Áttundi vinavöllurinn er hjá Golfklúbbi Þverár að Hellishólum

Áttundi vinavöllurinn er hjá Golfklúbbi Þverár að Hellishólum

Það heldur áfram að bætast í hóp vinavalla GR fyrir golfsumarið 2021 og er áttundi vinavöllur GR að Hellishólum hjá Golfklúbbi Þverár.

Hellishólar bjóða upp á krefjandi og skemmtilegan 9 holu golfvöll sem umkringdur er stórkostlegri náttúru og renna árnar Þverá og Grjótá í gegnum völlinn. Ferðaþjónusta er á staðnum þar sem boðið er upp gistingu í sumarhúsum, á hóteli og á tjaldvæði, um er að ræða 25 sumarhús og 36 herbergja hótel. Auk golfsins má þar finna aðra afþreyingu eins og hestaleigu, veiði, heita potta og leiksvæði.

Auk vinavallasamnings býðst félagsmönnum GR 20% afsláttur af allri gistingu á Hellishólum.

Sömu reglur gilda um leik á Hellishólum og á öðrum vinavöllum, félagsmenn GR greiða kr. 2.500 fyrir leik á vellinum sama hvort leiknar eru 9 eða 18 holur. Áður en leikur hefst skulu félagar staðfesta félagsaðild sína og ganga frá greiðslu vallargjalds. Samkomulagið gildir ekki ef félagsmenn leika með hópum sem gert hafa sérstaka samninga um afslætti, sbr. fyrirtækjamót.

Við hlökkum til áframhaldandi samstarfs við Golfklúbb Þverár í sumar og vonum að félagsmenn nýti sér þennan frábæra kost í hópi vinavalla á komandi sumri.

Vefsíða Hellishóla


Það styttist óðum í golfsumarið,
Golfklúbbur Reykjavíkur

Til baka í yfirlit