Golfklúbbur Reykjavíkur gerir samninga við þjónustuaðila golfherma – afsláttur fyrir félagsmenn

Golfklúbbur Reykjavíkur gerir samninga við þjónustuaðila golfherma – afsláttur fyrir félagsmenn

Golfklúbbur Reykjavíkur hefur gert samstarfssamninga við þjónustuaðila golfherma sem ætla að bjóða félagsmönnum upp á afsláttarkjör í vetur. Með samningunum vill Golfklúbbur Reykjavíkur bæta þjónustu sína við félagsmenn, svo þeir geti nýtt sér aðstöðu til inniæfinga yfir vetrartímann.

Fyrri samningurinn sem hefur verið gerður er við Golfklúbbinn sem er til húsa að Fossaleyni 6 í Grafarvogi (á móti Egilshöllinni). Golfklúbburinn býður uppá fyrsta flokks þjónustu í golfhermum sem eru frá Full Swing Golf, sömu gerðar og Tiger Woods, Jordan Spieth og Justin Rose ásamt fleirum nota. Hægt er að velja um að leika á fjölda heimsfrægra golfvalla, auk þess að fara á æfinga- eða leikjasvæðið. Í Golfklúbbnum er lögð áhersla á að kylfingar geti bætt frammistöðu og er í því skyni boðið uppá hátækni púttflöt frá PuttView og sveiflugreiningarbúnað frá Swing Catalyst, hvoru tveggja búnaður sem bestu kylfingar heims reiða sig á. Þá verður gott framboð á námskeiðum og kennslu í boði.

Hjá Golfklúbbnum er einnig boðið upp á veitingar, sjónvörp og pílu til afþreyingar fyrir þá sem hafa áhuga á því.

Hægt er að panta fasta tíma yfir veturinn og er allar frekari upplýsingar að fá hjá Golfklúbbnum.

Verð fyrir leigu á golfhermi pr. klukkustund eru eftirfarandi:

Rótími – frá kl. 10:00-17:00
Fullt verð kr. 4.000
– verð fyrir félaga GR kr. 3.000
Rótími er mánudaga til fimmtudaga frá opnun til kl. 16:00 og til kl. 14:00 á föstudögum
 

Prýðistími – frá kl.17:00 til 23:00
Fullt verð kr. 6.000
– verð fyrir félaga GR kr. 4.750
Prýðistími er frá kl. 17:00 mánudaga til fimmtudag, frá kl. 14:00 á föstudögum og allar helgar (rauðir dagar og aðrir tímar geta einnig fallið undir prýðistíma) 

Tímapantanir fara fram í gegnum skilaboð á Facebook með tölvupósti á netfangið golf@golfklubburinn.is eða í síma 820-9111.

Við hlökkum til samstarfsins og vonumst til að félagsmenn komi til með að nýta sér þá þjónustu sem í boði er hjá Golfklúbbnum í vetur.

Golfklúbbur Reykjavíkur

Til baka í yfirlit