Starf eldri kylfinga
Eldri kylfingar klúbbsins eru iðnir við að halda golfiðkun sinni gangandi, sama hvað árstíðunum líður. Á undanförnum árum hefur öldunganefnd haldið mótaraðir yfir sumartímann. Vetrarstarf er einnig öflugt hjá eldri kylfingum klúbbsins, margir mæta alla daga og pútta og er meðal annars haldið bingó einu sinni í mánuði.
Bingó verður haldið þessa daga í vetur:
20. nóvember 2025 , 11. desember 2025 , 15. janúar 2026, 12. febrúar 2026 , 12. mars 2026
Bingó
Bingó er liður í vetrarstarfi eldri kylfinga klúbbsins, 65 ára og eldri og byrja margir daginn á því að pútta saman á efri hæð Korpunnar áður en bingó hefst í veitingasal kl. 10:00.
ATH! Fyrsta bingóspjaldið kostar 1000 kr. hvert spjald umfram það kostar 500 kr.
Nú eru bingódagarnir á fimmtudögum.
- Í hléi er boðið er uppá kaffi, kleinur og gos.
Almennt er vel mætt á þennan mánaðarlega viðburð eldri kylfinga og eru flottir vinningar í boði. Við hvetjum þá félagsmenn, sem hafa náð 65 ára aldri, til að mæta og taka þátt í bingóviðburðum í vetur.
Innan-félagsmót 70+
Kalla Jó mótaröðin, innanfélagsmótaröð, 70 ára og eldri eru leikin yfir sumartímann, um er að ræða 9 holu mót sem leikið verður sex sinnum á tímabilinu og er ræst út frá kl. 08:30-11:15.
Í hverju móti eru veitt verðlaun fyrir besta skor bæði í höggleik og punktakeppni karla og kvenna. Auk þess eru veitt nándarverðlaun í hverju móti.
Leikdagsetningar fyrir sumarið 2026: þegar nær dregur golfsumrinu 2026
Í lokamótinu eru að auki veitt verðlaun fyrir bestan árangur yfir sumarið í kvenna- og karlaflokki þar sem 3 bestu mótin af 5 telja.
Liðakeppni öldunga
Hér mun staðan í Liðakeppni öldunga birtast og vera reglulega uppfærð:
Sumarmótaröð GR kvenna
Sumarmótaröð GR kvenna 2026 – verður kynnt síðar.
