Opna FootJoy 2026 - skráning í fullum gangi

Nýliða og háforgjafamót verður haldið laugardaginn 18. júlí, rástímar milli 10:00-11:30 - 40 pláss í boði. Skráning er hafin í gegnum Golfbox . Um leið og leikmaður hefur tryggt sér pláss þarf að ganga frá greiðslu mótsgjalds með millifærslu.

Íslenski atvinnukylfingurinn Haraldur Franklín Magnús endaði jafn í 25. sæti á German Challenge powered by VcG mótinu á HotelPlanner Tour mótaröðinni. Mótið fór fram dagana 9.-12. júlí á Wittelsbacher Golfclub vellinum í Þýskalandi. Hér má sjá úrslit mótsins Haraldur lék hringina fjóra á 70, 71, 70 og 68 höggum og lauk leik á samtals níu höggum undir pari. Haraldur lék fyrstu tvo hringina á tveimur höggum undir pari og komst örugglega í gegnum niðurskurðinn. Á þriðja hringnum lék Haraldur aftur á 70 höggum. Hann fékk fjóra fugla og tvo skolla og var fimm höggum undir pari fyrir lokahringinn. Haraldur átti sinn besta hring í mótinu á lokadeginum þegar hann lék á 68 höggum, fjórum höggum undir pari. Hann fékk fugla á 4., 8., 12. og 15. holu og var skollalaus á hringnum. Haraldur fór upp um 14 sæti á lokadeginum og lauk keppni jafn í 25. sæti á níu höggum undir pari. Flott spilamennska hjá Haraldi sem náði með þessu sínum besta árangri á tímabilinu.

Ragnhildur Kristinsdóttir, GR, endaði jöfn í þriðja sæti á Women’s English Open mótinu á LET Access mótaröðinni, sem lauk í dag. Mótið fór fram á The Manchester Golf Club í Englandi dagana 8.-10. júlí og var eitt af stærri mótum tímabilsins. Ragnhildur endaði jöfn í þriðja sæti á níu höggum undir pari eftir hringi upp á 69, 65 og 73 högg. Hún var jöfn í efsta sæti fyrir lokahringinn eftir frábæran annan hring sem hún lék á 65 höggum, þar sem hún fékk níu fugla og blandaði sér í toppbaráttuna. Ragnhildur lék lokahringinn á 73 höggum eða einu höggi yfir pari. Hún fékk þrjá fugla á hringnum en einnig tvo skolla og einn tvöfaldan skolla. Enn eitt gott mót hjá Ragnhildi á LET Access, en hún fer upp í áttunda sæti stigalistans með árangrinum.  Stigalistinn er kylfingum mjög mikilvægur, en efstu sjö kylfingarnir í lok tímabilsins fá keppnisrétt á LET mótaröðinni á næsta tímabili.

Kæru félagsmenn Við vonum að allir keppendur í nýliðnu meistaramóti hafi notið vallanna okkar. Eins og fyrr hefur komið fram þurfum við að gefa 1. flötinni og nærumhverfi okkar í Grafarholti smá hvíld svo við tökum útaf flötinni í dag í einhvern tíma. Að sjálfsögðu hleypum við aftur inn á flötina um leið og við sjáum að aðstæður batna. Eins viljum við láta vita að fyrirhugað er að gata og sanda flatir í Grafarholti, en nákvæm tímasetning mun velta á veðurfari. Við reiknum samt með að þetta gerist í næstu viku, vikunni 20.-24. júlí. Bestu kveðjur, Vallarsvið

Kæru kylfingar Vegna mikillar rigningar í kortunum í dag og næstu daga hafa vallarstjórar tekið ákvörðun um að leyfa ekki golfbíla á völlum félagsins í dag og á morgun. Tilkynnt verður á morgun með framhaldið. Kveðja, Vallarsvið.

Það er alltaf mikil spenna í loftinu þegar meistaramóti er að ljúka, ein skemmtilegasta vika sumarsins hjá mörgum kylfingum. Hákon Örn Magnússon vann sinn annan klúbbmeistaratitil en Þóra Sigríður Sveinsdóttir var að fagna sínum fyrsta sigri. Þóra Sigríður Sveinsdóttir var í og með forystuna í gegnum allt mótið og lauk leik á 299 höggum eða 11 höggum yfir pari. Ásdís Valtýsdóttir varð önnur, hún var einnig búin að vera í efstu sætum í gegnum mótið, hún lauk hún leik á 305 höggum eða 17 höggum yfir pari. Þriðja varð Margrét Jóna Eysteinsdóttir á 309 höggum eða 21 höggi yfir pari. Hákon Örn Magnússon var einnig í og með forystuna í gegnum nánast allt mótið og lauk leik á 279 höggum eða 5 höggum undir pari. Fyrir lokahringinn var Hákon Örn með 7 högga forystu sem Böðvar Bragi náði að minnka smátt og smátt á síðasta hring. Þegar ein hola var eftir og eitt högg skildi þá félaga af var spennan í hámarki, leikar enduðu þó þannig að Böðvar Bragi fékk bogey og Hákon Örn par. Böðvar Bragi varð því annar á 281 höggi eða 3 höggum undir pari. Þriðji varð Elvar Már Kristinsson á 287 höggum eða 3 höggum yfir pari. Fullt hús var á Lokahófi sem haldið var á Korpunni í gær þar sem Jóhann Alfreð veislustýrði af sinni alkunnu snilld, að verðlaunaafhendingu lokinni tók Dj Tutti Frutti við og sá um að halda gleðinni og stemmningunni fram eftir kvöldi. Þrír kylfingar slóu draumahöggið í mótinu og einn kylfingur sló ennþá sjaldgjæfara draumahögg: Ingimar Jónasson - hola í höggi á 6. braut á Sjónum Hjalti Ævarsson - hola í höggi á 3. braut á Sjónum Páll Dagbjartsson - hola í höggi á 3. braut á Sjónum Jóhann Frank Halldórsson - albatross á 11. braut á Ánni Öll úrslit úr þriggja og fjögurra daga keppni í mótinu má finna í mótaskrá á Golfbox en helstu úrslit úr fjögurra daga keppni mótsins urðu þessi: 50-64 ára konur fgj,0-16,4 Sigríður Kristinsdóttir, 330 högg Júlíana Guðmundsdóttir, 341 högg Ásta Óskarsdóttir, 343 högg 50-64 ára karlar fgj.0-10,4 Frans Páll Sigurðsson, 291 högg Jón Karlsson, 297 högg Haraldur Þórðarson, 299 högg - vann í bráðabana 2.flokkur kvenna Svenný Sif Rúnarsdóttir, 373 högg Kristi Jo Jóhannsdóttir, 377 högg Berglind Jónsdóttir, 378 högg 2.flokkur karla Hreimur Guðlaugsson, 333 högg Pétur Kristinsson, 334 högg - vann bráðabana Brynjar Guðjónsson, 334 högg 1.flokkur kvenna Jenný María Jónsdóttir, 331 högg Helga Friðriksdóttir, 336 högg Sara Ágústa Sigurbjörnsdóttir, 337 högg 1.flokkur karla Stefán Óli Magnússon, 304 högg Pétur Steinn Þorsteinsson, 306 högg Thomas Ari Arnarsson, 307 högg Meistaraflokkur kvenna Þóra Sigríður Sveinsdóttir, 299 högg Ásdís Valtýsdóttir, 305 högg Margrét Jóna Eysteinsdóttir, 309 högg Meistaraflokkur karla Hákon Örn Magnússon, 279 högg Böðvar Bragi Pálsson, 281 högg Elvar Már Kristinsson, 287 högg Við óskum þeim Hákoni Erni og Þóru Sigríði innilega til hamingju með klúbbmeistaratitlana einnig óskum við öðrum sigurvegurum til hamingju með sinn árangur. Þriggja daga mót – Holtið – Holtið – Korpa Þriggja daga mót – Korpa – Korpa – Holtið Fjögurra daga mót – miðvikudag-laugardag Einnig má sjá frétt um helstu úrslit úr barna- og unglingaflokkum og helstu úrslit úr öðrum flokkum í þriggja daga móti hér . Allar flottu myndirnar hans Frosta Eiðssonar má finna inn á www.golfmyndir.is eða með því að smella á hlekkina hér fyrir neðan: Dagur 1 - þriggja daga mót Dagur 2 - þriggja daga mót Dagur 3 - þriggja daga mót Dagur 4 - fjögurra daga mót Dagur 5 - fjögurra daga mót Dagur 6 - fjögurra daga mót Dagur 7 - fjögurra daga mót Lokahóf og verðlaunaafhending barna- og unglinga Lokahóf og verðlaunaafhending lokadagur Við þökkum félagsmönnum frábæra meistaramótsviku! Golfklúbbur Reykjavíkur

Golfklúbbur Reykjavíkur hefur þann heiður að halda Íslandsmótið í golfi 2026 í góðu samstarfi við Golfsamband Íslands. Mótið fer fram dagana 6.–9. ágúst á Korpu þar sem leikið verður á völlunum Sjónum og Ánni . Markmið okkar er að skapa glæsilega umgjörð fyrir bæði keppendur og áhorfendur og gera Íslandsmótið að eftirminnilegum viðburði. Til þess þurfum við á öflugum hópi sjálfboðaliða að halda og leitum því til félagsmanna Golfklúbbs Reykjavíkur eftir aðstoð. Hlutverk sjálfboðaliða Við leitum meðal annars að sjálfboðaliðum í eftirtalin verkefni: Framverði og gæslu áhorfenda. Bílastæðavörslu / Leiðaraaðstoð Bera sand í kylfuför (kvöldvinna) Önnur fjölbreytt verkefni sem tengjast framkvæmd mótsins. Aðbúnaður sjálfboðaliða Allir sjálfboðaliðar fá vinnufatnað frá 66°Norður meðan á mótinu stendur. Einnig verður sérstök aðstaða fyrir sjálfboðaliða á 2. hæð í Korpu þar sem boðið verður upp á veitingar og góða hvíldaraðstöðu á milli verkefna. Vaktir - b oðið verður upp á þrjár vaktir á hverjum keppnisdegi: Morgunvakt: kl. 7:00–11:00 Miðdagsvakt: kl. 10:30–16:00 Síðdegisvakt: kl. 15:30–20:30 Taktu þátt! Við vonum innilega að sem flestir félagsmenn Golfklúbbs Reykjavíkur sjái sér fært að leggja hönd á plóg og taka þátt í þessu stóra verkefni. Það er bæði ánægjulegt og gefandi að taka þátt í mótahaldi sem þessu, kynnast öðrum félagsmönnum og leggja sitt af mörkum til að gera Íslandsmótið að glæsilegri upplifun fyrir alla. Skráðu þig sem sjálfboðaliða og vertu hluti af einu stærsta golfmóti ársins. Við hlökkum til að starfa með þér!

Lokahóf & verðlaunaafhending í Meistaramóti GR 2026 verður haldið á Korpunni næstkomandi laugardag, 11. júlí. Allir þátttakendur í Meistaramóti fá afhentan aðgöngumiða í lokahóf á síðasta keppnisdegi sem framvísa þarf hjá starfsfólki í veitingasölu þegar mætt er á laugardag. Salurinn opnar kl. 18:00 og boðið verður upp á ljúffengar veitingar að hætti Klúbbhús , miðað við fjölda keppenda má reikna með að salurinn verði að minnsta kosti tvísetinn og því kjörið að mæta snemma og fylgjast með keppendum í meistaraflokk ljúka leik. Jóhann Alfreð mun veislustýra yfir borðhaldi af sinni einstöku list. Live-skor verður birt á skjá á báðum hæðum hússins. Leikur Englangs og Noregs í 8 liða úrslitum á HM í fótbolta verður sýndur á skjám í veitingasal. Verðlaunaafhending er áætluð um kl. 21:00 og þegar klúbbmeistarar GR 2026 hafa verið krýndir mun DJ Tutti Frutti keyra stuðið upp og skemmtir gestum á fyrstu hæðinni til kl. 01:00 þegar húsið lokar. Fyrir þá sem ekki taka þátt í mótinu en vilja mæta á Lokahóf – borða og gleðjast með keppendum – þá er hægt að kaupa miða í veitingasölu Klúbbhús á Korpu, miðaverð er 7.990 kr. Nokkur atriði: 20 ára aldurstakmark er á svæðið Ekki þarf að skrá sig sérstaklega í Lokahóf Mikilvægt er að muna eftir aðgangasmiða Hlökkum til að gleðjast með ykkur á lokahófinu! Golfklúbbur Reykjavíkur

Keppendur í þriggja daga keppni Meistaramóts GR 2026 voru yfir 350 samtals og luku þau leik í gær, þriðjudaginn 7. júlí. Þar af voru 52 keppendur í barna- og unglingaflokkum, úrslit í þeirra flokkum voru birt í gær ásamt því að að verðlaunaafhending og lokahóf fyrir þá flokka fór fram að kvöldi síðasta leikdags og má sjá úrslit þeirra hér . Veðurguðirnir buðu upp á allskonar veður. Fyrstu tveir dagarnir voru fínir veðurlega séð - sól, hiti og töluverður vindur á sunnudaginn, skýjað, hiti og gjóla á mánudaginn gærdagurinn og sá síðasti var hinsvegar ansi krefjandi með úrhellisrigningu og miklum vindi. 75 ára og eldri karlar, fgj. 15,5-54 Kjartan B. Guðmundsson, 243 högg Geir Jón Grettisson, 245 högg Steinar Ágúst Ágústsson, 246 högg 75 ára og eldri karlar, fgj. 0-15,4 Walter Hjartarson, 233 högg Ragnar Ólafsson, 246 högg Guðmundur Haraldsson, 249 högg 65 ára og eldri konur, fgj. 20,5-54 Guðbjörg Sigmundsdóttir, 291 högg Hanna Sveinrún Ásvaldsdóttir, 292 högg - vann í bráðabana Helga Hilmarsdóttir, 292 högg 65 ára og eldri konur, fgj. 0-20,4 Steinunn Sæmundsdóttir, 252 högg Líney Rut Halldórsdóttir, 253 högg Guðrún Garðars, 257 högg 65-75 ára karlar, fgj. 15,5-54 Ásgeir Sigurðsson, 258 högg Jens Valur Ólason, 265 högg Árni Zophoníasson, 266 högg 65-74 ára karlar, fgj. 0-15,4 Brynjar Harðarson, 229 högg Hannes Eyvindsson, 236 högg Rúnar Guðmundsson, 245 högg 50-64 ára konur, fgj. 26,5-54 Ásta B. Haukdal Styrmisdóttir, 299 högg Bergþóra Kristinsdóttir, 304 högg Drífa Jenný Helgadóttir, 305 högg 50-64 ára karlar, fgj. 20,5-54 Birgir Örn Friðjónsson, 288 högg - vann í bráðabana Snorri Þorsteinn Olgeirsson, 288 högg Ríkharður Traustason, 290 högg 50-64 ára konur, fgj. 16,5-26,4 Dagný Erla Gunnarsdóttir, 263 högg Elín Arna Gunnarsdóttir, 270 högg Guðrún Árnadóttir, 276 högg 50-64 ára karlar, fgj. 10,5-20,4 Valgeir Egill Ómarsson, 251 högg - vann í bráðabana Leifur Kristjánsson, 251 högg Kjartan Jónsson, 254 högg 5. flokkur karla Guðmundur Júlíus Jóhannsson, 287 högg Sigurður Guðjónsson, 315 högg Kristófer Darri Baldursson, 333 högg 4. flokkur kvenna Þóra Björg Róbertsdóttir, 314 högg Nanna Margrét Gunnlaugsdóttir, 323 högg Ólöf Ragna Ámundadóttir, 343 högg 4. flokkur karla Pétur Gunnar Thorsteinsson, 265 högg Róbert Grímur Grímsson, 272 högg Ívar Örn Halldórsson, 283 högg 3. flokkur kvenna Freyja Viðarsdóttir, 294 högg Sigrún A. Þorsteinsdóttir, 295 högg Védís Skarphéðinsdóttir, 297 högg 3. flokkur karla Patrick Andre Rene Ramette, 263 högg Ægir Birgisson, 264 högg Bjarni Aðalgeirsson, 269 högg Myndir frá þriggja daga mótinu má finna inn á www.golfmyndir.is eða með því að smella á hlekkina hér fyrir neðan: Golfmyndir.is - dagur 1 Golfmyndir.is - dagur 2 Golfmyndir.is - dagur 3 Öll úrslit úr þriggja daga keppni Meistaramótsins er að finna í mótaskrá á Golfbox eða með því að smella á hlekkina hér fyrir neðan: Þriggja daga mót – Holtið – Holtið – Korpa Þriggja daga mót – Korpa – Korpa – Holtið Við þökkum öllum keppendum þessara flokka fyrir þátttöku í Meistaramóti og óskum sigurvegurum til hamingju með sinn árangur. Hlökkum til að sjá ykkur öll í lokahófi á laugardag! Golfklúbbur Reykjavíkur