Á morgun hefst keppni á Swiss Challenge mótinu sem er hluti af Áskorendamótaröðinni. Meðal keppenda eru þeir Haraldur Franklin Magnús og Guðmundur Ágúst Kristjánsson.

Haraldur Franklín endaði í 22. sæti á Opna portúgalska meistaramótinu sem leikið var um síðustu helgi á Royal Óbidos vellinum í Portúgal. Haraldur Franklín fór upp um 2 sæti á stigalista mótaraðarinnar og er nú í 86. sæti. Guðmundur Ágúst Kristjánsson, GKG, lék einnig á mótinu en hann komst ekki í gegnum niðurskurðinn og er Guðmundur Ágúst í 89. sæti á stigalistanum.

Swiss Challenge mótið verður leikið dagana 22.-25. september á Saint Apollinaire vellinum í Frakklandi. Það verður 16. mótið á þessu ári á Áskorendamótaröðinni hjá Haraldi Franklín.

Hér verður hægt að fylgjast með rástímum, skori og stöðu keppenda

Lokamót Áskorendamótaraðarinnar fer fram í byrjun nóvember á Mallorca. Haraldur Franklín og Guðmundur Ágúst eru í harðri baráttu um að komast í hóp 45 stigahæstu keppenda á Áskorendamótaröðinni – sem fá keppnisrétt á lokamótinu. Þar verður keppt um 20 sæti á sjálfri Evrópumótaröðinni.

Við sendum góðar kveðjur á strákana og óskum þeim góðs gengis á móti helgarinnar!

Golfklúbbur Reykjavíkur