka félagsaðild ættu að fá tilkynningu um að ný uppfærsla á appi GSÍ og GolfBox sé nú aðgengileg í App Store eða Play Store. “Mitt Golf” appið var þróað í samstarfi við GolfBox og Danska Golfsambandið. Með nýja appinu fæst betri notendaupplifun og auknir stafrænir möguleikar fyrir golfhreyfinguna til framtíðar.

Allar þær aðgerðir sem kylfingar eru vanir að nota verða áfram aðgengilegar í Mitt Golf. Virkni núverandi GolfBox-apps er innbyggð í nýja appið og hægt er að nálgast hana á sama hátt og áður.

Allt þetta og meira til geturðu gert í appinu:

að bóka rástíma í GolfBox
að lesa fréttir frá golfklúbbnum þínum
að lesa nýjustu fréttir af vefsíðunni Golf.is
skoða forgjöfina þína og helstu útreikninga
að fletta upp á golfreglunum á íslensku
fengið tilkynningar frá kerfinu, golfklúbbum eða GSÍ

Náðu þér í nýja appið fyrir Android og Apple!

The post Ný uppfærsla á GolfBox appinu appeared first on GR Golf .

Viðhorfskönnun GR 2025

Tue, 11 Nov 2025 09:51:00 GMT

Golfklúbbur Reykjavíkur sendir árlega út viðhorfskönnun til félagsmanna. Undanfarin ár hefur þessi könnun verið okkur, sem stjórnum klúbbnum, uppspretta hugmynda og ákvarðana sem snúa að öllum þáttum í starfsemi félagsins. Það hefur verið ómetanlegt að fá viðhorfin beint í æð og komið að miklu gagni við alla ákvarðanatöku.

Eins og fram hefur komið í fréttum úr starfseminni síðasta árið er mikil uppbygging fyrirhuguð á næstu árum, töluverðar fjárfestingar og aukin þjónusta. Okkur sem störfum fyrir klúbbinn er mikill greiði gerður, ef meðlimirnir hjálpa okkur að fylgjast með viðhorfi þeirra til almennrar þjónustu og uppbyggingar næstu árin.

Meðfylgjandi er hlekkur á könnunina og biðjum við þig um að svara henni við fyrsta tækifæri, könnunin verður opin til kl. 12:00 föstudaginn 21. nóvember.

Viðhorfskönnun GR 2025

Kveðja
Stjórn og starfsfólk GR

The post Viðhorfskönnun GR 2025 appeared first on GR Golf .

BINGÓ! Fyrsta Bingó eldri kylfinga 65+ verður fimmtudaginn 20. nóvember!

Wed, 05 Nov 2025 14:27:00 GMT

Nú eru bingódagarnir á fimmtudögum.

Í hléi er boðið er uppá kaffi, kleinur og gos.

Bingó verður haldið þessa daga í vetur:

20. nóvember 2025
11. desember 2025
15. janúar 2026
12. febrúar 2026
12. mars 2026

Golfklúbbur Reykjavíkur

The post BINGÓ! Fyrsta Bingó eldri kylfinga 65+ verður fimmtudaginn 20. nóvember! appeared first on GR Golf .

Dagbjartur, Guðmundur Ágúst og Haraldur Franklín leika á 2. stigs úrtökumóti fyrir DP World Tour!

Thu, 30 Oct 2025 14:35:00 GMT

Þrír af okkar fremstu atvinnukylfingum hefja í dag leik á 2. stigs úrtökumótum fyrir DP World Tour sem er sterkasta mótaröð Evrópu. Þeir Dagbjartur Sigurbrandsson, Guðmundur Ágúst Kristjánsson og Haraldur Franklín Magnús hefja allir leik í dag á þremur mismunandi völlum á Spáni en fjögur úrtökumót eru leikin samtímis dagana 30. október – 2. nóvember. Í hvert mót mæta 72 kylfingar til leiks og spila um 24 laus sæti í lokaúrtökumótinu.

Guðmundur Ágúst vann sitt úrtökumót í Svíþjóð og tryggði sér með því sæti á 2. stiginu.

Guðmundur leikur á Fontanals Golf Club vellinum í Girona. Guðmundur lék völlinn fyrr á árinu í Challenge de España mótinu á HotelPlanner Tour, og lauk þar leik í 47. sæti á sex höggum undir pari.

Fontanals Golf Club

Hér má fylgjast með stöðunni hjá Guðmundi

Dagbjartur lék vel í sínu úrtökumóti í Danmörku, endaði þar jafn í 8. sæti og var í öruggu sæti frá upphafi móts.

Dagbjartur leikur á Desert Springs Golf Club svæðinu í Almería . Á meðal keppenda eru núverandi kylfingar DP mótaraðarinnar, HotelPlanner Tour og fyrrum sigurvegarar á Evrópumótaröðinni. Spennandi verður að fylgjast með Íslandsmeistaranum taka sín fyrstu skref í átt að atvinnumennsku gegn öflugri samkeppni.

Desert Springs Golf Club

Hér má fylgjast með stöðunni hjá Dagbjarti

Haraldur Franklín þurfti ekki að leika á 1. stiginu og komst beint inn í mót vikunnar eftir góðan árangur á HotelPlanner Tour mótaröðinni í sumar. Þar endaði hann í 63. sæti stigalistans, þrátt fyrir að hafa leikið í mikið færri mótum en flestir kylfingar mótaraðarinnar. Hans besti árangur kom á Dormy Open mótinu í Svíþjóð þar sem hann endaði annar og var hársbreidd frá því að leika lokahringinn á 59 höggum.

Haraldur Franklín leikur á Isla Canela Links vellinum í Huelva.

Isla Canela Links

Hér má fylgjast með stöðunni hjá Haraldi

The post Dagbjartur, Guðmundur Ágúst og Haraldur Franklín leika á 2. stigs úrtökumóti fyrir DP World Tour! appeared first on GR Golf .

GR í 6. sæti í Evrópumótinu í Frakklandi

Mon, 27 Oct 2025 09:15:00 GMT

Golfklúbbur Reykjavíkur endaði í 6. sæti á Evrópumóti golfklúbba sem fram fór á Cabot Bordeaux golfvellinum í Frakklandi og lauk á laugardaginn. GR-ingar léku hringina þrjá samtals á átta yfir pari.

Leikinn var höggleikur og voru tvö bestu skor af þremur talin á hverjum keppnisdegi.

Í liði GR voru Dagbjartur Sigurbrandsson, Sigurður Blumenstein og Jóhannes Guðmundsson en eingöngu áhugamenn voru gjaldgengir í klúbbliðin.

Dagbjartur lék hringina þrjá á pari, Sigurður á níu yfir pari og Jóhannes á fimmtán yfir. Samtals endaði liðið á +8.

Í myndskeiðum mátti sjá að íslensku kylfingarnir léku ágætt golf en vantaði upp á að setja púttin í holu.

Smørum golfklúbburinn frá Danmörku sigraði í mótinu í annað sinn á þremur árum. Danirnir byrjuðu með miklum látum og leiddu með níu höggum eftir fyrsta keppnisdag og .rettæab höggum fyrir lokadaginn. Frakkar frá St-No-La_Bretéche golfklúbbnum náðu að minnka þann mun á síðsta degi en Danirnir unnu með fimm höggun.

Skor GR-inganna:

Lokastaðan:

The post GR í 6. sæti í Evrópumótinu í Frakklandi appeared first on GR Golf .

Vellir félagsins formlega lokaðir fyrir veturinn

Wed, 22 Oct 2025 15:04:00 GMT

Á sama tíma og við þökkum félögum og öðrum kylfingum sem hafa spilað vellina okkar í sumar þá tilkynnum við að ákvörðun hefur verið tekin að loka Landinu og þar með hefur öllum lykkjum Korpunnar verið lokað ásamt Grafarholtsvelli og Grafarkotsvelli.

Við minnum á að Thorsvöllur er opinn allt árið eins og áður. Á sama tím minnum við á Bása, þar sem hægt er að mæta, nýta Trackman tæknina og ef kuldinn sækir að þá er svo auðvelt að kvekja á hitalömpunum – notalegt! Inniæfingaaðstaða Korpunnar er einnig opin yfir vetrartímann og verður hægt að sjá hvenær hún er opinn og hvenær hún er upptekinn vegna æfinga hér .

Golftímabilið er búið að vera frábært og veðrið leikið heldur betur við kylfinga. Hlökkum til að sjá ykkur í vetrarstarfi félagsins og á völlunum okkar næsta sumar. Við hvetjum ykkur til að fylgjast með fréttum um það sem er á döfinni á heimasíðunni okkar en einnig á Facebook og Instagram

Golfkveðjur,
Stjórn og starfsfólk GR

The post Vellir félagsins formlega lokaðir fyrir veturinn appeared first on GR Golf .

Haraldur lauk leik jafn í 45. sæti í Kína ⛳️

Mon, 20 Oct 2025 15:02:00 GMT

Haraldur Franklín Magnús var á meðal keppenda á Hangzhou Open mótinu í Kína sem fór fram dagana 16.-19. október. Mótið var það næst seinasta á HotelPlanner Tour tímabilinu, en einungis 70 efstu kylfingar stigalistans voru á meðal keppenda.

Hér má sjá úrslit mótsins

Fyrstu tveir hringirnir

Haraldur lék gott golf á fyrsta hring og kom í hús á þremur höggum undir pari. Hann hóf leik á 10. holu og var á pari vallarins þegar þrjár holur voru eftir. Frábær fugl á sjöundu holunni og örn á þeirri áttundu komu okkar manni í mikið betri mál, en hann endaði daginn jafn í 22. sæti.

Annan hringinn lék Haraldur á pari vallarins. Hann fékk fimm fugla, þrjá skolla og einn tvöfaldan skolla. Eftir hringinn var Haraldur jafn í 55. sætinu á þremur undir pari og náði í gegnum niðurskurð.

Á seinustu tveimur hringjunum lék Haraldur stöðugt golf, fékk fimm fugla, þrjá skolla og fór upp um tíu sæti á stöðutöflunni. Með árangrinum fór Haraldur þó niður um eitt sæti á stigalista mótaraðarinnar, í 63. sætið, og verður því ekki á meðal keppenda í lokamótinu. Þar leika efstu 45 kylfingar stigalistans.

The post Haraldur lauk leik jafn í 45. sæti í Kína ⛳️ appeared first on GR Golf .

Örnámskeið fyrir byrjendur hjá Arnari Snæ ⛳️

Thu, 11 Sep 2025 15:12:01 GMT

Write about something you know. If you don’t know much about a specific topic that will interest your readers, invite an expert to write about it.

Speak to your audience

You know your audience better than anyone else, so keep them in mind as you write your blog posts. Write about things they care about. If you have a company Facebook page, look here to find topics to write about

Take a few moments to plan your post

Once you have a great idea for a post, write the first draft. Some people like to start with the title and then work on the paragraphs. Other people like to start with subtitles and go from there. Choose the method that works for you.

Don’t forget to add images

Be sure to include a few high-quality images in your blog. Images break up the text and make it more readable. They can also convey emotions or ideas that are hard to put into words.

Edit carefully before posting

Once you’re happy with the text, put it aside for a day or two, and then re-read it. You’ll probably find a few things you want to add and a couple more that you want to remove. Have a friend or colleague look it over to make sure there are no mistakes. When your post is error-free, set it up in your blog and publish.

Golfbílar ekki leyfðir á völlum félagsins í dag!

Wed, 10 Sep 2025 02:39:50 GMT

The new season is a great reason to make and keep resolutions. Whether it’s eating well or cleaning out the garage, here are some tips for making and keeping resolutions.

Make a list

Lists are great ways to stay on track. Write down some big things you want to accomplish and some smaller things, too.

Check the list regularly

Don’t forget to check in and see how you’re doing. Just because you don’t achieve the big goals right away doesn’t mean you’re not making progress.

Reward yourself

When you succeed in achieving a goal, be it a big one or a small one, make sure to pat yourself on the back.

Think positively

Positive thinking is a major factor in success. So instead of mulling over things that didn’t go quite right, remind yourself of things that did.

N1 Unglingamótið og Golf14 í samstarfi við N1

Tue, 09 Sep 2025 02:39:50 GMT

There are so many good reasons to communicate with site visitors. Tell them about sales and new products or update them with tips and information.

Here are some reasons to make blogging part of your regular routine.

Blogging is an easy way to engage with site visitors

Writing a blog post is easy once you get the hang of it. Posts don’t need to be long or complicated. Just write about what you know and do your best to write well.

Show customers your personality

When you write a blog post, you can really let your personality shine through. This can be a great tool for showing your distinct personality.

Blogging is a terrific form of communication

Blogs are a great communication tool. They tend to be longer than social media posts, which gives you plenty of space for sharing insights, handy tips and more.

It’s a great way to support and boost SEO

Search engines like sites that regularly post fresh content and a blog is a great way of doing this. With relevant metadata for every post so search engines can find your content.

Drive traffic to your site

Every time you add a new post, people who have subscribed to it will have a reason to come back to your site. If the post is a good read, they’ll share it with others, bringing even more traffic!

Blogging is free

Maintaining a blog on your site is absolutely free. You can hire bloggers if you like or assign regularly blogging tasks to everyone in your company.

A natural way to build your brand

A blog is a wonderful way to build your brand’s distinct voice. Write about issues that are related to your industry and your customers.

Korpan er orðin 3x 9 holur frá og með deginum í dag!

Mon, 08 Sep 2025 02:39:50 GMT

Write about something you know. If you don’t know much about a specific topic that will interest your readers, invite an expert to write about it.

Speak to your audience

Take a few moments to plan your post

Don’t forget to add images

Be sure to include a few high-quality images in your blog. Images break up the text and make it more readable. They can also convey emotions or ideas that are hard to put into words.

Edit carefully before posting